Tokyo Olympics 2020: કુશ્તીમાં વિનેશ ફોગાટની ક્વાર્ટર ફાઇનલમાં હાર,મેડલની આશા યથાવત

ભારતના સ્ટાર રેસલર વિનેશ ફોગાટે (Vinesh Phogat) ટોક્યો ઓલિમ્પિકમાં (Tokyo Olympics 2020) મુકાબલો લડ્યો. આ મુકાબલામાં મહિલાઓની 53કિલો કેટેગરીના પ્રી ક્વાર્ટર ફાઇનલમાં સ્વીડનની સોફિયાને સરળતાથી મ્હાત આપી. પરંતુ ક્વાર્ટર ફાઇનલમાં તેઓ હારી ગયા.

વિનેશને બેલારુસના રેસલરે મ્હાત આપી. અને વિનેશ ફોગાટ સેમીફાઇનલ સુધી ન પહોંચી શક્યા. જો કે વિનેશ પાસે હજી પણ મેડલ જીતવાનો મોકો છે. પરંતુ તે માટે બેલારુસના રેસલરનુ ફાઇનલમાં પહોંચવુ જરુરી છે. જો તેઓ ફાઇનલમાં જાય છે તો વિનેશ રેપેચેજ દ્વારા બ્રોન્ઝ મેડલ પર દાંવ લગાડી શકે છે.

આપને જણાવી દઇએ કે બેલારુસના વેનેસાએ વિનેશને ક્વાર્ટરફાઇનલમાં 9-3થી હરાવ્યા. જ્યારે ક્વાર્ટર ફાઇનલ પહેલાના મુકાબલામાં સ્વીડનના સોફિયા મૈગડાલેના મેટસનને વિનેશે 7-1થી હાર આપી હતી.

આ પણ વાંચો : Tokyo Olympic: ચક દે ઇન્ડિયા ! હોકી ટીમે 41 વર્ષે મેડલ મેળવ્યો, ભારતીય હોકી ટીમે જર્મનીને 5-4 થી હરાવીને ઓલિમ્પિક મેડલ જીત્યો

આ પણ વાંચો :Tokyo Olympic: નીરજ ચોપડાએ એ વર્લ્ડ ચેમ્પિયનને હરાવ્યો, જેમણે કહ્યું હતુ મને હરાવવો મુશ્કેલ છે