Breaking News: રશિયાની મીરા એન્ડ્રીવાએ ઈતિહાસ રચ્યો, 19 વર્ષની ઉંમરે જીત્યો ફ્રેન્ચ ઓપનનો ખિતાબ

ટેનિસ જગતને એક નવી સુપરસ્ટાર મળી ગઈ છે. 19 વર્ષની યુવા સેન્સેશન મીરા એન્ડ્રીવાએ શાનદાર પ્રદર્શન કર્યું અને વર્ષના બીજા ગ્રાન્ડ સ્લેમ, ‘ફ્રેન્ચ ઓપન 2026’નો મહિલા સિંગલ્સનો ખિતાબ જીત્યો હતો. પેરિસના ફેમસ કોર્ટ ફિલિપ-ચેટિયર પર રમાયેલી ટાઈટલ મેચમાં એન્ડ્રીવાએ પોલેન્ડની માજા ચ્વાલિન્સ્કાને સીધા સેટમાં હરાવીને પોતાનો પહેલો મેજર (ગ્રાન્ડ સ્લેમ) ખિતાબ જીત્યો હતો. ટુર્નામેન્ટમાં આઠમા ક્રમાંકિત એન્ડ્રીવાએ સમગ્ર મેચ દરમિયાન પોતાનું વર્ચસ્વ જાળવી રાખ્યું અને મેચ 6-3, 6-2 થી જીતી લીધી.

19 વર્ષની મીરા એન્ડ્રીવાએ ઈતિહાસ રચ્યો

મીરા એન્ડ્રીવાનો વિજય ઘણી રીતે ઐતિહાસિક છે. 19 વર્ષની ઉંમરે ફ્રેન્ચ ઓપન જીતીને તે 1992 પછી પેરિસમાં ક્લે કોર્ટ પર ટાઈટલ જીતનાર સૌથી નાની ઉંમરની ખેલાડી બની. તેના પહેલા દિગ્ગજ મોનિકા સેલેસ 1992માં 18 વર્ષની ઉંમરે આ સિદ્ધિ હાંસલ કરી હતી. વધુમાં, એન્ડ્રીવા 2014 માં મારિયા શારાપોવા પછી ફ્રેન્ચ ઓપન જીતનાર પ્રથમ રશિયન મહિલા બની.

એન્ડ્રીવાએ જોરદાર વાપસી કરી

મેચ ખૂબ જ રોમાંચક રીતે શરૂ થઈ હતી. ક્વોલિફાયર તરીકે ફાઈનલ સુધી પહોંચનારી માજા ચ્વાલિન્સ્કાએ શરૂઆતમાં પોતાના ડ્રોપ શોટ્સ અને આક્રમક ફોરહેન્ડ્સથી એન્ડ્રીવા સામે જોરદાર પડકાર ઉભો કર્યો અને એક સમયે તેણે પહેલા સેટમાં 3-2ની લીડ મેળવી લીધી. જોકે, એન્ડ્રીવાએ ટૂંક સમયમાં જ તેના કોચ અને ભૂતપૂર્વ મહાન ખેલાડી કોંચિતા માર્ટિનેઝની સલાહનું પાલન કર્યું અને પોતાની રણનીતિ બદલી. ત્યારબાદ તેણીએ સતત ગેમ જીતીને ન માત્ર પહેલો સેટ 6-3થી જીત્યો, પરંતુ બીજા સેટમાં પણ ચ્વાલિન્સ્કાને કોઈ તક આપી નહીં અને 6-2થી જીતીને મેચ અને ટાઈટલ બંને પોતાના નામે કરી લીધા.

મીરા એન્ડ્રીવાને કરોડો રૂપિયાનું ઈનામ મળ્યું

આ ઐતિહાસિક ટાઈટલ જીત બદલ મીરા એન્ડ્રીવાને ચમકતી સુઝાન-લેંગલેન ટ્રોફી સાથે $3.25 મિલિયનની મોટી ઈનામી રકમ પ્રાપ્ત થઈ, જે ભારતીય રૂપિયામાં ₹30 કરોડથી વધુ છે. સમગ્ર ટુર્નામેન્ટ દરમિયાન ઉત્કૃષ્ટ પ્રદર્શનથી એન્ડ્રીવાના એક નવી ટેનિસ સુપરસ્ટાર તરીકે સ્થાપિત થઈ છે.

Breaking News: સચિન તેંડુલકરની જેમ વૈભવ સૂર્યવંશીને પણ મળી ખાસ પરવાનગી, BCCIએ બદલ્યો પોતાનો નિયમ