Khelo India Youth Games 2022માં હમણા સુધી આ રાજ્યે જીત્યા સૌથી વધારે મેડલ, જાણો છઠ્ઠા દિવસના શેડયુલ વિશે

ખેલો ઈન્ડિયા યુથ ગેમ્સ 2022 મધ્યપ્રદેશમાં 30 જાન્યુઆરીથી 11 ફેબ્રુઆરી સુધી વિવિધ શહેરોમાં ચાલશે. ખેલો ઈન્ડિયા સ્પર્ધામાં કુલ 27 રમતોનું આયોજન કરવામાં આવ્યું છે. ખાસ વાત એ છે કે આ સ્પર્ધામાં પાંચ સ્વદેશી રમતો મલખમ, થનગાટા, ગતકા, યોગાસન અને કલારીપયટ્ટુનો પણ સમાવેશ કરવામાં આવ્યો છે.

મધ્યપ્રદેશ દ્વારા આયોજિત ખેલ મહાકુંભમાં મુખ્ય પ્રધાન શિવરાજ સિંહ ચૌહાણે ભારતમાં પ્રથમ વખત ડિજિટલ સ્ક્રીન સાથેની સ્માર્ટ ટોર્ચનું અનાવરણ કર્યું હતું.આ મશાલ મધ્યપ્રદેશના 52 જિલ્લામાંથી પસાર થઈ હતી. જેમાં ખેલો ઈન્ડિયા યુથ ગેમ્સ 2022ના આઠ શહેરોનો સમાવેશ થાય છે.

30 જાન્યુઆરીથી શરુ થયેલા આ ખેલો ઈન્ડિયા યુથ ગેમ્સ 2022માં એક બાદ એક અલગ અલગ રમતોમાં ધમાકેદાર મેચ જોવા મળી છે. 5 દિવસ પૂર્ણ થવા બાદ ખેલાડીઓએ પોતાના રાજ્યો માટે મેડલ જીતવા માટે ઘણી મહેનત કરી રહ્યાં છે. ચાલો જાણીએ ખેલો ઈન્ડિયા યુથ ગેમ્સ 2022ના છઠ્ઠા દિવસનું શેડયુલ.

ખેલો ઈન્ડિયા યુથ ગેમ્સનો છઠ્ઠા દિવસનો કાર્યક્રમ

આવતી કાલે 4 ફેબ્રુઆરીના રોજ ખેલો ઈન્ડિયા યુથ ગેમ્સ 2022માં હોકી, બાસ્કેટબોલ, ફૂટબોલ જેવી મહત્વપૂર્ણ રમતોની મેચ રમાશે. આ મેચમાં અલગ અલગ રાજયોના ખેલાડીઓએ મેદાન પર મેડલ જીતવા માટે ઉતરશે.

5માં દિવસની રમત બાદ મેડલ ટેબલમાં આ રાજ્ય આગળ

મેડલ ટેલીની વાત કરીએ તો પાંચમાં દિવસની રમત બાદ મહારાષ્ટ્ર રાજ્ય 43 મેડલ સાથે ટોપ પર છે, જ્યારે યજમાન રાજ્ય મધ્ય પ્રદેશ 25 મેડલ સાથે બીજા ક્રમે છે. ગુજરાત રાજ્ય ટોપ 10ની યાદીમાં ક્યાંક પણ નથી. 11 તારીખ સુધી ચાલનારી આ રમતમાં મેડલ જીતવા માટે ખરાખરીનો જંગ જામશે.

ખેલો ઇન્ડિયા યૂથ ગેમ્સમાં કેટલા મેડલો હશે ?

આ રમતો માટે કુલ 33 મેડલ સેરેમની હશે. આ સેરેમનીમાં કુલ 102 ગૉલ્ડ, સિલ્વર અને બ્રૉન્ઝ છોકરાઓ અને છોકરીઓની કેટેગરીના વિજેતાઓને મળશે. રમતો દરમિયાન છોકરાઓની કેટેગરીમાં કુલ 53 મેડલ હશે. જેમાં 17 ગૉલ્ડ, 17 સિલ્વર અને 19 બ્રૉન્ઝ મેડલ આપવામાં આવશે. આ જ રીતે છોકરીઓની કેટેગરીમાં કુલ 49 મેડલ રહેશે. જેમાં 16 ગૉલ્ડ, 16 સિલ્વર તથા 17 બ્રૉન્ઝ મેડલ આપવામાં આવશે.આ સ્પર્ધાઓમાં 18 વર્ષની ઉંમર સુધીના પ્રતિભાશાળી ખેલાડીઓ સામેલ થશે.