ભારતીય પુરુષ હોકી ટીમે (India Men Hockey Team) ફરી એકવાર દબદબો પરત મેળવ્યો છે. છેલ્લા ચાર દાયકા થી ભારતીય હોકી ટીમે મેડલ વિના ખાલી હાથ ઓલિમ્પિક થી ફરી રહી હતી. આ વખતે ટોક્યો ઓલિમ્પિકમાં (Tokyo Olympics 2020) ભારતીય ટીમે દેશ ભરના હોકી ચાહકોની અપેક્ષાઓને પૂર્ણ કરી દીધી છે. છેલ્લા ચાર દાયકાની તરસને છીપાવી દીધી છે. ભારતે બ્રોન્ઝ મેડલ માટેની રમાયેલી ઓલિમ્પિક મેચમાં જર્મનીને હરાવી શાનદાર જીત મેળવી હતી. આ પળ ભારતીય હોકી પ્રેમીઓ અને દેશવાસીઓ માટે ઐતિહાસીક રહી હતી.
ભારતીય પુરુષ હોકી ટીમે ગ્રેટ બ્રિટનને 1 ઓગષ્ટે 2-1 થી હરાવી દીધુ હતુ. 1972 બાદ ઓલિમ્પિકે અંતિમ ચારમાં પ્રથમ વખત સ્થાન બનાવ્યુ હતુ. 1980માં ભારતે ગોલ્ડ મેડલ જીત્યો હતો. હોકીની રમતમાં ભારતીય ટીમ ઓલિમ્પિકમાં અત્યાર સુધી 10 મેડલ મેળવી ચુકી છે. આમ છતાં ભારતીય ટીમ છેલ્લા ચાર દાયકા થી મેડલ તો ઠીક સેમિફાઇનલ પણ પહોંચી શકતી નહોતી. આમ 1980 બાદ ભારત મેડલ નજીક ટોક્યો ઓલિમ્પિક દરમ્યાન પહોંચી હતી.
49 વર્ષ બાદ ભારત ફરી એકવાર સેમિફાઇનલ મેચ રમ્યુ હતુ. જોકે તેમાં બેલ્જીયમ સામે હાર મળી હતી. 1980માં ભારત રાઉન્ડ રોબિન આધારે ફાઇનલ મેચ રમ્યુ હતુ. ઓલિમ્પિક રમતોમાં ભારત તરફથી સૌથી વધારે વર્ચસ્વ રહ્યુ હોય તે રમત હોકી રહી છે. ભારતે 8 ઓલિમ્પિક ગોલ્ડ મેડલ મેળવ્યા છે.
ભારતીય હોકી ટીમ ઓલિમ્પિક ઇતિહાસમાં પોતાનો પ્રથમ ગોલ્ડ મેડલ વર્ષ 1928માં મેળવ્યો હતો. એમસ્ટર્ડમ ઓલિમ્પિકમાં ભારતે પ્રથમ ઓલિમ્પિક ગોલ્ડ મેડલ મેળવવામાં સફળતા મેળવી હતી. ભારતે અંતિમ ગોલ્ડ મેડલ 1980માં મેળવ્યો હતો. ભારતીય પુરુષ હોકી ટીમે 8 ગોલ્ડ મેડલ પૈકી 6 મેડલ સતત જીત્યા હતા. આમ 1928 થી 1956 સુધી ભારતનો હોકીની રમતમાં ઓલિમ્પિકમાં દબદબો રહ્યો હતો. ત્યાર બાદ 1964 માં ટોક્યો ઓલિમ્પિક અને 1980માં મોસ્કો ઓલિમ્પિકમાં ગોલ્ડ મેડલ જીત્યો હતો.
1980 બાદ થી ભારતીય હોકી ટીમ ઓલિમ્પિક રમતોથી સતત ખાલી હાથ પરત ફરી રહી હતી. ત્યારથી મેડલ માટે ભારત આશાઓ રાખી રહ્યુ હતુ. જે આજે પુરી થઇ છે. બીજીંગ વખતે તો ભારતીય હોકી ફેન્સનુ દીલ જ જાણે તુટી ગયુ હતુ. આઠ વાર ગોલ્ડ મેડલ જીતનારી હોકી ટીમ બિજીંગ ઓલિમ્પિક માટે ક્વોલિફાઇ જ થઇ શકી નહોતી. આવુ પ્રથમ વખત થયુ હતુ કે, ભારતીય ટીમ ઓલિમ્પિકમાં હિસ્સો લેવાની તક નહોતુ મેળવી શક્યુ
ઓલિમ્પિક રમતોમાં 2016 માં રિયો ઓલિમ્પિકમાં ભારતીય હોકી ટીમ ક્વોલિફાઇ તો થઇ શકી હતી, પરંતુ અંતિમ સ્થાન પર રહી હતી. આમ એમ લાગી રહ્યુ હતુ કે, હવે દેશમાં હોકીનુ કોઇ ભવિષ્ય નથી રહ્યુ. જોકે ત્યાર બાદ ટીમમાં ખૂબ સુધારો સર્જાયો હતો અને તે સારુ રમવા લાગી હતી. જેના પરીણામં સ્વરુપ ટીમ સેમિફાઇનલ સુધી પહોંચી શકી હતી. અને આખરે હવે સેમીફાઇનલ હાર્યા બાદ પણ બ્રોન્ઝ મેડલ જીતી લેવામાં સફળતા મળી છે. આમ હોકી ટીમ ચાર દશકની માફક ખાલી હાથ નહી પરંતુ, મેડલ ભરેલી ઝોળી સાથે પરત ફરશે.
Indian Hockey Team, Hockey, Tokyo Olympic, Manpreet Singh Indian Hockey History