IND vs SA: સેન્ચુરિયનમાં વરસાદે ટેસ્ટના બીજા દિવસની રમતની મજા બગાડી,ભારત માટે પહેલો દિવસ સારો રહ્યો હતો

સેન્ચુરિયનમાં બીજા દિવસની રમત અત્યારે શરૂ થાય તેવું લાગતું નથી. આજે બીજી વખત આવું બન્યું છે, જ્યારે ગ્રાઉન્ડમાં ટેસ્ટ પહેલા વરસાદ આવ્યો અને પછી રમત શરૂ થવામાં વધુ વિલંબ થયો. હાલ સ્થિતિ સારી દેખાઈ રહી નથી.

સેન્ચુરિયનમાં લંચ બ્રેક પુરો થઈ ગયો છે અને સારા સમાચાર એ છે કે વરસાદ પણ બંધ થઈ ગયો છે. ગ્રાઉન્ડ સ્ટાફ ગ્રાઉન્ડને શુષ્ક અને રમત માટે યોગ્ય બનાવવામાં વ્યસ્ત છે. બીસીસીઆઈએ એક અપડેટ આપ્યું છે કે અમ્પાયર ભારતીય સમય અનુસાર સાંજે 4.15 વાગ્યે મેદાનની તપાસ કરશે અને નિર્ણય લેશે.

વરસાદના કારણે પ્રથમ સત્ર સંપૂર્ણપણે બરબાદ થઈ ગયું છે અને હાલ પરિસ્થિતિમાં કોઈ સુધારો દેખાઈ રહ્યો નથી. 3 વાગ્યે મેદાનનું નિરીક્ષણ કરવાનું હતું, પરંતુ તે જ સમયે ફરીથી વરસાદ શરૂ થયો. જેના કારણે નિયત સમય પહેલા લંચ બ્રેક લેવામાં આવ્યો છે.

સેન્ચુરિયન ખાતે, વરસાદ હાલ પૂરતો બંધ થઈ ગયો છે અને ગ્રાઉન્ડ સ્ટાફ ગ્રાઉન્ડને સૂકવવામાં વ્યસ્ત છે. Cricinfo અનુસાર, જો ફરીથી વરસાદ ન આવેતો અમ્પાયર ભારતીય સમય અનુસાર બપોરે 3 વાગ્યે મેદાનનું નિરીક્ષણ કરશે અને પછી નિર્ણય લેશે.

સેન્ચુરિયનમાં ફરી એકવાર વરસાદ શરૂ થયો છે, જેના કારણે જમીનને સૂકવવાના પ્રયાસો બંધ કરી દેવામાં આવ્યા છે. એટલે કે મેચ શરૂ થવામાં વધુ સમય લાગશે અને ચાહકોની રાહ વધી ગઈ છે.

સેન્ચુરિયનમાં વરસાદને કારણે રમત સમયસર શરૂ થઈ શકી ન હતી. હાલમાં, વરસાદ બંધ થઈ ગયો છે અને ગ્રાઉન્ડસમેન પાણીને દૂર કરવામાં અને રમત શરૂ કરવા માટે મહેનત કરી રહ્યા છે