IPL 2022માં મહેન્દ્રસિંહ ધોની રમશે કે નહીં? આપ્યું આ મોટું નિવેદન

IPL 2021ના ​​અંત પછી દરેકના મનમાં એક જ પ્રશ્ન છે – ધોની IPL 2022 (Indian Premier League) માં રમશે કે નહીં? આ સવાલનો જવાબ હાલ ચેન્નાઈ સુપર કિંગ્સના કેપ્ટને આપ્યો છે. ચેન્નાઈ (Chennai Super Kings)માં આયોજિત કાર્યક્રમમાં જ્યારે તેમને આ પ્રશ્ન પૂછવામાં આવ્યો ત્યારે તેમણે કહ્યું કે હવે તેના માટે સમય છે. હવે નવેમ્બર મહિનો છે અને આઈપીએલ 2022નું આયોજન એપ્રિલ (April)માં થવાનું છે. તેથી તે તેના વિશે વિચારશે. અત્યારે તેને ઉતાવળ નથી.

ધોનીએ ચેન્નાઈમાં યોજાયેલી ઈવેન્ટમાં કહ્યું કે હું તેના વિશે વિચારીશ. IPL 2022માં હજુ ઘણો સમય બાકી છે. ધોનીની કપ્તાનીમાં ચેન્નાઈ સુપર કિંગ્સે (Chennai Super Kings)આઈપીએલ 2021નો ખિતાબ જીત્યો છે. પીળી જર્સીવાળી ટીમનું આ ચોથું આઈપીએલ ટાઈટલ (IPL title) છે. આ ખિતાબ જીત્યા બાદ પણ તેના પર આગામી સિઝનમાં ભાગ લેવા અંગે સવાલ ઉઠ્યા હતા. પરંતુ તેણે સ્પષ્ટપણે કશું કહ્યું નહીં.

IPL 2022માં 10 ટીમો રમશે

આઈપીએલ(Indian Premier League)ની આગામી સિઝન એટલે કે આઈપીએલ 2022માં ઘણા ફેરફારો થશે. પ્રથમ વખત 8ની જગ્યાએ 10 ટીમો રમતી જોવા મળશે. IPL 2022થી બે નવી ટીમો અમદાવાદ (Ahmedabad) અને લખનૌ (Lucknow) રમતી જોવા મળશે.

IPL 2021ની ફાઈનલ મેચ પછી ધોનીએ સ્ટાર સ્પોર્ટ્સના પોસ્ટ મેચ પ્રેઝન્ટેશનમાં કહ્યું હતું કે “અમે નક્કી કરીશું કે CSK (Chennai Super Kings) માટે શું સારું રહેશે. આપણે એક મજબૂત ટીમ બનાવવી પડશે. ફ્રેન્ચાઈઝી માટે શું સારું છે, શું વિચારવું યોગ્ય નથી.

હવે અમારે એક એવી ટીમ બનાવવી પડશે જે આગામી 10 વર્ષ સુધી પરફોર્મ કરે.” ધોનીએ આ વાત કરતાની સાથે જ બ્રોડકાસ્ટરે તેને પૂછ્યું, “તમે જે વારસો છોડી રહ્યા છો તેના પર ગર્વ છે.” ધોનીએ ઉતાવળમાં જવાબ આપ્યો, “હું અત્યારે મારો વારસો છોડી રહ્યો નથી.”

આ પણ વાંચો : Swachh Survekshan Awards 2021: ઈન્દોરને સતત પાંચમી વખત સૌથી સ્વચ્છ શહેર જાહેર કરાયું, સુરત બીજા ક્રમે, અમદાવાદ સૌથી સ્વચ્છ કેન્ટોનમેન્ટ

આ પણ વાંચો: BAN vs PAK: બાબર આઝમને પૂછો 1 રનની કિંમત શું છે! સિનિયર ખેલાડીને 10 વર્ષ પાછળ છોડ્યો