ભારત અને ઇંગ્લેંડ (India vs England) વચ્ચે રમાઇ રહેલી ચાર ટેસ્ટ મેચોની સિરીઝના પ્રથમ મેચ ચેન્નાઇમાં રમાઇ રહી છે. ટેસ્ટ મેચના ત્રીજા દિવસે ઇંગ્લેંડની ટીમે પ્રથમ પારીમાં 578 રન બનાવ્યા છે. ભારતીય ટીમએ પ્રથમ ઇનીંગની બેટીંગની શરુઆત એટલી સારી રહી નહોતી. ટીમે 200ના આંકડે પહોંચતા સુધીમાં 6 વિકેટો ગુમાવી દીધી હતી. ઋષભ પંત (Rishabh Pant) અન ચેતેશ્વર પુજારાની (Cheteshwar Pujara) રનની ઇનીંગએ ટીમને સંભાળવા પ્રયાસ કર્યો હતો. પરંતુ બંને બેટ્સમેનોને ડોમિનિક બેઝ (Dominic Base) એ આઉટ કરી દીધા હતા. જોકે પુજારાની ઇનીંગનો અંત જે રીતે થયો તેને લઇને ભારતીય બેટ્સમેનો પણ રોષ ભરેલી નજરમાં હતા.
ઋષભ પંતે જ્યારે ક્રિઝ પર બેટીંગ કરવા માટે ઉતર્યા હતા ત્યારે, ટીમ ઇન્ડીયા 73 રન પર 4 વિકેટ ગુમાવીને રમતમાં હતી. આમ ટીમ પર મુશ્કેલીઓ સર્જાઇ હતી એવા સમયે જ ઋષભ પંત અને ચેતેશ્વર પુજારાએ 119 રનની ભાગીદારી રમત રમી હતી. આ સમયે બંને બેટ્સમેનો સેટ હોવાનુ લાગી રહ્યુ હતુ. બંને પોતાના શતક તરફ આગળ વધી રહ્યા હતા. ત્યારે જ કેપ્ટન જો રુટ એ બોલીંગ ડોમિનિક બેઝને આપી હતી. બેઝ એ બોલને શોર્ટ પિચ ફેક્યો હતો, જેને પુજારાએ પુલ કરવા માટે નો પ્રયાસ કર્યો હતો. પરંતુ બોલ શોર્ટ લેગ પર ફિલ્ડીંગ કરી રહેલા ફિલ્ડરના હેલ્ટમેટ પર વાગ્યો અને સિલી મિડઓન પર ફિલ્ડીંગ કરી રહેલા રોરી બર્ન્સના હાથમાં આવી ગયો હતો. આ રીતે આઉટ થવાને લઇને પુજારા પણ નાખુશ નજરે ચડ્યો હતો. તેણે પોતાનુ બેટ પોતાના પેડ પર માર્યુ હતુ. પુજારાના આઉટ થવાના બાદ બેઝ એ પંતને પણ 91 રન પર આઉટ કરી દીધો હતો.
https://twitter.com/ChloeAmandaB/status/1358363095509307392?s=20
પ્રથમ પારીમાં ટીમ ઇન્ડીયાની શરુઆત સારી રહી નહોતી. જોફ્રા આર્ચરે રોહિત શર્માને ઝડપ થી પેવેલિયન પરત મોકલ્યો હતો. તેના પછી શુભમન ગીલ પણ પોતાની પારીને મોટી કરવામાં નિષ્ફળ રહી 29 રન કરીને આઉટ થયો હતો. બ્રેક બાદ પરત ફરેલા વિરાટ કોહલી પણ માત્ર 11 રન કરીને આઉટ થઇ ગયો હતો. ડોમ બેઝે પહેલા કોહલી અને બાદમાં અજીંક્ય રહાણેને આઉટ કરી દેતા ભારત માટે મુશ્કેલીઓ શરુ થઇ ગઇ હતી. ડોમિનિક બેઝ ભારતની ચાર વિકેટ ઇંગ્લેંડ માટે ઝડપી ચુક્યો છે.
Published On - 9:52 pm, Sun, 7 February 21