Breaking News: વર્લ્ડ કપ માટે ટીમ ઈન્ડિયાની જાહેરાત, આ 20 ખેલાડીઓને મળ્યું સ્થાન
ભારતે 15 ઓગસ્ટથી શરૂ થઈ રહેલા હોકી વર્લ્ડ કપ માટે પોતાની ટીમની જાહેરાત કરી દીધી છે. ટીમમાંથી ચાર અગ્રણી ખેલાડીઓને બાકાત રાખવામાં આવ્યા છે. હરમનપ્રીત સિંહ ટીમનું નેતૃત્વ કરશે.
FIH હોકી વર્લ્ડ કપ માટે ટીમ ઈન્ડિયાની જાહેરાત કરવામાં આવી છે. ટીમમાં 20 ખેલાડીઓની પસંદગી કરવામાં આવી છે. યુરોપિયન પ્રો લીગમાં રમનારા ચાર મુખ્ય ખેલાડીઓને બાકાત રાખવામાં આવ્યા છે. આમાં ડિફેન્ડર અમનદીપ લાકરા, મિડફિલ્ડર રાજ કુમાર પાલ અને રવિચંદ્ર સિંહ મોઈરંગથેમ અને ફોરવર્ડ સેલ્વમ કાર્તિનો સમાવેશ થાય છે.
હોકી વર્લ્ડ કપ માટે ભારતીય ટીમની જાહેરાત
ગયા મહિને FIH પ્રો લીગમાં ભારતનું નિરાશાજનક પ્રદર્શન રહ્યું હતું, જેમાં ચાર મેચ જીતી હતી, પાંચ ડ્રો થઈ હતી અને સાત હાર્યા હતા, જેના પરિણામે ટીમ આઠમા સ્થાને રહી હતી. 2023 વર્લ્ડ કપમાં, ટીમ ઈન્ડિયા નવમા સ્થાને રહી હતી. ટીમ ઈન્ડિયાએ છેલ્લે 1975માં વર્લ્ડ કપ જીત્યો હતો, અને ત્યારથી ટીમે કોઈ મેડલ જીત્યો નથી.
ટીમ ઈન્ડિયામાં અનુભવી ખેલાડીઓનો સમાવેશ
2024 પેરિસ ઓલિમ્પિકમાં ભારતને બ્રોન્ઝ મેડલ અપાવનાર ડ્રેગ-ફ્લિકર અને ડિફેન્ડર હરમનપ્રીત સિંહ ટીમનું નેતૃત્વ કરશે. અનુભવી મિડફિલ્ડર મનપ્રીત સિંહ પણ ટીમના અનુભવમાં વધારો કરે છે. ગોલકીપિંગમાં મોહિત એચએસ અને સૂરજ કરકેરાનો સમાવેશ થાય છે. ડિફેન્ડર્સમાં જર્મનપ્રીત સિંહ, કેપ્ટન હરમનપ્રીત, અમિત રોહિદાસ, જુગરાજ સિંહ, સંજય, સુમિત અને યશદીપ સિવાચ સામેલ છે. મિડફિલ્ડનું નેતૃત્વ મનપ્રીત, હાર્દિક સિંહ અને વિવેક સાગર પ્રસાદ કરે છે. ફોરવર્ડ લાઈનમાં મનદીપ સિંહ, દિલપ્રીત સિંહ, અભિષેક, સુખજીત સિંહ અને શિલાનંદ લાકરાનો સમાવેશ થાય છે.
Ready for the Biggest Stage.
Here’s the Indian Men’s Squad for the FIH Hockey World Cup Belgium & Netherlands 2026.
Carrying the hopes of a nation, the squad is ready to challenge the world’s best and write a new chapter in Indian hockey.
Go well, Team India! … pic.twitter.com/fdN6OWKVoE
— Hockey India (@TheHockeyIndia) July 21, 2026
ભારતનો હોકી વર્લ્ડ કપ શેડ્યૂલ
ભારતને ઈંગ્લેન્ડ, પાકિસ્તાન અને વેલ્સની સાથે પૂલ D માં મૂકવામાં આવ્યું છે, અને ટીમની બધી ગ્રુપ સ્ટેજ મેચ નેધરલેન્ડના એમ્સ્ટલવીનમાં રમવાની છે.
- પહેલી મેચ 15 ઓગસ્ટે વેલ્સ સામે
- બીજી મેચ 17 ઓગસ્ટે ઈંગ્લેન્ડ સામે
- ત્રીજી મેચ 19 ઓગસ્ટે પાકિસ્તાન સામે
ભારતીય ટીમ
ગોલકીપર્સ: મોહિત એચએસ અને સૂરજ કરકેરા.
ડિફેન્ડર્સ: જરમનપ્રીત સિંહ, હરમનપ્રીત સિંહ (કેપ્ટન), અમિત રોહિદાસ, જુગરાજ સિંહ, સંજય, સુમિત, યશદીપ સિવાચ. મિડફિલ્ડર: રાજિન્દર સિંહ, આદિત્ય અર્જુન લાલગે, હાર્દિક સિંહ, મનપ્રીત સિંહ, નીલકંઠ શર્મા, વિવેક સાગર પ્રસાદ.
ફોરવર્ડ: દિલપ્રીત સિંહ, શિલાનંદ લાકરા, સુખજીત સિંહ, મનદીપ સિંહ, અભિષેક.
