ફિફા વર્લ્ડકપ 2022નું કાઉન્ટડાઉન શરુ થઈ ગયુ છે. ફૂટબોલને દુનિયાની સૌથી લોકપ્રિય રમત માનવામાં આવે છે. કતારના ભવ્ય સ્ટેડિયમોમાં 20 નવેમ્બરથી ફૂટબૉલના મહાકુંભની શરૂઆત થશે. ફૂટબૉલના મહાકુંભમાં દુનિયાભરના દેશોની મજબૂત ટીમોના ખેલાડીઓ વચ્ચે ફિફા વર્લ્ડકપ જીતવા માટે જંગ થશે. દુનિયામાં આ ફિફા વર્લ્ડકપ 2022ને લઈને ભારે ઉત્સાહ જોવા મળી રહ્યો છે. દુનિયાના અલગ અલગ દેશોથી ફૂટબૉલ ફેન્સ કતાર આવી રહ્યા છે. આવનારા 1 મહિના સુધી ફિફા વર્લ્ડકપ 2022નો રોમાંચ જોવા મળશે.
કતારમાં ફિફા વર્લ્ડકપની તમામ તૈયારીઓ પૂર્ણ કરી દેવામાં આવી રહી છે. છેલ્લા ઘણા વર્ષોથી કતારમાં વર્લ્ડકપના સ્ટેડિયમ અને અન્ય સ્થળોનું બાંધકામ થઈ રહ્યુ હતુ. જે હવે ભવ્ય રીતે તૈયાર થઈ ગયા છે. કતારની આ તૈયારીઓ જોઈ આખી દુનિયા દંગ રહી ગઈ છે. સ્ટેડિયમના ફોટોસ સોશિયલ મીડિયા પર ખુબ વાયરલ થઈ રહ્યા છે. આ ખાસ અવસર પર કતારની સેન્ટ્રલ બેન્કે ખાસ નોટ અને સિક્કા બહાર પાડયા છે.
Qatar Central Bank unveils World Cup commemorative banknote#Qatar #Doha #Qatar2022 #FIFAWorldCupQatar2022 pic.twitter.com/J88uN6VRlL
— The Peninsula Qatar (@PeninsulaQatar) November 9, 2022
આ ખાસ નોટ પર ફિફા વર્લ્ડકપ ટ્રોફી અને કતાર 2022નો લોગો સાથે એક તરફ લુસેલ સ્ટેડિયમ અને બીજી તરફ અલ બાયત સ્ટેડિયમનું ચિત્ર છે. આ બન્ને સ્ટેડિયમ ઓપનિંગ અને ફાઈનલ મેચ માટે છે. આ ખાસ નોટ અને સિક્કા પર કતારનું રાષ્ટ્રીય પ્રતીક, સ્કાયલાઇન, ઝુબારા અને ધો કિલ્લો પણ જોવા મળી રહ્યો છે.
કતારની સેન્ટ્રલ બેન્કે, FIFA અને સુપ્રિમ કમિટી ફોર પ્રોજેક્ટ્સ એન્ડ લેગસી સાથે મળીને હાલમાં 22 કતારી રિયાલની ખાસ નોટ અને FIFA અને વર્લ્ડકપના લોગો ધરાવતા સિક્કા પણ લોન્ચ કર્યા છે. નવા ચલણના નોટ અને સિક્કા દેશના ફૂટબોલના ઇતિહાસને પ્રતિબિંબિત કરે છે અને તે દેશના મુલાકાતીઓ સહિત તેને મેળવવા ઈચ્છતા લોકોને ઓફર કરવામાં આવે છે.
કતાર પર માનવધિકાર ઉલ્લંઘનના આરોપ લાગી રહ્યા છે. માનવધિકાર સંગઠનો દ્વારા આરોપ લગાવવામાં આવ્યો છે કે ફિફા વર્લ્ડકપના નિર્માણ કાર્યો દરમિયાન શ્રમિકો સાથે ગુલામ જેવો વ્યવહાર કરવામાં આવ્યો. તેમાં અનેક લોકો માર્યા ગયા છે તેવા પણ આરોપ લાગ્યા છે. મીડિયા રિપોર્ટ અનુસાર નિર્માણ કાર્યોમાં ભ્રષ્ટાચારના પણ આરોપ છે. કતાર કડક મુસ્લિમ કાયદાઓનું પાલન કરે છે. તેથી ત્યાં સમલૈંગિક સંબંધો પર પ્રતિબંધ છે. તે વાત પર પણ કતારમાં વિરોધ થઈ રહ્યો છે. હાલમાં સોશ્યિલ મીડિયા પર પણ કતારનો ભારે વિરોધ થઈ રહ્યો છે.