ઈંગ્લેન્ડનો કેપ્ટન જો રુટ (Jo Root) ભારત સામેની ટેસ્ટ સિરીઝ માટે સીધો ભારત પહોંચ્યો ન હતો, પરંતુ તે પહેલા તેણે શ્રીલંકામાં બે મેચની ટેસ્ટ સિરીઝ રમી હતી. તે ટેસ્ટ શ્રેણીમાં તેણે બેવડી સદી (Double Century) અને સદી ફટકારી હતી. આ પછી, જ્યારે તે ભારત આવ્યો ત્યારે તેણે પ્રથમ ટેસ્ટ મેચમાં જ બેવડી સદી ફટકારી હતી. આ સાથે જ તેણે ઈંગ્લેન્ડની ટીમ માટે ઇતિહાસ રચ્યો છે. ભારત અને ઇંગ્લેંડ (India vs England) વચ્ચે શ્રેણીની પ્રથમ ટેસ્ટ મેચ રમાઇ રહી છે. તેણે 218 રન કર્યા હતા અને શાહબાઝનો શિકાર થયો હતો.
જો રુટે 341 બોલમાં ભારત સામે ચેન્નઈ ટેસ્ટ (Chennai Test) મેચમાં તેની કારકિર્દીની પાંચમી બેવડી સદી ફટકારી હતી. આ ઇનિંગ્સમાં તેણે 19 ચોગ્ગા અને 2 છગ્ગા ફટકાર્યા હતા. જો રુટ ભારતીય ધરતી પર ટેસ્ટ મેચમાં બેવડી સદી ફટકારનાર ઇંગ્લેંડનો પહેલો કેપ્ટન છે. આટલું જ નહીં, 100 મી ટેસ્ટ મેચમાં ડબલ સદી ફટકારનાર તે વિશ્વનો એકમાત્ર ખેલાડી બની ગયો છે. કોઈ પણ ખેલાડીએ તેની પહેલાં આ સિદ્ધિ મેળવી નથી.
https://twitter.com/ICC/status/1357969654166167552?s=20
જો રુટની ગણતરી ફેવરીટ ફોરમાં કરવામાં આવે છે, પરંતુ તેણે શ્રીલંકા બાદ ભારતમાં જે રીતે બેટિંગ કરી છે. તેનું આ પ્રકાર ફોર્મ ક્યારેય નહોતું. તે જે રીતે આ વખતે ફોર્મમાં જોવા મળ્યો છે, તેવી રીતે તે આટલી લાંબી ઇનિંગ્સ સતત રમી નથી. તેણે શ્રીલંકા સામેની પ્રથમ ટેસ્ટ મેચની પ્રથમ ઇનિંગ્સમાં 228 રન બનાવ્યા હતા, જ્યારે બીજી મેચની પ્રથમ ઇનિંગ્સમાં તે બેવડી સદી ફટકારી શક્યો હોત, પરંતુ 186 રન પર આઉટ થયો હતો. આ પછી, જ્યારે તે ભારત આવ્યો છે, ત્યારે તેણે પ્રથમ ટેસ્ટ મેચની પહેલી ઇનિંગ્સમાં બેવડી સદી ફટકારી છે. આણ તેણે સંકેત આપ્યા છે કે, આ ટેસ્ટ શ્રેણી ભારત માટે સરળ રહેશે નહીં.