PM મોદીએ Nikhat Zareenને કહ્યું રિયલ ચેમ્પિયન, લવલીનાને પણ ‘ગોલ્ડ ‘ માટે અભિનંદન પાઠવ્યા

વર્લ્ડ બોક્સિંગ ચેમ્પિયનશિપ 2023માં ભારતીય ખેલાડીઓએ શાનદાર રમત બતાવીને ચાર ગોલ્ડ મેડલ જીત્યા હતા. શનિવારે સ્ટીવી બૂરા અને નીતુ ગંગાસ પછી, નિખત ઝરીન અને પછી લોવલિનાએ પણ રવિવારે પોતપોતાની વેઇટ કેટેગરીમાં ગોલ્ડ મેડલ જીત્યો. નિખતનું આ સતત બીજું અને લવલીનાનું પ્રથમ વર્લ્ડ ચેમ્પિયન ટાઈટલ છે. 50 કિગ્રા વર્ગમાં પ્રથમ વખત ભાગ લેનાર નિખતે વિયેતનામના ન્ગુયેન થી ટેમને ખિતાબી મુકાબલામાં 5-0થી પરાજય આપ્યો હતો. બીજી તરફ બે વખતની બ્રોન્ઝ મેડલ વિજેતા લોવલીનાએ ઓસ્ટ્રેલિયાની કેટલીન પાર્કરને 5-2થી હાર આપી હતી.

જીત બાદ આ બંને બોક્સર સોશિયલ મીડિયા પર પોપ્યુલર થઈ ગયા. અભિનેતાઓથી લઈને ક્રિકેટરો અને રાજકારણીઓએ આ સ્ટાર ખેલાડીઓને તેમની ઐતિહાસિક જીત માટે અભિનંદન આપ્યા, જેમણે દેશનું ગૌરવ વધાર્યું. અભિનંદન પાઠવનારાઓમાં દેશના વડાપ્રધાન નરેન્દ્ર મોદી પણ સામેલ હતા. તેમના સિવાય ગૃહમંત્રી અમિત શાહ, ખેલ મંત્રી અનુરાગ ઠાકુર અને પૂર્વ ક્રિકેટર મિતાલી રાજ જેવા મોટા નામ સામેલ હતા.

પીએમ મોદીએ નિખત-લવલીનાને અભિનંદન પાઠવ્યા

રવિવારે પહેલી મેચ નિખત ઝરીનની હતી. તે ચેમ્પિયન બનતાની સાથે જ પીએમ નરેન્દ્ર મોદીએ ટ્વિટ કરીને આ ચેમ્પિયનને અભિનંદન પાઠવ્યા હતા. તેણે કહ્યું કે નિખત એક અદ્ભુત ચેમ્પિયન છે જેણે ઘણા પ્રસંગોએ દેશને ગૌરવ અપાવ્યું છે. આ પછી તેણે લવલીનાને પણ અભિનંદન પાઠવ્યા અને કહ્યું કે, આ વર્લ્ડ ચેમ્પિયનશિપમાં લોવલીનાએ શાનદાર પ્રદર્શન કર્યું છે. ભારતને તેની જીત પર ગર્વ છે.

બોલિવૂડ એક્ટર અભિષેક બચ્ચને ટ્વિટ કરીને બંને ચેમ્પિયનને અભિનંદન પાઠવ્યા હતા. તેણે કહ્યું કે ખેલાડીઓની મહેનત રંગ લાવી છે અને દેશને આનાથી મોટી ખુશી ન મળી શકે. ભારતીય ક્રિકેટર મિતાલી રાજે ચાર વર્લ્ડ ચેમ્પિયનનો ફોટો શેર કર્યો છે. કેપ્શનમાં તેણે લખ્યું છે કે ભારતની ચેમ્પિયન મહિલા વર્લ્ડ બોક્સિંગ ચેમ્પિયનશિપમાં પોતાનું વર્ચસ્વ બતાવ્યું.

નિખત ઝરીનનો ફોટો શેર કરતા ઓલિમ્પિક મેડલ વિજેતા વિજેન્દર સિંહે લખ્યું કે ફાઈનલ મેચમાં આ ચેમ્પિયને પોતાના મુક્કાથી વિરોધીને દંગ કરી દીધા અને ટાઈટલ જીત્યું. ગૃહમંત્રી અમિત શાહે પણ મેડલ માટે ખેલાડીઓ દ્વારા કરવામાં આવેલી મહેનતની પ્રશંસા કરી અને તેમને પ્રેરણારૂપ ગણાવ્યા. તેમજ આગામી ટુર્નામેન્ટ માટે શુભકામનાઓ આપી હતી.