France vs Spain, FIFA World Cup 2026: 40 વર્ષ પછી આવુ બન્યું, સ્પેન ફ્રાન્સને હરાવી ફાઇનલમાં પહોંચ્યું
Spain in FIFA World Cup 2026 Final : સ્પેને ફ્રાન્સને 2-0થી હરાવી ફીફા વર્લ્ડકપ 2026ની ફાઈનલમાં એન્ટ્રી કરી છે. 2010 પછી આવું પહેલી વખત થયું છે. જ્યારે સ્પેનની ટીમ ફાઈનલ રમતી જોવા મળશે.
સ્પેને ફ્રાન્સને હરાવી ફીફા વર્લ્ડકપ 2026ની ફાઈનલની ટિકિટ મેળવી છે. ડલાસ સ્ટેડિયમમાં રમાયેલ સેમિફાઈનલ મેચમાં સ્પેને ફ્રાન્સને 2-0થી હરાવ્યું હતુ. સ્પેનની ટીમ 16 વર્ષ પછી ફાઈનલમાં પહોંચી છે. 40 વર્ષમાં પહેલી વખત ફ્રાન્સને સેમિફાઈનલમાં હાર જોવા પડી છે. ફીફા વર્લ્ડકપ 2026ની સેમિફાઈનલમા ફ્રાન્સ સામે સ્પેનની જીત સાથે લૈમિન યમાલે નોક આઉટ મેચમાં એમ્બાપ્પે વિરુદ્ધ પોતાનો જીતનો રેકોર્ડ યથાવત રાખ્યો હતો.
સ્પેને ફ્રાન્સ વિરુદ્ધ 2 ગોલ કર્યા
સ્પેને મેચ દરમિયાન બંને હાફમાં એક એક ગોલ કર્યા હતા. આ ગોલ પહેલા હાફની 22 મિનિટમાં કર્યો હતો. સ્પેન માટે આ ગોલ માઈકલ ઓયરજબઈએ કર્યો હતો. આ વર્લ્ડકપમાં માઈકલ ઓયરજબઈનો પાંચમો ગોલ હતો. આ ગોલની સાથે પહેલા હાફમાં સ્પેનની 1-0થી લીડ રહી હતી. ત્યારબાદ બીજા હાફ શરુ થતાંની 13 મિનિટ પછી સ્પેને ફ્રાન્સના ગોલપોસ્ટ પર પોતાનો બીજો ગોલ કર્યો હતો. સ્પેન માટે આ ગોલ મેચની 58મી મિનિટમાં પેડ્રો પોરોએ કર્યો હતો.
Oops pic.twitter.com/kJ5uhziM1z
— B/R Football (@brfootball) July 14, 2026
40 વર્ષ પછી આવું થયું
ફીફા વર્લ્ડકપની સેમિફાઈનલમાં ફ્રાન્સને 40 પછી હારનો સામનો કરવો પડ્યો હતો. છેલ્લી વખત 1986ના વર્લ્ડકપના સેમિફાઈનલમાં હાર મળી હતી. ત્યારે જર્મનીએ તેને 2-0થી હરાવ્યું હતુ. તો સ્પેને 16 વર્ષ પછી ફાઈનલની ટિકિટ મેળવી હતી. 2010માં છેલ્લી વખત સ્પેનની ટીમ જ્યારે ફીફા વર્લ્ડકપની ફાઈનલમાં પહોંચી હતી. તો તેમણે આ ખિતાબ જીત્યો હતો.ફ્રાન્સે અગાઉ 2018 અને 2022 વર્લ્ડ કપમાં સતત છ મેચ જીતવાની સિદ્ધિ હાંસલ કરી હતી.
ગોલ્ડન બૂટ જીતવાની આશા પર પણ પાણી
તમને જણાવી દઈએ કે,ફ્રાન્સની સેમિફાઇનલમાં હારથી એમબાપ્પેની ગોલ્ડન બૂટ જીતવાની આશા પર પણ પાણી ફરી વળ્યું. તે અને મેસ્સી હાલમાં આઠ-આઠ ગોલ સાથે રેસમાં આગળ હતા.ફિફા રેન્કિંગમાં ટોચ પર રહેલ ફ્રાન્સ અને તેમના સ્ટાર સ્ટ્રાઈકર કાયલિયન એમબાપ્પે સતત ત્રીજી વખત વર્લ્ડ કપ ફાઇનલમાં પહોંચનારી ત્રીજી ટીમ બનવાનો પ્રયાસ કરી રહ્યા હતા. પરંતુ હાર બાદ, ફ્રાન્સ હવે શનિવારે ફ્લોરિડાના મિયામી ગાર્ડન્સમાં ત્રીજા સ્થાન માટે રમાનારી મેચમાં રમશે.
