IND vs SA 1st Test Day 5 Highlight: સેન્ચુરિયનમાં ટીમ ઈન્ડિયાએ દક્ષિણ આફ્રિકાને હરાવીને ઈતિહાસ રચ્યો

સેન્ચુરિયન ટેસ્ટના પાંચમા દિવસે ટીમ ઈન્ડિયાએ જબરદસ્ત બોલિંગ કરીને જીત મેળવી હતી. ટેસ્ટ શ્રેણીમાં ભારત 1-0થી આગળ છે.

છેલ્લા દિવસનું પ્રથમ સત્ર પૂરું થઈ ગયું છે અને તે ભારતના નામે રહ્યું છે. ટીમ ઈન્ડિયાએ 3 મહત્વની વિકેટ લઈને જીત તરફ એક પગલું ભર્યું છે. જો કે, આ સત્રમાં દક્ષિણ આફ્રિકાએ પણ ઝડપી રન બનાવ્યા અને શરૂઆતમાં ભારતની મુશ્કેલીઓ થોડી વધી ગઈ.

SA- 182/7

ભારતીય ઝડપી બોલરો સારૂ પ્રદર્શન કરી રહ્યા છે અને દબાણ બનાવી રહ્યા છે, બાવુમાએ તેની એક બોલનો બચાવ કર્યો અને સિરાજે બોલ પકડીને બેટ્સમેન તરફ પાછો ફેંક્યો. બોલ બાવુમાના પગમાં વાગ્યો, જેના કારણે તે ઘણી મુશ્કેલીમાં જોવા મળ્યો. સિરાજે જઈને બાવુમાની માફી માંગી, પરંતુ ફિઝિયોને બાવુમાની તપાસ માટે મેદાનમાં આવવું પડ્યું.

ભારતને સાતમી સફળતા મળી છે. શમીએ વિઆન મલ્ડર (1 રન)ને રિષભ પંતના હાથે કેચ આઉટ કરાવ્યો હતો. દક્ષિણ આફ્રિકાનો સ્કોર 164/7 છે. મુલ્ડર 3 બોલમાં 1 રનની ઇનિંગ રમીને પેવેલિયન પરત ફર્યો હતો.

ભારતને છઠ્ઠી સફળતા મળી છે. મોહમ્મદ સિરાજે ક્વિન્ટન ડી કોક (21)ને બોલ્ડ આઉટ કર્યો હતો. સિરાજનો બોલ ડેકોકના બેટ સાથે અથડાયા બાદ વિકેટ સાથે અથડાયો હતો. 60 ઓવર પછી દક્ષિણ આફ્રિકાનો સ્કોર 164/6 છે.તેમ્બા બાવુમા 22 અને વિલિયમ મુલ્ડર 1 રન બનાવીને ક્રિઝ પર છે.

57 ઓવર પછી દક્ષિણ આફ્રિકાનો સ્કોર પાંચ વિકેટે 153 રન છે. તેમ્બા બાવુમા 18 અને વિકેટકીપર ક્વિન્ટન ડી કોક 15 રન બનાવીને ક્રિઝ પર છે.  દક્ષિણ આફ્રિકાને જીતવા માટે 152 વિકેટની જરૂર છે જ્યારે ભારતને પાંચ વિકેટની જરૂર છે.

ક્વિંટન ડિકોકે ઉપરા ઉપરી 2 ચોગ્ગા ફટકાર્યા છે દક્ષિણ આફ્રિકાએ 55મી ઓવરમાં કુલ 10 રન આવ્યા છે ક્વિંટન ડિકોક અને તેમ્બા બાવુમા ક્રિઝ પર છે,દક્ષિણ આફ્રિકાનો સ્કોર 55 ઓવરમાં 5 વિકેટે 148 રન છે.

ભારતને પાંચમી સફળતા મળી છે. ડીન એલ્ગરને જસપ્રીત બુમરાહે એલબીડબલ્યુ આઉટ કર્યો હતો. એલ્ગરે 156 બોલમાં 77 રનની ઇનિંગ રમી હતી. 51 ઓવર પછી દક્ષિણ આફ્રિકાનો સ્કોર પાંચ વિકેટે 130 રન છે. તેમ્બા બાવુમા 10 અને ક્વિન્ટન ડી કોક શૂન્ય રન બનાવીને ક્રિઝ પર છે.

દક્ષિણ આફ્રિકાના કેપ્ટન ડીન એલ્ગરે સારી બેટિંગ કરી છે અને નસીબ પણ તેનો સાથ આપી રહ્યું છે. શમીની ઓવરમાં જીવન દાનની ભેટ પછી, હવે જસપ્રિત બુમરાહની ઓવરમાં એક તક ગુમાવી હતી. બુમરાહનો બોલ એલ્ગરના બેટની કિનારે વાગ્યો અને કેચ ત્રીજી સ્લિપ તરફ ગયો, પરંતુ નસીબ એવું હતું કે ત્યાં કોઈ ફિલ્ડર નહોતો. એલ્ગરને 4 રન મળ્યા હતા . આ પછી એલ્ગરે ત્રીજો બોલ સ્ક્વેર લેગ તરફ રમીને વધુ ચોગ્ગો લીધો.

SA- 126/4; એલ્ગર – 76, બાવુમા – 7

50મી ઓવર લઈ સિરાજ આવ્યો છે

એલ્ગરે જીવન દાન મેળવવાનો ફાયદો ઉઠાવ્યો અને થર્ડ મેન તરફ શમીની ઓવરનો છેલ્લો બોલ રમીને 4 રન મેળવ્યા. ભારતીય ટીમ માટે તે કેટલું ભારે રહેશે, તે આ સત્રના અંત સુધીમાં ખબર પડશે. હાલમાં આફ્રિકાના બેટ્સમેન પણ સરળતાથી રન મેળવી રહ્યા છે.

SA- 115/4; એલ્ગર – 67, બાવુમા – 5

મોહમ્મદ શમીએ પોતાના જ બોલ પર ડીન એલ્ગરનો કેચ છોડ્યો, કેચ અને બોલ્ડ પાસે શાનદાર તક હતી.

દક્ષિણ આફ્રિકાનો કેપ્ટન ડીન એલ્ગર સતત રન બનાવી રહ્યો છે  બુમરાહનો બોલ બાઉન્સ થયો, પરંતુ તે લેગ-સ્ટમ્પ પર હતો અને એલ્ગરે તેને ફાઇન લેગની દિશામાં બતાવીને ચોગ્ગો ફટકાર્યો.

SA- 110/4; એલ્ગર – 63, બાવુમા – 4

જાણીતા કોમેન્ટેટર હર્ષા ભોગલે કહે છે કે ઘણા લોકોએ દક્ષિણ આફ્રિકાની જીતની સંભાવનાને ફગાવી દીધી છે, પરંતુ તે શક્ય છે અને આ શક્યતાને ખતમ કરવા માટે ભારતે પ્રથમ 40 મિનિટમાં વિકેટ લેવાની જરૂર છે.

42 ઓવરના અંતે દક્ષિણ આફ્રિકાનો સ્કોર ચાર વિકેટે 101 રન છે. કેપ્ટન ડીન એલ્ગર 58 અને તેમ્બા બાવુમા શૂન્ય રન બનાવીને ક્રિઝ પર છે. પાંચમા દિવસે બીજા અને ત્રીજા સત્રમાં હવામાનને ધ્યાનમાં રાખીને, ભારત વિકેટની શોધમાં છે.

પાંચમા દિવસની રમત શરૂ થઈ ગઈ છે. ડીન એલ્ગરે 54 અને તેમ્બા બાવુમા શૂન્ય રન બનાવીને ક્રિઝ પર છે. બુમરાહ અને શમીએ બોલિંગની શરૂઆત કરી છે.

સેન્ચુરિયનમાં નિર્ણાયક દિવસ માટેની લડાઈ શરૂ થઈ ગઈ છે. જસપ્રીત બુમરાહે ચોથા દિવસની શરૂઆત પોતાની ઓવરના એક બોલથી કરી હતી. વન-ડે-ટી-20ના કેપ્ટન તેમ્બા બાવુમા દક્ષિણ આફ્રિકા માટે કેપ્ટન એલ્ગરને સપોર્ટ કરવા આવ્યા છે.

સેન્ચુરિયનમાં આજે વરસાદની આગાહી છે, જે ભારતના માર્ગમાં અવરોધ બની શકે છે. જો કે, અત્યારે સારા સમાચાર એ છે કે હવામાન સ્વચ્છ છે અને સુપરસ્પોર્ટ પાર્ક પર સૂર્ય ચમકી રહ્યો છે. જો કે, આગામી સાંજે 4 વાગ્યા પછી (ભારતીય સમય મુજબ) વરસાદ પડી શકે છે.