Asian Archery Championship: જ્યોતી એ કર્યો કમાલ, એશિયન ચેમ્પિયનશિપમાં જીત્યો ગોલ્ડ મેડલ, જબરદસ્ત ટક્કર આપીને એક પોઇન્ટ થી મેળવી જીત

ભારતની મહિલા તીરંદાજ જ્યોતિ સુરેખા વેનામે (Jyoti Surekha Venam) ગુરુવારે એશિયન તીરંદાજી ચેમ્પિયનશિપ (Asian Archery Championship) માં અદ્ભુત પ્રદર્શન કર્યું હતું અને મહિલા સિંગલ્સ કેટેગરીમાં ગોલ્ડ મેડલ જીત્યો હતો. જ્યોતિએ કોરિયાના શૂટર ઓહ યુહ્યુનને માત્ર એક માર્જિનથી હરાવ્યું. વિશ્વ ચેમ્પિયનશિપમાં ત્રણ વખત સિલ્વર મેડલ જીતનાર જ્યોતિએ ફાઇનલમાં કોરિયન ખેલાડીને 146-145ના માર્જિનથી હરાવ્યો હતો.

જોકે, ફાઈનલમાં ઘણો ડ્રામા થયો અને આ મેચનું પરિણામ લાંબા સમય બાદ આવ્યું. આ ટૂર્નામેન્ટમાં જ્યોતિનો આ એકંદરે બીજો અને ભારતનો ત્રીજો મેડલ છે. આ વર્ષે આ ચેમ્પિયનશિપમાં ભારત અને જ્યોતિ માટે આ પહેલો ગોલ્ડ મેડલ છે.

મહિલા સિંગલ્સ શ્રેણી પહેલા, જ્યોતિએ યુવા તીરંદાજ ઋષભ યાદવ સાથે મળીને કમ્પાઉન્ડ મિશ્રિત ટીમ ઇવેન્ટની ફાઇનલમાં સિલ્વર મેડલ જીત્યો હતો. ભારતીય જોડીને ટોચની ક્રમાંકિત કોરિયા સામે એક પોઈન્ટથી હાર્યા બાદ સિલ્વર મેડલથી સંતોષ માનવો પડ્યો હતો.

પ્રથમ રાઉન્ડમાં કોરિયા અને ભારતની જોડીએ 38 પોઈન્ટ મેળવ્યા હતા. કોરિયાની ભૂતપૂર્વ વિશ્વ ચેમ્પિયન કિમ યુનહી અને ચોઈ યોંગહીની અનુભવી જોડીએ જોકે 155-154ની જીત નોંધાવવા માટે ચાર વખત 10 પોઈન્ટ એકત્રિત કર્યા હતા.

પુરુષોની ટીમે બ્રોન્ઝ જીત્યો

આ પહેલા 19 વર્ષીય યાદવે એશિયન ગેમ્સના ભૂતપૂર્વ સુવર્ણ ચંદ્રક વિજેતા અભિષેક વર્મા અને અમન સૈની સાથે બુધવારે ટીમ બ્રોન્ઝ મેડલ જીત્યો હતો. એશિયન ચૅમ્પિયનશિપમાં પદાર્પણ કરીને, યાદવે વ્યક્તિગત રેન્કિંગ રાઉન્ડમાં તેના માર્ગદર્શક વર્માને હરાવીને મિશ્ર ટીમ ઈવેન્ટમાં સ્થાન મેળવનાર ભારતીય તીરંદાજોમાં સર્વશ્રેષ્ઠ છે.

કોરિયા સામેના બીજા રાઉન્ડમાં ભારતીય જોડી ચાર તીરમાં બે વખત માત્ર 10 પોઈન્ટ જ મેળવી શકી હતી. ત્રીજા રાઉન્ડમાં કોરિયન તીરંદાજો દ્વારા બે વખત નવ પોઈન્ટ મેળવ્યા બાદ, ભારતીય જોડીએ તમામ 10 પોઈન્ટને ટાર્ગેટ કરવાના હતા. પરંતુ તેઓ તેમ કરી શક્યા ન હતા. ભારતીય જોડીએ ચારમાંથી ત્રણ પ્રયાસમાં 10 પોઈન્ટ મેળવ્યા હતા. પરંતુ કોરિયન ટીમે એક પોઈન્ટના માર્જીનથી ગોલ્ડ મેડલ જીત્યો હતો.

મહિલા ટીમે કર્યા નિરાશ

મહિલા ટીમ ઈવેન્ટમાં, પ્રિયા ગુર્જર અને પ્રનીત કૌર પ્રથમ રાઉન્ડના નબળા પ્રદર્શનમાંથી બહાર આવવામાં નિષ્ફળ રહી. વર્લ્ડ યુથ ચેમ્પિયનશિપમાં બે વર્લ્ડ રેકોર્ડ બનાવનાર 18 હેઠળની કેટેગરીની તીરંદાજ પ્રિયા નિશાન પર એક તીર પણ મારી શકી ન હતી. તેની ભૂલને કારણે, પ્રથમ રાઉન્ડમાં, ભારતીય ત્રિપુટી કઝાકિસ્તાનના 57 પોઈન્ટના જવાબમાં માત્ર 45 પોઈન્ટ જ એકત્રિત કરી શકી અને વિરોધી ટીમની આ લીડ નિર્ણાયક સાબિત થઈ.

આ પણ વાંચોઃ  IND vs NZ: ન્યુઝીલેન્ડના સ્ટાર બેટ્સમેનના મનમાં અશ્વિનના નામનો ડર, કહ્યુ ચતુર બોલર છે, તેણે ખરાબ બોલ નાખ્યો હોય એવુ યાદ નથી

આ પણ વાંચોઃ  IND vs NZ: રોહિત શર્માએ ભારતની જીત બાદ પણ ટીમ ઇન્ડિયાના ખેલાડીઓને ચેતવ્યા, કહ્યુ, માત્ર પાવર હિટીંગ જ સફળ નથી બનાવતી