ICC Awards: અશ્વિન સહિત આ ખેલાડીઓની પસંદગી ICC Mens Test Player of the Year માટે, વોટિંગ શરૂ
ICCએ વર્ષ 2021 માટે મેન્સ ટેસ્ટ ક્રિકેટર ઓફ ધ યર એવોર્ડ માટે ચાર ખેલાડીઓને નોમિનેટ કર્યા છે અને તેના માટે વોટિંગ પ્રક્રિયા પણ શરૂ થઈ ગઈ છે.
ICC Awards: ICC મેન્સ ટેસ્ટ પ્લેયર ઓફ ધ એવોર્ડ 2021 (ICC Mens Test Player of the Year) માટે પસંદ કરાયેલા ચાર ખેલાડીઓ માટે વોટિંગ શરૂ થઈ ગયું છે. ICCએ પોતાના ઓફિશિયલ ટ્વીટર હેન્ડલ પર ટ્વીટ કરીને આ જાણકારી આપી છે.
આ ટ્વીટમાં ICCએ વોટ કરવાની લિંક પણ શેર કરી છે. તમને જણાવી દઈએ કે, ભારતના ઓફ સ્પિનર રવિચંદ્રન અશ્વિન (Ravichandran Ashwin)ને ઈન્ટરનેશનલ ક્રિકેટ કાઉન્સિલ (ICC)ના વર્ષના સર્વશ્રેષ્ઠ ટેસ્ટ ક્રિકેટર (best Test cricketer) તરીકેના ચાર ખેલાડીઓની યાદીમાં સ્થાન મળ્યું છે.
35 વર્ષીય અશ્વિને (Ravichandran Ashwin) છેલ્લા એક વર્ષમાં આઠ ટેસ્ટમાં 16.23ની એવરેજથી 337 રન બનાવ્યા છે અને સદીની મદદથી 28.08ની સરેરાશથી 52 વિકેટ પણ લીધી છે. અશ્વિન ઉપરાંત ઈંગ્લેન્ડના કેપ્ટન જો રૂટ, ન્યુઝીલેન્ડના ફાસ્ટ બોલર કાઈલ જેમિસન અને શ્રીલંકાના ઓપનર દિમુથ કરુણારત્નેને પણ એવોર્ડ માટે નોમિનેટ કરવામાં આવ્યા હતા. એવોર્ડ વિજેતાઓની જાહેરાત 24 જાન્યુઆરીએ કરવામાં આવશે.
🏴 Joe Root
🇳🇿 Kyle Jamieson
🇱🇰 Dimuth Karunaratne
🇮🇳 Ravichandran AshwinWho gets your vote for ICC Men’s Test Cricketer of the Year 2021? 👀
VOTE NOW 🗳 https://t.co/vw5AMy9TTt pic.twitter.com/bz6NqmpWzb
— ICC (@ICC) January 8, 2022
વિશ્વના ટોચના સ્પિનરોમાં પોતાની છાપ બનાવી
અગાઉ એક નિવેદનમાં ICCએ કહ્યું હતું કે સૌથી લાંબા ફોર્મેટમાં ભારતના સૌથી મહાન મેચ વિજેતાઓમાંના એક આર અશ્વિને ફરી એકવાર 2021માં વિશ્વના ટોચના સ્પિનરોમાંથી એક તરીકે પોતાની છાપ બનાવી છે. બોલ સાથે તેના જાદુ ઉપરાંત, અશ્વિને બેટ સાથે પણ ઉપયોગી યોગદાન આપ્યું હતું.
બીજી તરફ ઈંગ્લેન્ડના કેપ્ટન જો રૂટની વાત કરીએ તો તે વર્ષ 2021માં ટેસ્ટ ક્રિકેટમાં સૌથી વધુ રન બનાવનાર બેટ્સમેન છે. તેણે આ વર્ષે અત્યાર સુધીમાં 15 ટેસ્ટ મેચમાં 6 સદીની મદદથી 1,708 રન બનાવ્યા છે. તે જ સમયે, ન્યુઝીલેન્ડના ખેલાડી કાઈલ જેમિસન વિશે વાત કરીએ તો વર્ષ 2021માં તેનું પ્રદર્શન શાનદાર રહ્યું. તેણે પાંચ મેચમાં 27 વિકેટ લીધી છે. જ્યારે 105 રનનું યોગદાન આપ્યું હતું. આ સિવાય વર્ષ 2021 શ્રીલંકાના ખેલાડી દિમુથ કરુણારત્ને માટે પણ ઘણું સારું રહ્યું.
ટીમ ઓફ ધ યર માટે કુલ પાંચ પુરસ્કારો
ICC પુરસ્કારોમાં કુલ 13 વ્યક્તિગત પુરસ્કારો અને પુરૂષ અને મહિલા ક્રિકેટના તમામ ફોર્મેટમાં ટીમ ઓફ ધ યર માટે કુલ પાંચ પુરસ્કારોનો સમાવેશ થાય છે. ક્રિકેટની સર્વોચ્ચ સંસ્થાએ કહ્યું કે દરેક શ્રેણીના વિજેતાઓની જાહેરાત જાન્યુઆરીમાં કરવામાં આવશે. ICCની વર્ષની સૌથી શ્રેષ્ઠ ટીમોની જાહેરાત 17 અને 18 જાન્યુઆરીએ કરવામાં આવશે.
આ પણ વાંચો : અમેરિકાએ ફરી એકવાર રશિયાને આપી ચેતવણી, યુક્રેન પર હુમલો થશે તો તેના પર પ્રતિબંધો લગાવવામાં આવશે