Tokyo Olympics 2020 Live : નીરજે ગોલ્ડ મેડલ, તો બજરંગ પુનિયા બ્રોન્ઝ મેડલ જીત્યો,ગોલ્ફર અદિતિ અશોક ન જીતી શકી મેડલ

નીરજ ચોપરાએ જીત બાદ કહ્યું – મને વિશ્વાસ નથી. મારા માટે અને મારા દેશ માટે ગૌરવની ક્ષણ છે

પાકિસ્તાનના ભાલા ફેંકનાર અરશદ નદીમે નીરજ ચોપરાને અભિનંદન આપ્યા છે અને તેમનેપોતાના આયડલ કહ્યા છે. નદીમે પાંચમું સ્થાન મેળવ્યું હતું

નીરજ ચોપરાના ગામમાં જીતની ઉજવણી કરાઈ છે. આખો દેશ આ ઔતિહાસિક ગોલ્ડ મેડલની ઉજવણીમાં ડૂબી ગયો છે. દેશ વર્ષોથી આ ક્ષણની રાહ જોતો હતો. 23 વર્ષના નીરજે દેશને આ ખુશી આપી છે.

ટોકિયો ઓલિમ્પકમાં ઇતિહાસ રચનાર પાનીપતનો યુવક નીરજ ચોપરાએ જેવલિન થ્રોમાં ગોલ્ડ મેડલ જીતીને ભારતનું નામ સમગ્ર વિશ્વમાં રોશન કર્યું છે.

टोक्यो में भारत का स्वर्णिम इतिहास रचने वाले पानीपत के युवा नीरज चोपड़ा ने जैवलिन थ्रो में स्वर्ण पदक हासिल करके पूरे विश्व में भारत का नाम रौशन किया है। मेरी बधाई और आगे भी ऐसी ही स्वर्णिम सफलताओं के लिए शुभकामनाएं। pic.twitter.com/151SD9QMX4

— Acharya Devvrat (@ADevvrat) August 7, 2021

નીરજના ગોલ્ડ મેડલથી  ટોક્યો ઓલિમ્પિકના મેડલ ટેબલમાં ભારત 66મા ક્રમેથી 47મા સ્થાને પહોંચી ગયું છે.

નીરજ ચોપરાએ ઈતિહાસ રચ્યો છે. તેણે જેવલિન થ્રોમાં ગોલ્ડ જીત્યો છે. તેનો શ્રેષ્ઠ ફેંક 87.58 મીટર છે. ઓલિમ્પિકની વ્યક્તિગત સ્પર્ધામાં ભારતને 13 વર્ષ બાદ બીજો ગોલ્ડ મળ્યો. અનુભવી શૂટર અભિનવ બિન્દ્રાએ 2008 બેઇજિંગ ઓલિમ્પિકમાં પ્રથમ વખત ગોલ્ડ મેડલ જીતવાની સિદ્ધિ હાંસલ કરી હતી.

જેવલિન થ્રોમાં નીરજ ચોપરાએ ગોલ્ડ મેડલ જીતી ઈતિહાસ રચ્યો છે

ચેક રિપબ્લિકના બે ખેલાડીઓ અને ભારતના નીરજની છેલ્લા રાઉન્ડની શાનદાર મુકાબલો જામ્યો છે

નીરજ ચોપરા ઈતિહાસ રચવા જઈ રહ્યો છે. તે ગોલ્ડ જીતવાથી થોડી મિનિટો દૂર છે. પાંચ પ્રયાસો બાદ નીરજ ટોચ પર છે. અત્યાર સુધી કોઈ પણ રમતવીરે તેના 87.58 મીટરના થ્રોથી વધુ ફેંક્યો નથી. જેકુબ વડલેજચ બીજા સ્થાને છે. તેનો શ્રેષ્ઠ ફેંક 86.67 મીટર રહ્યો છે. વિટડેસ્લાવ વેસેલી ત્રીજા નંબરે છે. તેણે 85.44 મીટરનો થ્રો કર્યો હતો. તેણે આ થ્રો ત્રીજા પ્રયાસમાં કર્યો હતો.

ચોથા રાઉન્ડમાં નીરજ ચોપરાએ પ્રયાસ ફાઉલ કર્યો હતો. જોકે તે આગળ છે. તેમની પાછળ ચેક રિપબ્લિકનો વેસ્લી વિટેજસ્લાવ છે જે નિરજથી લગભગ બે મીટર પાછળ છે.

જર્મનીના અનુભવી જોહાન્સ વેટર ટોપ -8 માંથી બહાર છે. ત્રણ પ્રયાસોમાંથી તેના બે થ્રો ફાઉલ હતા. તેનો શ્રેષ્ઠ ફેંક 82.52 મીટર હતો. જોહાન્સ વેટર ગોલ્ડ મેડલ જીતવા માટે પ્રબળ દાવેદાર હતા. તેની પાસે જેવલિન થ્રોના ઇતિહાસમાં બીજો સૌથી લાંબો થ્રો છે. 28 વર્ષીય સુસંગતતા સાથે 90 મીટર બરછી ફેંકવા માટે જાણીતા છે.

તેણે 2017 વર્લ્ડ ચેમ્પિયનશિપમાં ગોલ્ડ અને યુરોપિયન થ્રોઇંગ કપમાં ગોલ્ડ મેડલ જીત્યો હતો. તેણે 2019 વર્લ્ડ ચેમ્પિયનશિપમાં બ્રોન્ઝ મેડલ જીત્યો હતો. વેઈટરે બરછી 97.76 મીટર દૂર ફેંકી દીધી છે. આ તેની શ્રેષ્ઠ ફેંક હતી.

તે ગત્ત વર્ષે 72 સેન્ટિમીટરનો વર્લ્ડ રેકોર્ડ બનાવવાનું ચૂકી ગયો હતો. બરછી ફેંકવાની બાબતમાં, વેઈટર ચેક રિપબ્લિકના અનુભવી જાન ઝેલેઝની (98.48 મીટર) પછી બીજા ક્રમે છે.

વધુ વાંચવા લિંક પર ક્લિક કરો : Javelin Throw : ભારત-પાકિસ્તાનના ખેલાડી ઓલિમ્પિકમાં ટકરાશે, નીરજ ચોપરા પર સૌની નજર

અત્યાર સુધીમાં તમામ 12 રમતવીરોએ તેમના ત્રણ પ્રયાસો પૂર્ણ કર્યા છે. ભારતના નીરજ ચોપરા 87.58 મીટરના થ્રો સાથે પ્રથમ સ્થાને છે. તેણે આ થ્રો ત્રીજા પ્રયાસમાં કર્યો હતો. બીજા સ્થાને ચેક રિપબ્લિકનો વિટ્ડેસ્લાવ વેસેલી છે. તેનો શ્રેષ્ઠ ફેંક 85.44 મીટર છે. જુલિયન વેબર ત્રીજા સ્થાને છે. તેનો શ્રેષ્ઠ ફેંક 85.30 મીટર છે અને પાકિસ્તાનનો અરશદ નદીમ 84.62 મીટરના થ્રો સાથે ચોથા નંબરે છે. તેણે આ થ્રો ત્રીજા પ્રયાસમાં કર્યો હતો.

આ ફાઇનલ મેચમાં પાકિસ્તાનનો અરશદ નદીમ પણ ભાગ લઈ રહ્યો છે. તેણે પ્રથમ પ્રયાસમાં બરછી 82.40 મીટર દૂર ફેંકી દીધી. તેનો બીજો પ્રયાસ ફાઉલ હતો. એટલે કે તેનો અત્યાર સુધીનો શ્રેષ્ઠ ફેંક 82.40 મીટર છે. તેની પાસે વધુ ચાર પ્રયાસો છે.

પ્રથમ પ્રયાસમાં 87.03 મીટર દૂર ભાલો ફેંક્યો હતો

બીજા થ્રોમાં એણે 87.58 મીટર દૂર ભાલો ફેંક્યો

ત્રીજા પ્રયાસમાં નીરજે 76.79 મીટર દૂર થ્રો ફેંક્યો છે.

નીરજ ચોપરાનો થ્રો ત્રીજા પ્રયાસમાં બહુ આગળ ન વધ્યો. તે માત્ર 76.79 મીટર દૂર બરછી ફેંકી શક્યો હતો. નીરજનો શ્રેષ્ઠ ફેંક 87.58 મીટર છે. તે પ્રથમ સ્થાને છે.

નીરજ ચોપરા માટે સારા સમાચાર એ છે કે ગોલ્ડ મેડલના દાવેદાર જોહાનિસ વેટરનો બીજો પ્રયાસ ફાઉલ માનવામાં આવ્યો હતો. તેનો પગ બહાર હતો

નીરજ ચોપરાએ તેના બીજા પ્રયાસમાં 87.58 મીટરનો થ્રો ફેંક્યો હતો. દરેક થ્રો સાથે તેમનો આત્મવિશ્વાસ વધતો જણાય છે.

પ્રથમ પ્રયાસ – 87.03 મી
બીજો પ્રયાસ – 87.58 મી

અત્યાર સુધીમાં 8 રમતવીરોએ ફેંક્યા છે. નીરજ પ્રથમ સ્થાને રહે છે. નીરજ પછી જર્મનીના જુલિયન વેબરે સૌથી દૂરનો ભાલો ફેંક્યો છે. તેણે બરછી 85.30 મીટર દૂર ફેંકી દીધી. આ સાથે જ જર્મનીના જોહાન્સ વેટરનો થ્રો 82.52 મીટર હતો.

નીરજ ચોપરાએ પોતાના પ્રથમ પ્રયાસમાં 87.0 મીટરનો થ્રો ફેંક્યો હતો. નીરજ માટે આ સારી શરૂઆત છે. તેના ક્વોલિફાઇંગ રાઉન્ડ માર્ક કરતા લાંબી ફેંક છે

2012 ની લંડન ગેમ્સમાં સુશીલ કુમાર અને યોગેશ્વર દત્તે સિલ્વર અને બ્રોન્ઝ મેડલ જીત્યો હતો. રવિ દહિયાએ ગુરુવારે 57 કિલોગ્રામમાં સિલ્વર મેડલ જીત્યો હતો. આજે ટોક્યો ઓલિમ્પિકમાં બજરંગ પુનિયાએ બ્રોન્ઝ મેડલ જીત્યો છે

વર્ષ 2019માં વર્લ્ડ ચેમ્પિયનશિપની ફાઇનલમાં બજરંગ પુનિયા અને નિયાઝબેકોવ સામ-સામે હતા. મેચ 9-9ની બરાબરી પર હતી, ત્યારબાદ બજરંગે નિયાઝબેકોવને વિજેતા જાહેર કરવા પર સવાલો ઉભા કર્યા. તે મેચના નિર્ણય સાથે સહમત ન હતો.

બજરંગ પુનિયાની બ્રોન્ઝ મેડલ માટે મેચ શરૂ થઈ ગઈ છે. તે કઝાકિસ્તાનના નિયાઝબેકોવ સામે ટકરાયો છે.

બજરંગ પુનિયા હવે બ્રોન્ઝ મેડલ મેચ માટે કઝાકિસ્તાનના નિયાઝબેકોવ સામે ટકરાશે. આ બંને ખેલાડીઓ વર્ષ 2019માં યોજાયેલી વર્લ્ડ ચેમ્પિયનશિપની સેમિફાઇનલમાં સામસામે આવ્યા હતા.

ટોક્યો ઓલિમ્પિકમાં ઐતિહાસિક અભિયાનને પગલે ભારતીય પુરુષ અને મહિલા હોકી ટીમોએ વિશ્વ રેન્કિંગમાં પોતાનું શ્રેષ્ઠ સ્થાન હાંસલ કર્યું છે. પુરુષોની ટીમ ત્રીજા સ્થાને અને મહિલા ટીમ આઠમા સ્થાને પહોંચી છે. ભારતીય પુરુષ ટીમે ઓલિમ્પિકમાંઐતિહાસિક બ્રોન્ઝ મેડલ જીતીને 41 વર્ષના મેડલ દુકાળનો અંત લાવ્યો હતો.

અમેરિકાની એલિસન ફેલિક્સે શુક્રવારે 400 મીટર દોડમાં ત્રીજા સ્થાને રહીને કારકિર્દીનો 10મો મેડલ જીત્યો હતો, તેને ઓલિમ્પિક ટ્રેક ઇવેન્ટમાં સૌથી મોટી મહિલા ખેલાડી બની હતી. 35 વર્ષીય યુએસ ટ્રેક એન્ડ ફિલ્ડ અનુભવીએ જમૈકાની સ્ટેફની એનને .15 સેકન્ડથી હરાવીને બ્રોન્ઝ મેડલ જીત્યો.

ટોક્યો ઓલિમ્પિક સિલ્વર મેડલ વિજેતા રવિ દહિયાએ સોનીપતમાં તેમના વતન ગામ નહારીમાં ઇન્ડોર કુસ્તી સ્ટેડિયમ બનાવવાની જાહેરાત કરવા માટે હરિયાણાના મુખ્યમંત્રી મનોહર લાલ ખટ્ટરનો આભાર માન્યો છે. દહિયાનો વીડિયો સંદેશ ખટ્ટર દ્વારા ટ્વિટર પર શેર કરવામાં આવ્યો હતો. દહિયાએ કહ્યું, “અમારા ગામમાં કુસ્તી ઇન્ડોર સ્ટેડિયમ બનાવવાની જાહેરાત કરવા બદલ હું મુખ્યમંત્રીનો આભાર માનું છું.”

સ્ટાર જૈવલિન નીરજ ચોપરા આજે ફાઇનલ મેચ રમશે. તેમની મેચ સાંજે 4.30 વાગ્યે શરૂ થશે. 23 વર્ષીય નીરજ ચોપરાએ પોતાના પ્રથમ પ્રયાસમાં 86.65 મીટર દુર જેવલિન થ્રો કર્યું હતું, જેણે 83.50 મીટરનો આંકડો પાર કરીને ક્વોલિફાય કર્યું હતું. તે ગ્રુપ Aમાં ટોપ પર હતો. ઓલિમ્પિકના ઈતિહાસમાં ટ્રેક એન્ડ ફિલ્ડ ઈવેન્ટમાં કોઈ ભારતીય ખેલાડીએ મેડલ જીત્યો નથી. ભાલા ફેંકનાર નીરજ ચોપરા ટોક્યો ઓલિમ્પિકમાં આ દુકાળનો અંત લાવી શકે છે.

સ્ટાર કુસ્તીબાજ બજરંગ પુનિયા (65 કિલો વજન વર્ગ) થોડા સમયમાં શરુ થશે. તેમની મેચ 4 વાગ્યે શરૂ થશે. તે હવે બ્રોન્ઝ મેડલ માટે રમશે. જો બજરંગ આમાં જીત મેળવવામાં સફળ રહે છે, તો તે ઓલિમ્પિકમાં ભારતના શ્રેષ્ઠ પ્રદર્શનની બરાબર હશે. 2012 ની લંડન ગેમ્સમાં સુશીલ કુમાર અને યોગેશ્વર દત્તે સિલ્વર અને બ્રોન્ઝ મેડલ જીત્યો હતો. રવિ દહિયાએ ગુરુવારે 57 કિલોગ્રામમાં સિલ્વર મેડલ જીત્યો હતો.

ટોક્યો ઓલિમ્પિકમાં ભારત આજના દિવસે હજુ બે મેડલ જીતી શકે છે. જ્યારે પુરૂષ કુસ્તીબાજ બજરંગ પુનિયા બ્રોન્ઝ મેડલ મેચમાં પ્રવેશ કરશે, ભારતનો ભાલા ફેંકનાર નીરજ ચોપરા ફાઇનલ રમશે. આ બંને હવે ભારતને મેડલ આપી શકે છે. જો બંને મેડલ જીતવામાં સફળ થાય તો આ ઓલિમ્પિકમાં ભારતની મેડલ ટેલી સાત મેડલ હશે અને ઓલિમ્પિક ગેમ્સમાં આ તેનું શ્રેષ્ઠ પ્રદર્શન હશે.

કેન્યાની દોડવીરોએ ઓલિમ્પિક મહિલા મેરેથોનમાં દબદબો રહ્યો છે, જેમાં શનિવારે અનુક્રમે પેરેઝ જેપચિરચિર અને બ્રિગિડ કોસ્ગેઇએ ગોલ્ડ અને સિલ્વર મેડલ મેળવ્યા હતા. જેપચિરચિરે 2 કલાક 27 મિનિટ અને 20 સેકન્ડનો સમય આપ્યો, જે તેના શ્રેષ્ઠ પ્રદર્શન કરતાં 10 મિનિટ વધારે છે.

ભારતીય મહિલા ટી 20 ટીમની કેપ્ટન હરમનપ્રીત કૌરે નીરજ ચોપરા માટે ખાસ સંદેશ મોકલ્યો છે. આજે ભારતને છેલ્લી મેડલની આશા છે.

લવલીના બોરગોહેનની ઇવેન્ટની અંતિમ મેચ બાદ આજે તેને બ્રોન્ઝ મેડલ આપવામાં આવ્યો હતો. લવલીના સેમિફાઇનલ મેચમાં હારી ગઇ હતી પરંતુ તેણે દેશ માટે બ્રોન્ઝ મેડલ પહેલાથી જ સુનિશ્ચિત કરી દીધો હતો.

લવલીના બોરગોહેન ને આજે મેડલ મળ્યો

કોઈપણ અન્ય ટુર્નામેન્ટમાં ચોથા સ્થાને રહેવાથી અદિતિ અશોકને કોઈ દુખ નથી પરંતુ આ ઓલિમ્પિક હતી અને ભારત તરફથી શ્રેષ્ઠ પ્રદર્શન કરનાર ભારતીય ગોલ્ફરે કહ્યું હતું કે ચોથા સ્થાને રહી ખુશ રહેવું શક્ય નથી. અન્ય કોઈ ટૂર્નામેન્ટમાં હું ખુશ હોત પરંતુ ઓલિમ્પિકમાં ચોથા સ્થાને ખુશ થવું મુશ્કેલ છે. હું સારું રમી છુ અને મારું 100 ટકા આપ્યું. મને લાગે છે કે, હું અંતિમ રાઉન્ડમાં સારું પ્રદર્શન કરી શકતી હતી.

વધુ વાંચવા લિંક પર ક્લિક કરો : Javelin Throw : ભારત-પાકિસ્તાનના ખેલાડી ઓલિમ્પિકમાં ટકરાશે, નીરજ ચોપરા પર સૌની નજર

ટોક્યો ઓલિમ્પિકમાં ભારતીય હોકીની ઐતિહાસિક જીત બાદ MS Dhoni છવાયો, કારણ છે 7 વર્ષ જૂનું

ટોક્યો ઓલિમ્પિકમાં ભારત તરફથી સર્વશ્રેષ્ઠ પ્રદર્શન કરનારા ભારતીય ગોલ્ફર અદિતિ અશોકે કહ્યુ કે અહીં ચોથા સ્થાન પર રહીને ખુશ રહેવુ સંભવ નથી. તેમણે કહ્યુ કોઇ બીજી ટૂર્નામેન્ટમાં મને ખુશી થાત પણ મારુ ખુશ રહેવુ મુશ્કેલ છે. મે સારુ રમ્યુ અને મારુ સો ટકા આપ્યુ. છેલ્લા રાઉન્ડમાં પાંચ બર્ડી અને બે બોગી કરનારા અદિતિએ કહ્યુ મને લાગે છે કે છેલ્લા રાઉન્ડમાં આના કરતા વધારે સારુ પ્રદર્શન કરી શકુ તેમ હતી તેમણે આશા જગાવી કે તેમના પ્રદર્શનથી લોકોની આ રમતમાં રુચિ વધશે.હજી પણ આને  ઉચ્ચકુળની રમત માનવામાં આવી રહ્યી છે.

રેસલર બજરંગ પૂનિયા – બ્રોન્ઝ મેડલ મેચ- સાંજે 04:05 વાગે

ભારતના સ્ટાર બજરંગ પૂનિયા શુક્રવારે સેમીફાઇનલ મુકાબલામાં હારી ગયા હતા. જો કે હવે રેપેચેજ મેચના વિજેતાનો સામનો કરશે મેડલ માટે

નીરજ ચોપડા- જેવલિન થ્રો ફાઇનલ – સાંજે 04: 30 વાગે

નીરજ ચોપડા પાસે આજે ઇતિહાસ રચવાનો મોકો છે. નીરજ જેવલિન થ્રોના ફાઇનલમાં છે. જો તેઓ જીત મેળવે છે તો ટ્રૈક એન્ડ ફીલ્ડ ઇવેન્ટસમાં દેશને મેડલ અપાવનારા પહેલા ખેલાડી હશે.

ઓલિમ્પિક રમતોમાં ભારતનુ આજ સુધીનુ સર્વશ્રેષ્ઠ પ્રદર્શન લંડન ઓલિમ્પિકમાં રહ્યુ હતુ જ્યાં દેશે છ મેડલ જીત્યા હતા. આ વખતે ભારતે અત્યાર સુધી પાંચ મેડલ જીતી લીધા છે. હજી બે ઇવેન્ટ છે. જેમાં દેશ મેડલ લાવી શકે છે. આજે નીરજ ચોપડા અને બજરંગ પૂનિયા મેડલ જીતે છે તો આ ભારતનુ અત્યાર સુધીનુ સર્વશ્રેષ્ઠ પ્રદર્શન હશે.

મીરાબાઇ ચાનૂ – વેટલિફ્ટિંગ – સિલ્વર

પીવી સિંધુ – બેડમિન્ટન- બ્રોન્ઝ

લવલીના બોરગોહેન – બૉક્સિંગ – બ્રોન્ઝ

રવિ દહિયા –રેસલિંગ- સિલ્વર

ભારતીય પુરુષ હૉકી ટીમ – બ્રોન્ઝ

અદિતિએ પોતાના છેલ્લા શૉટમાં બર્ડી મેળવવાની કોશિશ કરી પરંતુ તે સફળ ન રહ્યા. માત્ર એક સ્ટ્રોકે તેમની પાસેથી મેડલ છીનવી લીધો. તેઓ ચોથા સ્થાન પર રહ્યા. ચાર દિવસ સતત બીજા સ્થાન પર રહ્યા બાદ આજે છેલ્લા સ્ટ્રોકે તેમનુ સપનુ તોડી દીધુ

અમેરિકાના નેલી કોર્ડાએ ગોલ્ડ મેડલ જીત્યો. હવે સિલ્વર અને બ્રોન્ઝ મેડલ માટે જાપાનના મોની ઇનામી અને ન્યૂઝીલેન્ડના લીડિયા વચ્ચે મુકાબલો થઇ રહ્યો છે.

ગોલ્ફમાં ભારત માટે મેડલની આશા પૂર્ણ થઇ ચૂકી છે. અદિતિ અશોકે ચોથા સ્થાન પર ફિનિશ કર્યુ છે. અદિતિ અશોક માત્ર એક શોટ અંતરથી મેડલ ચૂકી ગયા છે. જો કે અદિતિ અશોક ઓલિમ્પિકમાં ભારત તરફથી સર્વશ્રેષ્ઠ પ્રદર્શન કરનારા ગોલ્ફર બની ગયા છે. છેલ્લા શૉટ સુધી અદિતિ અશોક મેડલની રેસમાં હતા. પરંતુ દિવસ અદિતિ અશોકનો નહોતો. ગોલ્ફનો ગોલ્ડ મેડલ અમેરિકા પાસે ગયો.

અદિતિ અશોકે 18માં હોલમાં બર્ડી મિસ કરી દીધુ છે તેઓ  ચોથા સ્થાન પર.

કોઇ પણ સ્થાન પર બે કે વધારે ખેલાડી રહેશે તો પ્લોઑફથી નિર્ણય લેવાશે.

17 હોલ બાદ અદિતિ અશોક ચોથા સ્થાન પર પહોંચી ગયા છે. તેમણે બર્ડી મિસ કરી દીધુ છે. અમેરિકાની નેલી કોર્ડા અને જાપાનની મોને ઇનામી પહેલા નંબર પર છે. ન્યૂઝીલેન્ડના લીડિયા ત્રીજા સ્થાન પર છે.

વરસાદ બાદ મુકાબલો ફરી શરુ થઇ ચૂક્યો છે. 17માં હોલની રમત રમાઇ રહી છે. અદિતિ અશોક હજી ત્રીજા સ્થાન પર છે.

જો વરસાદના કારણે શનિવાર કે રવિવારે મુકાબલો નથી યોજાતો તો 54 હોલના (ત્રીજા રાઉન્ડ)આધાર પર મેડલનો નિર્ણય થશે. એવામાં ભારતીય ગોલ્ફર અદિતિ અશોક સિલ્વર મેડલ જીતી શકે છે. કારણ કે તેઓ ત્રીજા રાઉન્ડ બાદ બીજા સ્થાન પર રહ્યા હતા.

https://twitter.com/Tokyo2020hi/status/1423850613931012100

ચોથા દિવસે અદિતિ અશોક ત્રણ અંડર 60નુ કાર્ડ રમ્યા હતા જ્યારે ન્યૂઝીલેન્ડના લીડિયા પાંચ અંડર 58નુ કાર્ડ રમ્યા. સ્પર્ધાની વાત કરીએ તો અદિતિ અને લિડિયા બંને 15 અંડર 261 સ્કોર સાથે ત્રીજા સ્થાને છે.

વરસાદના કારણે ગોલ્ફની રમતને થોડા સમય માટે રોકી દેવાઇ છે. અત્યારે અદિતિ અશોક ત્રીજા સ્થાન પર છે અને બ્રોન્ઝ મેડલની રેસમાં છે. 09:30 વાગે ખબર પડશે કે આજે આ મેચનુ પરિણામ આવશે કે નહી.

ચોથા રાઉન્ડમાં 16 હોલ પૂર્ણ થઇ ચૂક્યા છે. બે હોલ બાકી છે. અદિતિ ત્રીજા સ્થાન પર પહોંચી ગયા છે. 16માં હોલમાં અદિતિ અશોક અને ન્યૂઝીલેન્ડના લીડિયા ટાઇ પર છે. જાપનના મોને ઇનામી બીજા સ્થાન પર ચાલી રહ્યા છે. અમેરિકાના નેલી કોર્ડા પહેલા નંબર પર છે.

અદિતિ અશોકના મેડલ પર ખતરો,ન્યૂઝીલેન્ડના લીડિયા સાથે ત્રીજા નંબર પર છે. 15માં હોલમાં લીડિયાએ અદિતિ કરતા સારો ટી શૉટ લગાવ્યો. એવામાં તેમની પાસે બર્ડી અથવા ઇગલ લગાવવાનો મોકો છે. અમેરિકાના નેલી કોર્ડાનો ગોલ્ડ નક્કી લાગી રહ્યો છે.

અદિતિ અશોક ફરી એક વાર સારી રિદમ મેળવી રહ્યા છે. ચોથો રાઉન્ડ હવે પૂર્ણ થવા તરફ આગળ વધી રહ્યો છે. અદિતિ અશોક બીજી સ્થાન પર છે. આગામી શૉટ અદિતિ માટે ઘણા મહત્વપૂર્ણ સાબિત થવાના છે.

PM Modi : વડાપ્રધાન નરેન્દ્ર મોદીએ ભારતીય મહિલા હોકી ટીમની ખેલાડીઓ સાથે ફોન પર કરી વાત, ખેલાડીઓની આંખમાં આવ્યા આસું

અદિતિ અશોકે પોતાના પ્રદર્શનથી સૌ કોઇને ચોંકાવી દીધા છે. દુનિયામાં 179માં રેન્કિંગના ખેલાડી અદિતિ ચોથા રાઉન્ડમાં બીજા નંબર પર ચાલી રહ્યા છે.

પહેલા ત્રણ રાઉન્ડમાં અદિતિનુ પરફોર્મન્સ ઘણુ સારુ રહ્યુ હતુ. અદિતિને આ તેનો ફાયદો મળશે. ચાર રાઉન્ડ બાદ કુલ સ્કોરના આધાર પર જ મેડલ નક્કી થશે.

ગોલ્ફ – ચોથા રાઉન્ડમાં અદિતિ અશોક, ડેનમાર્કના ક્રિસ્ટીન પેડરસન ,ન્યૂઝીલેન્ડના લીડિયા અને જાપાનના મોને ઇનામી સાથે સંયુક્ત રુપથી બીજા સ્થાન પર ચાલી રહ્યા છે. નેલી કોર્ડા પહેલા નંબર પર છે.

ચોથા રાઉન્ડમાં 18 હોલ થવાના છે. 12 હોલ પૂર્ણ થઇ ચૂક્યા છે. અદિતિ અશોક ત્રીજા નંબર પર ચાલી રહ્યા છે. અમેરિકાના નેલી કોર્ડા પહેલા નંબર પર અને ડેનમાર્કના ક્રિસ્ટીન પેડરસન બીજા નંબર પર ચાલી રહ્યા છે.

ગોલ્ફ – અદિતિ અશોક ત્રીજા નંબર પર આવી ગયા છે. ભારતીય ગોલ્ફર અમેરિકાની નેલી કોર્ડા અને ડેનમાર્કની ક્રિસ્ટીન પેડરસન કરતા પાછળ ચાલી રહ્યા છે. ન્યૂઝીલેન્ડના લીડિયા પણ અદિતિને જોરદાર ટક્કર આપી રહ્યા છે.

ટોક્યોમાં આજે વરસાદની સંભાવના છે. ટોક્યો શહેરમાં વરસાદ શરુ થઇ ચૂક્યો છે. હજી સુધી ગોલ્ફ કોર્સમાં વરસાદ નથી વરસી રહ્યો. જો વરસાદના કારણે ચોથો રાઉન્ડ પ્રભાવિત થાય છે તો રવિવારનો દિવસ રિઝર્વ તરીકે રાખવામાં આવ્યો છે.

અદિતિ અશોક બીજા નંબર પર આવી ગયા છે. ભારતીય ગોલ્ફર ન્યૂઝીલેન્ડના લીડિયા અને ડેનમાર્કના ક્રિસ્ટીન પેડરસન સંયુક્ત રુપથી બીજા સ્થાન પર ચાલી રહ્યા છે.

છેલ્લા રાઉન્ડનો મુકાબલો થોડી વારમાં પૂર્ણ થવાનો છે. અદિતિ અશોક અને ડેનમાર્કના ક્રિસ્ટીન  પેડરસન સંયુક્ત રુપથી ત્રીજા સ્થાન પર ચાલી રહ્યા છે.

ચોથા રાઉન્ડમાં અદિતિ અશોકે ત્રણ બર્ડી અને એક બોગી લગાવી છે. તેઓ હવે ત્રીજા સ્થાન પર પહોંચી ગયા છે. અમેરિકાના નેલી કોર્ડા પહેલા નંબરે અને ન્યૂઝીલેન્ડના લીડિયા બીજા નંબર પર ચાલી રહ્યા છે.

અદિતિ જો મેડલ જીતી જાય છે તો ગોલ્ફમાં મેડલ જીતનારા ભારતના પહેલા ખેલાડી હશે. અદિતિએ માત્ર 18 વર્ષની ઉંમરમાં 2016 રિયો ઓલિમ્પિકમાં ભાગ લીધો હતો. તેઓ રિયો મહિલા ગોલ્ફ કોમ્પિટિશનમાં સૌથી નાની ઉંમરના પ્લેયર હતા. અદિતિ ગયા ઓલિમ્પિકમાં 41માં સ્થાન પર રહ્યા હતા

Tokyo Olympics: મહિલા હોકી ટીમના કોચ જોએર્ડ મરીને પદ છોડવાનો કર્યો નિર્ણય

અદિતિ અશોકનુ  સારુ પ્રદર્શન યથાવત છે. આ મુકાબલામાં અદિતિ પહેલીવાર નંબર વન પર પહોંચ્યા છે. તેમને અમેરિકાના નેલી કોર્ડાથી જોરદાર ટક્કર મળી રહી છે.