એરપોર્ટ પર MS ધોનીને કોણે કહ્યું ‘I Love You’, માહીએ આપી અદ્ભુત પ્રતિક્રિયા, જુઓ Video

ભારતીય ક્રિકેટ ટીમનો પૂર્વ કેપ્ટન મહેન્દ્ર સિંહ ધોની (MS Dhoni) જ્યાં પણ જાય છે ત્યાં તેના ફેન્સ હાજર હોય છે. તેના ચાહકો દુનિયાના ખૂણે ખૂણેમાં જોવા મળે છે. આ ચાહકો (Fans) તેની એક ઝલક મેળવવા આતુર હોય છે. ધોનીને જોયા બાદ તે ચાહકોની ખુશીની કોઈ સીમા હોતી નથી.

એરપોર્ટ પર MS ધોનીને મળ્યો તેનો ખાસ ફેન

ધોનીને લઈને જે પ્રકારનો ક્રેઝ છે તે ફરી એકવાર જોવા મળ્યો છે. ધોની તાજેતરમાં એરપોર્ટ પર સિક્યોરીટી ચેકિંગમાંથી પસાર થઈ રહ્યો હતો. ત્યારે તેના એક ચાહકે તેને જોયો હતો. ધોનીના આ ચાહકે બાદમાં તેણે જોઈ જે કહ્યું તે સાંભળી આસપાસ હાજર તમામ ચોંકી ગયા હતા. ત્યારબાદ ધોનીએ જે રીએક્શન આપ્યું તે ખૂબ જ વાયરલ થયું છે.

માહીને જોઈને તેનો ફેન ખુશ થઈ ગયો

IPLમાં ચેન્નાઈ સુપર કિંગ્સના કેપ્ટન મહેન્દ્ર સિંહ ધોની આ દિવસોમાં ક્રિકેટથી દૂર છે. તે કાં તો કોઈ પ્રમોશનલ ઈવેન્ટ, શૂટિંગ અથવા પોતાના અંગત કામ માટે જ બહાર નીકળે છે. હાલ જ્યારે ધોની એરપોર્ટ પર તેની ફ્લાઈટ પકડવા જઈ રહ્યો હતો, ત્યારે તે તેના એક ખાસ ફેનને મળ્યો અને માહીને જોઈને તે ફેનની ખુશીનો કોઈ પાર રહ્યો નહીં.

‘I Love You માહી ભાઈ’

વ્હાઈટ ટીશર્ટ અને બ્લેક જીન્સમાં સિક્યોરિટી ચેક કરવા માટે જ્યારે ધોની એરપોર્ટ પહોંચ્યો ત્યારે સિક્યુરિટી ગાર્ડની પાછળ ઊભેલો ધોનીનો ફેન પોતાના હીરોને જોઈને ઘણો ખુશ થઈ ગયો. તેણે મોબાઈલથી વીડિયો બનાવવાનું શરૂ કર્યું. આ પછી આ ચાહકે જોરથી બૂમો પાડી ‘માહી ભાઈ I Love You’. ધોનીએ પહેલીવાર તેનો અવાજ સાંભળ્યો ન હતો. આ પછી જ્યારે ધોની નજીક આવ્યો ત્યારે ફરી તેણે ‘માહી ભાઈ I Love You’ની બૂમો પાડી. આ પછી ધોનીના ચાહકે કહ્યું, ‘સર, મારા હાથ સંપૂર્ણપણે ધ્રૂજી રહ્યા છે.’ આ સાંભળીને માહીના ચહેરા પર એક સુંદર સ્મિત આવી ગયું હતું.

આ પણ વાંચો : ક્રિકેટનો “મિલ્ખા સિંહ” : 13 હજારથી વધુ રન બનાવવા વિરાટ કોહલી કેટલા કિલોમીટર દોડ્યો ? જાણો ખાસ રેકોર્ડ

લાંબા વાળમાં ધોની

ધોનીએ પોતાના વાળ હાલ લાંબા કર્યા છે. જે વીડિયો વાયરલ થયો છે એમાં પણ ધોનીના વાળ લાંબા છે અને તેણે પોની ટેલ રાખી છે. એવામાં ધોની ફરી એકવાર લાંબા વાળમાં મેદાનમાં પણ રમતો જોવા મળશે એવી ફેન્સને આશા છે.