Paris Olympics 2024: અમન સેહરાવત ફાઈનલમાં પહોંચવામાં ચૂકી ગયો, હવે બ્રોન્ઝ મેડલ માટે દાવો કરશે
પેરિસ ઓલિમ્પિકમાં અમન સેહરાવતનું ગોલ્ડ મેડલ જીતવાનું સપનું અધૂરું રહ્યું હતું. સાથે જ સિલ્વર મેડલ પણ તેણે ગુમાવ્યો હતો. જોકે તેને હજી બ્રોન્ઝ મેડલ જીતવાની તક છે. અમન સેહરાવતની ઓલિમ્પિકમાં અત્યારસુધીની સફર સારી રહી છે, જોકે તેને સેમીફાઈનલમાં ટેને જાપાની રેસલર સામે હારનો સામનો કરવા પડ્યો હતો.
ભારતનો અમન સેહરાવત પેરિસ ઓલિમ્પિક 2024માં કુસ્તીની ફાઈનલમાં જગ્યા બનાવવામાં નિષ્ફળ રહ્યો હતો. અમાનને સેમીફાઈનલમાં જાપાની રેસલરના હાથે માત્ર 1 મિનિટ અને 14 સેકન્ડમાં હારનો સામનો કરવો પડ્યો હતો અને આ સાથે જ તેની ફાઈનલમાં પહોંચવાની આશા પર પાણી ફરી વળ્યું હતું. જોકે આમ છતાં અમન પાસે હજુ પણ બ્રોન્ઝ મેડલ જીતવાની તક છે. ફાઈનલમાં, આ કેટેગરીમાં અમનની સ્પર્ધા વિશ્વના નંબર-1 કુસ્તીબાજ જાપાનના રેસલર રેઈ હિગુચી સાથે હતી, જેણે એક પણ પોઈન્ટ ગુમાવ્યા વિના અમાનને હરાવ્યો અને બીજી વખત ફાઇનલમાં જગ્યા બનાવી.
પ્રારંભિક રાઉન્ડની મેચોમાં સારું પ્રદર્શન
અમને તેની પ્રારંભિક રાઉન્ડની મેચોમાં સારું પ્રદર્શન કર્યું હતું અને 3 વખતના વિશ્વ ચેમ્પિયનને હરાવીને સેમીફાઈનલમાં પહોંચ્યો હતો. તેની સૌથી અઘરી કસોટી સેમી ફાઈનલમાં હતી અને તેને પાર કરવી તેના માટે અશક્ય સાબિત થઈ. જાપાનના હિગુચીએ કોઈ પણ સમય બગાડ્યા વિના તેને 10-0થી હરાવ્યો હતો. હિગુચીએ આ કેટેગરીમાં રિયો ઓલિમ્પિક 2016માં સિલ્વર મેડલ જીત્યો હતો. આ ઉપરાંત ગયા વર્ષે જ તેણે વર્લ્ડ ચેમ્પિયનશિપમાં સિલ્વર મેડલ જીત્યો હતો.
સેમીફાઈનલ પહેલા જબરદસ્ત પ્રદર્શન
આ હાર બાદ પણ રવિ પાસે મેડલ જીતીને ઓલિમ્પિકમાંથી પરત ફરવાની તક છે. અમન હવે શુક્રવાર 9મી ઓગસ્ટે બ્રોન્ઝ મેડલ માટે દાવો કરશે. ત્યાં તેનો મુકાબલો પ્યુર્ટો રિકોના રેસલર ડેરિયન ક્રુઝ સાથે થશે. હરિયાણાના ઝજ્જર જિલ્લામાંથી આવેલા 21 વર્ષીય અમન સેહરાવત માટે આ પ્રથમ ઓલિમ્પિક છે અને પોતાની ડેબ્યૂમાં જ આ યુવા કુસ્તીબાજએ દમદાર પ્રદર્શન કરીને સેમીફાઈનલમાં જગ્યા બનાવી છે. તેણે ‘તકનીકી શ્રેષ્ઠતા’ (10-0) દ્વારા બંને મુકાબલા જીત્યા. સૌથી પહેલા તેણે નોર્થ મેસેડોનિયાના વ્લાદિમીર એગોરોવને 3 મિનિટ 59 સેકન્ડમાં 10-0થી હરાવીને ક્વાર્ટર ફાઈનલમાં જગ્યા બનાવી હતી. આ પછી અમાને ક્વાર્ટર ફાઈનલમાં અલ્બેનિયાના ઝેલિમખાન અબાકારોવને વધુ ખરાબ રીતે હરાવ્યો હતો. અમાને તેમને 3.56 મિનિટમાં 12-0થી હરાવીને સેમીફાઈનલમાં જગ્યા બનાવી હતી.
રવિની જગ્યાએ તક મળી
અમન સેહરાવતની પેરિસ ઓલિમ્પિકમાં પહોંચવાની સફર ખૂબ જ જોરદાર હતી કારણ કે તે નેશનલ ટ્રાયલ્સના દિગ્ગજ રેસલર રવિ દહિયાને પાછળ છોડીને અહીં પહોંચ્યો હતો. પછી તેને ક્વોલિફાયરમાં પેરિસ ઓલિમ્પિકની ટિકિટ મળી. રવિ દહિયાએ જ ટોક્યો ઓલિમ્પિકમાં આ કેટેગરીની ફાઇનલમાં જગ્યા બનાવીને ઈતિહાસ રચ્યો હતો અને પછી સિલ્વર મેડલ જીતીને પરત ફર્યા હતા.
આ પણ વાંચો: Paris Olympics 2024: કેપ્ટન હરમનપ્રીત સિંહે આ ઓલિમ્પિકમાં ડિફેન્સની સાથે એટેકમાં પણ મજબૂત ભૂમિકા ભજવી
