IND vs WI, 1st ODI, LIVE Streaming: ટીમ ઈન્ડિયા રમશે ઐતિહાસિક 1000મી ODI, જાણો ક્યારે, ક્યાં અને કેવી રીતે જોઈ શકશો મેચ
દક્ષિણ આફ્રિકાની નબળી ટીમ સામે ઘરઆંગણે હારનો સામનો કર્યા બાદ ભારતીય ટીમ હવે નવા ODI કેપ્ટન રોહિતની સાથે કોચ રાહુલ દ્રવિડ સાથે વિજયી સિલસિલો હાંસલ કરવા પર નજર રાખશે.
IND vs WI 1st ODI: ભારત અને વેસ્ટ ઈન્ડિઝ (India vs West Indies) વચ્ચે ત્રણ મેચોની શ્રેણીની પ્રથમ મેચ રવિવારે રમાશે. દક્ષિણ આફ્રિકા સામેની હાર બાદ આ શ્રેણી જીતવી ટીમ ઈન્ડિયાના આત્મવિશ્વાસ માટે ખૂબ જ મહત્વપૂર્ણ છે. આ પ્રથમ વખત હશે જ્યારે રોહિત શર્મા (Rohit Sharma) ભૂતપૂર્વ વનડે કેપ્ટન તરીકે મેદાનમાં ઉતરશે. શ્રેણીની શરૂઆતની મેચ ભારત માટે ઐતિહાસિક 1000મી ODI(India 1000th ODI) હશે. ભારતીય ટીમ 2023 વર્લ્ડ કપ માટે તેમની તૈયારીઓ શરૂ કરવા માંગે છે જેમાં તેઓ 2015 અને 2019માં ટ્રોફી જીતી શક્યા ન હતા અને હવે તેઓ ખરેખર તેમની રણનીતિ બદલવા માંગે છે.
દક્ષિણ આફ્રિકાની નબળી ટીમ સામે ઘરઆંગણે હારનો સામનો કર્યા બાદ ભારતીય ટીમ હવે નવા ODI કેપ્ટન રોહિતની સાથે કોચ રાહુલ દ્રવિડ સાથે વિજયી સિલસિલો હાંસલ કરવા પર નજર રાખશે. જ્યારે બોલિંગની વાત આવે છે, ત્યારે ડાબોડી સ્પિનર કુલદીપ યાદવ ODI ટીમમાં પાછો ફર્યો છે અને તેના અનુભવી સાથી યુઝવેન્દ્ર ચહલ સાથે પ્લેઈંગ ઈલેવનમાં સામેલ થવાની અપેક્ષા છે.
ટીમ ઈન્ડિયાની બેટિંગ મજબૂત છે
જો રોહિત તેના ફોર્મમાં છે તો તે કોઈપણ દિવસે કોઈપણ બોલિંગ આક્રમણને તોડી શકે છે. દક્ષિણ આફ્રિકા સામેની શ્રેણીની બીજી મેચમાં ઋષભ પંતની ઈનિંગને બાદ કરતાં ત્રણેય મેચોમાં મિડલ ઓર્ડર સંપૂર્ણપણે પડી ભાંગ્યો હતો અને હવે મિડલ ઓર્ડરમાં પ્રભાવશાળી ખેલાડીઓની હાજરીની જરૂર છે. શ્રેયસ અય્યર શ્રેણી માટે ઉપલબ્ધ ન હોવાથી આક્રમક સૂર્યકુમાર યાદવ તેમજ દીપક હુડા પાસે રાષ્ટ્રીય પસંદગીકારોને આકર્ષવાની તક છે. આ બંને સિવાય વિરાટ કોહલી કેવું પ્રદર્શન કરે છે તેના પર ઘણું નિર્ભર રહેશે.
ભારત અને વેસ્ટ ઈન્ડિઝ વચ્ચે પ્રથમ ODI મેચ ક્યારે રમાશે?
ભારત અને વેસ્ટ ઈન્ડિઝ વચ્ચે પ્રથમ ODI મેચ 06 ફેબ્રુઆરી (રવિવાર)ના રોજ રમાશે.
ભારત અને વેસ્ટ ઈન્ડિઝ વચ્ચે પ્રથમ ODI મેચ ક્યાં રમાશે?
ભારત અને વેસ્ટ ઈન્ડિઝ વચ્ચેની આ મેચ અમદાવાદના નરેન્દ્ર મોદી સ્ટેડિયમમાં રમાશે.
ભારત અને વેસ્ટ ઈન્ડિઝ વચ્ચેની પ્રથમ ODI મેચ ક્યારે શરૂ થશે?
ભારત અને વેસ્ટ ઈન્ડિઝ વચ્ચેની આ મેચ બપોરે 01:30 વાગ્યે શરૂ થશે, જ્યારે મેચનું ટોસ બપોરે 01:00 વાગ્યે થશે.
ભારત અને વેસ્ટ ઈન્ડિઝ વચ્ચેની પહેલી ODI મેચનું લાઈવ ટેલિકાસ્ટ ક્યાં જોઈ શકો છો?
ભારત અને વેસ્ટ ઈન્ડિઝ વચ્ચેની આ મેચ સ્ટાર સ્પોર્ટ્સ નેટવર્કની ચેનલો પર વિવિધ ભાષાઓમાં જોઈ શકાશે.
ભારત અને વેસ્ટ ઈન્ડિઝ વચ્ચેનું લાઈવ સ્ટ્રીમિંગ ઓનલાઈન
મેચનું ઓનલાઈન લાઈવ સ્ટ્રીમિંગ Hotstar પર સબસ્ક્રીપ્શન સાથે જોઈ શકાશે. આ સિવાય https://tv9gujarati.com/ પર પણ મેચની લાઈવ અપડેટ વાંચી શકાશે.
આ પણ વાંચો : Goa Election: ચૂંટણી પ્રચાર માટે નીકળેલી સ્મૃતિ ઈરાનીની છલકાઈ ઉઠી માનવતા, એક્સીડેંટમાં ઘાયલ છોકરીને હોસ્પિટલ પહોંચાડી