Breaking News : 16 ગોલ, એમબાપ્પે મેસ્સીની જેમ ચમત્કારો કર્યા, ફ્રાન્સ સેમિફાઇનલમાં પહોંચનારી પ્રથમ ટીમ બની
Kylian Mbappe, France vs Morocco: ફ્રાન્સે મોરક્કોને હરાવી સેમિફાઈનલની ટિકિટ પાક્કી કરી છે. તે ફીફા વર્લ્ડકપ 2026ની સેમિફાઈનલમાં પહોંચનારી પહેલી ટીમ બની છે. ફ્રાન્સની આ જીતની સાથે એમબાપ્પેની મહત્વની ભૂમિકા રહી છે.
ફીફા વર્લ્ડકપ 2026ની પહેલી ક્વાર્ટર ફાઈનલમાં ફ્રાન્સે મોરક્કોને હરાવ્યું છે. બોસ્ટન સ્ટેડિયમમાં રમાયેલી મેચમાં ફ્રાન્સે 2-0થી જીત મેળવી હતી. ફ્રાન્સ ફીફા વર્લ્ડકપ 2026ની સેમિફાઈનલમાં પહોંચનારી પહેલી ટીમ બની ગઈ છે. ફ્રાન્સને સેમિફાઈનલમાં પહોંચાડવામાં કિલિયન એમ્બાપ્પેનો મોટો હાથ રહ્યો હતો. એમ્બાપ્પે ક્વાર્ટર ફાઈનલમાં મોરક્કો વિરુદ્ધ શાનદાર પ્રદર્શન કર્યું હતુ. જેમ કે રાઉન્ડ ઓફ 16માં ઇજિપ્ત સામે આર્જેન્ટિનાના સ્ટાર લિયોનેલ મેસ્સીએ કામ કર્યું. બંને ખેલાડીઓએ પેનલ્ટી મિસને ગોલ કરવા અને તેમની ટીમને આગામી રાઉન્ડમાં લઈ જવા માટે કામ કર્યું હતુ.
6 મેચમાં 16 ગોલ કરી સેમિફાઈનલમાં ફ્રાન્સ
મોરક્કોને ક્વાર્ટર ફાઈનલમાં હરાવી ફ્રાન્સે ફીફા વર્લ્ડકપ 2026માં પોતાની 100 ટકા જીતનો રેકોર્ડ જાળવી રાખ્યો છે. ફ્રાન્સે સેમિફાઈનલ સુધીની સફર 6 મેચમાં 16 ગોલ સાથે પુરી કરી છે. જેનાથી સેનેગલ અને ઈરાન વિરુદ્ધ પહેલી 2 મેચમાં 3-3 ગોલ સામેલ રહ્યા હતા. ત્યારબાદ નોર્વે વિરુદ્ધ 4 ગોલ કર્યા હતા. સ્વીડન વિરુદ્ધ 3 ગોલ કર્યા, પરાગ્વે વિરુદ્ધ 1 ગોલથી જીત મેળવી હતી અને હવે છઠ્ઠી મેચમાં મોરક્કોને 2-0થી હરાવ્યું હતુ.
28મી મિનિટમાં મેસ્સી જેવી પેનલ્ટી ચૂક્યો એમ્બાપ્પે
ફ્રાન્સે મોરક્કો વિરુદ્ધ ક્વાર્ટર ફાઈનલમાં બંને ગોલ મેચના બીજા હાફમાં કર્યા હતા. પહેલા હાફમાં ગોલ થયો નહી. પરંતુ પહેલા હાફના 28 મિનિટમાં ફ્રાન્સને 1-0થી લીડ મળી જાત જો અમ્બાપ્પે પણ મેસીની જેમ પેનલ્ટી મિસ ના કરી હોત. મેસ્સીએ જે રીતે રાઉન્ડ ઓફ 16માં ઈજિપ્ત વિરુદ્ધ પેનલ્ટી મિસ કરી આવું ક્વાર્ટર ફાઈનલ મેચમાં એમ્બાપ્પે ચૂકી ગયો હતો.
પેનલ્ટી ચૂક્યા બાદ મેસ્સી જેવો ગોલ ફટકાર્યો
બીજા હાફની રમત શરુ થયાના 15 મિનિટ પછી એમ્બાપ્પેએ ગોલ બિલકુલ એ અંદાજમાં કર્યો. જેવો ઈજિપ્ત વિરુદ્ધ મેસ્સીએ પેનલ્ટી મિસ થયા બાદ કર્યો હતો. એમ્બાપ્પે 60મી મિનિટમાં શાનદાર ગોલ કર્યો અને ફ્રાન્સને 1-0થી લીડ અપાવી હતી.
2-0ની જીત સાથે સેમિફાઈનલમાં ફ્રાન્સ
ગોલ કર્યા બાદ 6 મિનિટ પછી તેમણે એક શાનદાર અસિસ્ટ કર્યુ. જેના પર દેમ્બેલે મોરક્કોને ગોલપોસ્ટમાં ગોલ કર્યો હતો અને ફ્રાન્સની લીડને 2-0 કરી હતી. ફ્રાન્સની આ લીડ છેલ્લી સુધી રરહી હતી. જેનું પરિણામ એ આવ્યું કે, ફ્રાન્સની ટીમ સેમિફાઈનલમાં પહોંચવામાં સફળ રહી હતી.
