IPL 2023 ની ક્વોલિફાયર-2 મેચ અમદાવાદના નરેન્દ્ર મોદી સ્ટેડિયમમાં રમાઈ રહી છે. ગુજરાત ટાઈટન્સ ટીમ રવિવારે ચેન્નાઈ સુપર કિંગ્સ સામે ફાઈનલમાં રમવા માટે ઉતરશે. શુક્રવારે વરસાદને લઈ મોડી શરુ થયેલી મેચમાં ટોસ જીતીને મુંબઈ ઈન્ડિયન્સે રન ચેઝ કરવાની યોજના અમલમાં મુકી હતી. આમ ટોસ હારીને ગુજરાત ટાઈટન્સની ટીમ બેટિંગ કરવા ઉતરતા 233 રનનો સ્કોર ખડક્યો હતો. યુવા ઓપનર શુભમન ગિલે શાનદાર સદી નોંધાવી હતી. જેને લઈ ગુજરાત આ વિશાળ સ્કોર નોંધાવી શક્યુ હતુ. આમ વર્તમાન ચેમ્પિયન ટીમ સળંગ બીજી સિઝનમાં ફાઈનલમાં પહોંચી છે. આમ ધોની અને હાર્દિક વચ્ચે રવિવારે ટક્કર થશે.
રવિવારે શાનદાર ટક્કર અમદાવાદમાં રમાશે. ચેમ્પિયન બનવા માટે થઈને ચેન્નાઈ અને ગુજરાત ટીમ એક બીજા સામે ટકરાશે. બંને ટીમો અગાઉ ચેમ્પિયન રહી ચુકી છે, હજુ વધુ એકવાર ટાઈટલ મેળવવા માટે બંને કેપ્ટન એક બીજાને ટક્કર આપશે. ધોની અત્યાર સુધીમાં 9 વાર ફાઈનલમાં પહોંચાડીને 4 વાર જીત અપાવી છે. હવે રવિવારે મહેન્દ્રસિંહ ધોની ફરી એકવાર ચેમ્પિયન બનીને ટીમને પાંચમી વાર જીત અપાવીને મુંબઈની બરાબરી કરવાનો ઈરાદો રાખશે.
… ! #GTvMI | #PhariAavaDe | #TATAIPL 2023 Playoffs | #Qualifier2 pic.twitter.com/iRuUfWaEAg
— Gujarat Titans (@gujarat_titans) May 26, 2023
શરુઆતમાં જ મુંબઈએ ઝડપથી વિકેટ ગુમાવી હતી. પ્રથમ ઓવરમાં જ નેહલ વઢેરાના રુપમાં મુંબઈએ માત્ર પાંચ રનના સ્કોર પર જ વિકેટ ગુમાવી દીધી હતી. જ્યારે સુકાની રોહિત શર્માની વિકેટ ત્રીજી ઓવરમાં ગુમાવી હતી. આ પહેલા કેમરન ગ્રીન ઈજાને લઈ બહાર થયો હતો. આમ મુંબઈ માટે મુશ્કેલી સર્જાઈ ગઈ હતી. રોહિત શર્મા 7 બોલનો સામનો કરીને 8 રન નોંધાવી શમીનો શિકાર થયો હતો. જ્યારે નેહલ વઢેરા પ્રથમ ઓવરના પાંચમાં બોલે 4 રન નોંધાવીને શમીને શિકાર થયો હતો. ગ્રીનને કોણી પર બોલ વાગતા ઈજા પહોંચી હતી, જેને લઈ તે બહાર જવા મજબૂર થયો હતો અને તે બાદમાં રમત માટે પરત ફર્યો હતો. ગ્રીન રમતમાં પરત આવ્યો હતો. તેણે 20 બોલનો સામનો કરીને 30 રન નોંધાવ્યા હતા. આ દરમિયાન 2 છગ્ગા અને 2 ચોગ્ગા ફટકાર્યા હતા.
તિલક વર્માએ શાનદાર બેટિંગ કરી હતી. તોફાની રમત રમવા દરમિયાન જ રાશિદ ખાનના બોલ પર ક્લીન બોલ્ડ થયો હતો. સ્વીપ કરવાના પ્રયાસમાં તે પાવર પ્લેની અંતિમ ઓવરમાં વિકેટ ગુમાવી બેઠો હતો. વર્માએ 14 બોલમાં 43 રન નોંધાવ્યા હતા. આ દરમિયાન 3 છગ્ગા અને 5 ચોગ્ગા ફટકાર્યા હતા. વર્માએ મુંબઈને લક્ષ્ય તરફ આગળ વધવા માટે શરુઆતમાં મજબૂત પાયો રચવાનુ કામ કર્યુ હતુ. પરંતુ સૂર્યાની વિકેટ બાદ મુંબઈની ટીમના બેટરોએ ધબડકો વાળતા ટીમ 171 રનમાં જ સમેટાઈ ગઈ હતી.
Published On - 11:59 pm, Fri, 26 May 23