Google Search IPL : Googleમાં પણ ચમક્યું IPL, વર્ષ 2021માં આ સૌથી વધુ Search થયું
ગૂગલ ઇન્ડિયાએ જણાવ્યું છે કે વર્ષ 2021માં ગૂગલ પર સૌથી વધુ શું સર્ચ કરવામાં આવ્યું હતું. ગૂગલ પર ઈન્ડિયન પ્રીમિયર લીગ એટલે કે આઈપીએલને ભારતમાં સૌથી વધુ સર્ચ કરવામાં આવ્યું હતું.
Google Search IPL : IPL માત્ર વિશ્વની સૌથી મોટી લીગ તરીકે ઓળખાતી નથી. છેલ્લા બે વર્ષ કોરોના મહામારી (Corona epidemic)ના નામે હતા, પરંતુ તે પછી પણ હજુ સુધી IPL (Indian Premier League)પર કોઈ અસર જોવા મળી નથી. કોરોના દરમિયાન લોકોએ ઘરે બેસીને IPL મેચ પણ જોઈ હતી. હવે આ વર્ષ પૂરું થઈ રહ્યું છે અને થોડા દિવસો પછી વર્ષ 2022 શરૂ થવા જઈ રહ્યું છે.
ગૂગલ ઇન્ડિયાએ જણાવ્યું છે કે, વર્ષ 2021માં ગૂગલ પર સૌથી વધુ શું સર્ચ કરવામાં આવ્યું હતું. ગૂગલ ઈન્ડિયા અનુસાર ઈન્ડિયન પ્રીમિયર લીગ એટલે કે આઈપીએલને ભારતમાં સૌથી વધુ સર્ચ કરવામાં આવ્યું હતું. જો કે, આ દરમિયાન ICC T20 વર્લ્ડ કપ 2021, યૂરો કપ (UEFA Champions League), કોપા અમેરિકા, ટોક્યો ઓલિમ્પિક્સ 2020 (Tokyo Olympics 2020)ને પણ ઘણી સર્ચ કરવામાં આવી હતી. આના પરથી સમજી શકાય છે કે ભારતીયો અને દુનિયાભરના લોકો આ ગેમને લઈને કેટલા ઉત્સાહિત છે.
2021 has been… a lot, and a lot of these searches are what kept us going through the year.
Take a look at India’s trending searches this year: from ways to heal, to the celebrations that united us ➡️ https://t.co/pWTbd8WQT4.
#YearInSearch pic.twitter.com/NmDufHDFxH
— Google India (@GoogleIndia) December 9, 2021
IPL (Indian Premier League)ના 14 વર્ષના ઈતિહાસમાં પ્રથમ વખત ઈન્ડિયન પ્રીમિયર લીગ બે તબક્કામાં રમાઈ હતી. આઈપીએલનો પહેલો તબક્કો ભારતમાં જ રમાયો હતો અને તે સારી રીતે ચાલી રહ્યો હતો, પરંતુ આ તે સમયગાળો હતો જ્યારે ભારતમાં કોરોના તેની ટોચ પર હતો અને દરરોજ લાખો નવા કેસ સામે આવી રહ્યા હતા. જો કે, IPL 2021 માટે, BCCIએ ખાસ વ્યવસ્થા કરી હતી અને બાયો બબલ બનાવ્યો હતો.
પરંતુ તે દરમિયાન, કેટલાક સ્ટાફ મેમ્બર કોરોના પોઝિટિવ બન્યા હતા.શરૂઆતની કેટલીક મેચો સ્થગિત કરવામાં આવી હતી, પરંતુ જ્યારે લાગ્યું કે પરિસ્થિતિ બેકાબૂ બની શકે છે, ત્યારે તેને તરત જ સ્થગિત કરી દેવામાં આવી હતી. બીસીસીઆઈએ તમામ વિદેશી ખેલાડીઓ સુરક્ષિત રીતે તેમના ઘરે પહોંચે તેવી વ્યવસ્થા પણ કરી હતી. થોડા દિવસો પછી, BCCIએ નિર્ણય લીધો કે IPL 2021 ની બાકીની મેચો UAEમાં યોજવામાં આવશે. જ્યાં IPL 2020ની આખી સિઝન રમાઈ હતી. આ પછી બાકીની મેચોનું આયોજન સપ્ટેમ્બરથી ઓક્ટોબર દરમિયાન કરવામાં આવ્યું હતું.
IPL 2021 માત્ર એટલા માટે સમાચારમાં નહોતું કારણ કે તે બે તબક્કામાં થયું હતું. પરંતુ એવું પણ બન્યું કે એમએસ ધોનીની કપ્તાનીમાં ચેન્નાઈ સુપર કિંગ્સે ફરી પોતાના નામે કરી લીધું. CSK ચોથી વખત IPL ટાઈટલ જીત્યું. દરેક વખતે ટીમનો કેપ્ટન એમએસ ધોની જ રહ્યો.
IPL પહેલા વિરાટ કોહલીએ પણ જાહેરાત કરી હતી કે, તે IPLમાં છેલ્લી વખત પોતાની ટીમ RCBની કેપ્ટનશીપ કરી રહ્યો છે, ત્યાર બાદ તે RCBની કેપ્ટન્સી છોડી દેશે. જોકે તેની ટીમ પ્લેઓફથી આગળ વધી શકી ન હતી. IPL 2021 ની ફાઇનલમાં CSK અને KKR વચ્ચે મેચ રમાઈ હતી, જેમાં CSK એ KKR ને હરાવ્યું હતું. હવે IPLની ચર્ચા ફરી શરૂ થઈ છે. એવું માનવામાં આવે છે કે જાન્યુઆરી 2022માં મેગા ઓક્શન થશે અને તે પછી એપ્રિલથી નવી સિઝન શરૂ થશે. IPL 2022માં 10 ટીમો ફરી એકવાર પુનરાગમન કરી રહી છે.
આ પણ વાંચો : MP: જ્યોતિરાદિત્ય સિંધિયા સ્ટેડિયમમાં દોડવા લાગ્યા, ક્રિઝ પર ફટકાર્યા ચોગ્ગા અને છગ્ગા, જુઓ VIDEO
