Tokyo Olympics: જીત બાદ PV સિંધુને થાર ગિફ્ટ કરવાની કરી માગ, ટ્વિટર યુઝરને આનંદ મહિન્દ્રાએ આપ્યો જોરદાર જવાબ
પીવી સિંધુના પદક જીત્યા બાદ દરેક જગ્યાએથી શુભકામનાઓ મળી રહી છે. આ વચ્ચે મહિન્દ્રા ગ્રુપના ચેયરમેન આનંદ મહિન્દ્રા (Anand Mahindra) એ તેમને શુભેચ્છા આપી. તેમણે ટ્વીટ કરતા લખ્યુ જો માનસિક શક્તિનું કોઇ ઓલિમ્પિક હોય તો તેમાં સિંધુ ટૉપ પર આવતા.
ભારતના દિગ્ગજ બેડમિન્ટન ખેલાડી પીવી સિંધુ (PV Sindhu) એ ટોક્યો ઓલિમ્પિકમાં બ્રોન્ઝ મેડલ જીતીને ઇતિહાસ રચી દીધો છે. પીવી સિંધુ ઓલિમ્પિકમાં સતત બે મેડલ જીતનારા પહેલા મહિલા ખેલાડી છે. પીવી સિંધુએ આ પહેલા રિયો ઓલિમ્પિકમાં સિલ્વર મેડલ જીત્યો હતો. પીવી સિંધુ ઓલિમ્પિકના વ્યક્તિગત ઇવેન્ટમાં બે પદક જીતનારા પહેલા ભારતીય મહિલા ખેલાડી બન્યા છે.
પીવી સિંધુના પદક જીત્યા બાદ દરેક જગ્યાએથી શુભકામનાઓ મળી રહી છે. આ વચ્ચે મહિન્દ્રા ગ્રુપના ચેયરમેન આનંદ મહિન્દ્રા (Anand Mahindra) એ તેમને શુભેચ્છા આપી. તેમણે ટ્વીટ કરતા લખ્યુ જો માનસિક શક્તિનું કોઇ ઓલિમ્પિક હોય તો તેમાં સિંધુ ટૉપ પર આવતા. વિચારો, મનોબળ તોડી નાખે તેવી હાર બાદ કેટલી પ્રતિબધ્ધાથી ગેમ રમી અને જીત મેળવી
આનંદ મહિન્દ્રાએ આપ્યો જોરદાર જવાબ
આનંદ મહિન્દ્રા (Anand Mahindra) ના આ ટ્વીટ બાદ સોશિયલ મીડિયા પર યુઝર્સ સિંધુ (PV Sindhu) માટે થારની માગ કરી રહ્યા છે. તેના પર આનંદ મહિન્દ્રાએ એક જોરદાર અંદાજમાં લખ્યુ તેમના (સિંધુ) ગેરાજમાં પહેલાથી એક થાર છે.
She already has one in her garage… https://t.co/Be6g9gIcYh pic.twitter.com/XUtIPBRrmi
— anand mahindra (@anandmahindra) August 1, 2021
પીવી સિંધુએ ટોક્યો ઓલિમ્પિકમાં ઇતિહાસ રચી દીધો છે તેમણે બ્રોન્ઝ મેડલ જીતી લીધો છે. સિંધુએ ચીનના બિંગજિયાઓને સીધી ગેમ 21-13, 21-15 થી હરાવી કાંસ્ય પદક પર કબ્જો કર્યો છે. પીવી સિંધુ ઓલિમ્પિકના વ્યક્તિગત ઇવેન્ટમાં બે પદક જીતનારા ભારતીય મહિલા ખેલાડી બન્યા છે. પુરુષોમાં પહેલવાન સુશીલ કુમારે (કાંસ્ય-બીજિંગ 2008, રજત-લંડન 2012) આ સફળતા મેળવી હતી.
આ પણ વાંચો : Tokyo Olympics : સેમિફાઇનલમાં ભારતીય પુરુષ હૉકી ટીમ બેલ્જિયમ સામે હારી, હવે કાંસ્ય પદકની આશા
આ પણ વાંચો: શાહરૂખ ખાને ફિલ્મી કોચ કબીર ખાન બનીને કરી ટ્વીટ, ઇન્ડિયન હોકી ટીમના Real કોચે આપ્યો જબરદસ્ત જવાબ