36 વર્ષ બાદ ફરી ચેમ્પિયન બની આર્જેન્ટિનાની ટીમ, મેસ્સીની વિજય સાથે વિદાય, જુઓ મેચની રોમાંચક ક્ષણ
આજે ફિફા વર્લ્ડકપ ઈતિહાસની 22મી ફાઈનલ મેચ રમાઈ હતી. આજની આ ફાઈનલ મેચમાં એકથી એક રોમાંચક ક્ષણો જોવા મળી હતી.
કતારના દોહામાં સ્થિત લુસેલ સ્ટેડિયમમાં ફિફા વર્લ્ડકપ 2022ની ફાઈનલ મેચ રમાઈ હતી. 22માં ફિફા વર્લ્ડકપની ફાઈનલ મેચમાં ડિફેન્ડિંગ ચેમ્પિયન ફ્રાન્સ અને મહાન ફૂટબોલર મેસ્સીની આર્જેન્ટિના ટીમ વચ્ચે રમાઈ હતી.
ફાઈનલ મેચ પહેલા ક્લોઝિંગ સેરેમનીમાં બોલિવૂડ અભિનેત્રી નોરા ફતેહી એ ધમાકેદાર ડાન્સ કર્યો હતો. કલોઝિંગ સેરેમની બાદ અભિનેત્રી દીપિકા પાદુકોણે ફિફા વર્લ્ડકપની 165 કરોડની ટ્રોફીનું અનાવણ કર્યુ હતુ.
બંને ટીમો પાસે ત્રીજીવાર ફિફા વર્લ્ડકપ ચેમ્પિયન બનવાની તક હતી. આ ફાઈનલ મેચ જોવા હજારોની સંખ્યામાં બંને ટીમના ફેન્સ સ્ટેડિયમમાં પહોંચ્યા હતા.
આ રોમાંચક મેચમાં મેસ્સી એ મેચની 23મી મેચમાં પેનલટીનો લાભ ઉઠાવીનેે આ વર્લ્ડકપનો છઠ્ઠો ગોલ કર્યો હતો.
મેચની 36મી મિનિટમાં આર્જેન્ટિનાના Ángel Di María એ રોમાંચક ગોલ કરીને આર્જેન્ટિનાને 2-0થી પ્રથમ હાફમાં લીડ અપાવી હતી. તે સમયે આ ખેલાડી ભાવુક પણ થયો હતો.
આર્જેન્ટિના મહાન ફૂટબોલર મેસ્સીની આ છેલ્લી વર્લ્ડકપ મેચ હતી. મેસ્સીની વર્લ્ડકપની આ 26મી મેચ હતી. આ સાથે તેણે સૌથી વધારે વર્લ્ડકપ મેચ રમવાોનો રેકોર્ડ પણ પોતાને નામે કર્યો છે.ફાઈનલમાં મેસ્સીના ગોલ સાથે જ તે વર્લ્ડકપની ગ્રુપ સ્ટેજની મેચ, કવાર્ટર ફાઈનલ મેચ, પ્રી કવાર્ટર ફાઈનલની મેચ, સેમિફાઈનલ મેચ અને ફાઈનલ મેચમાં ગોલ કરવાર ફિફા ઈતિહાસનો પ્રથમ ખેલાડી બન્યો છે.
ફ્રાન્સની ટીમના લોકપ્રિય ખેલાડી Kylian Mbappé એ મેચની 80 અને 81મી મિનિટમાં ગોલ કરીને મેચમાં ફ્રાન્સની ટીમની જોરદાર વાપસી કરવી હતી.આ 7માં ગોલ સાથે તે ગોલ્ડન બોલની રેસમાં મેસ્સી કરતા આગળ વધી ગયો હતો.
રમતની 90મી મિનિટ બાદ મેચમાં 8 મિનિટ વધારાની ઉમેરવામાં આવી હતી. મેચ દરમિયાન ખેલાડીની ઈજાને કારણે કે કોઈ અન્ય કારણસર જે સમય બગડ્યો હોય તે દરેક હાફમાં છેલ્લે ઉમેરવામાં આવે છે. તે વધારાની 8 મિનિટમાં પણ સ્કોર 2-2 રહેતા મેચ એસ્ટ્રા ટાઈમમાં પહોંચી હતી.
મેચની 108મી મિનિટમાં મેસ્સી એ ફરી ગોલ કરીને આર્જેન્ટિનાને લીડ અપાવી હતી. આ તેનો વર્લ્ડકપનો 7મો ગોલ હતો.ત્યારે જ મેચની 118મી મિનિટમાં Kylian Mbappé એ હેટ્રિક ગોલ કરીને મેચનો સ્કોર 3-3 કર્યો હતો. તે ફિફા વર્લ્ડકપ ઈતિહાસમાં ફાઈનલમાં હેટ્રિક ગોલ કરનાર પ્રથમ ખેલાડી બની ગયો છે. અંતે મેચમાં સ્કોર 3-3 રહેતા, વર્લ્ડકપ ઈતિહાસમાં ત્રીજીવાર ફાઈનલ મેચમાં પેનલટી શૂટઆઉટ થયુ હતુ.
અંતે મેચમાં સ્કોર 3-3 રહેતા, વર્લ્ડકપ ઈતિહાસમાં ત્રીજીવાર ફાઈનલ મેચમાં પેનલટી શૂટઆઉટ થયુ હતુ.જેમાં મેસ્સીના નેતૃત્વવાળી આર્જેન્ટિના ટીમે પેનલટી શૂટઆઉટમાં 4-2થી જીત મેળવી હતી. આ સાથે જ આર્જેન્ટિનાની ટીમ ત્રીજીવાર વર્લ્ડકપ ચેમ્પિયન બની હતી.
Published On - 11:32 pm, Sun, 18 December 22