T20 World Cup: 24 વર્ષ બાદ 24 તારીખે ભારતને વિશ્વકપ જીતાડ્યો હતો, તેના કેટલાક ‘હિરો’ ચમક દમકની દુનિયાથી દૂર થઇ ચાલ્યા ગયા છે
ભારતની તે ફાઇનલ મેચને જીતાડવામાં ઘણા હિરો રહ્યા હતા. તે હિરોએ પછી ઘણી પ્રશંસા લૂંટી હતી. તેમાંથી કેટલાક હજુ પણ ક્રિકેટ ચાહકોના દિલ પર રાજ કરે છે, પરંતુ કેટલાક માત્ર યાદો બનીને રહી ગયા છે.
રોબિન ઉથપ્પા -ગજબનુ ટેલેન્ટ. ક્રિકેટના બોલનો હાર્ડ હિટર બેટ્સમેન. પરંતુ આજે આંતરરાષ્ટ્રીય ક્રિકેટમાં ક્યાંય નામ નથી. ટીમ ઈન્ડિયા સાથે દૂર દૂર સુધી કોઈ સંબંધ નથી રહ્યો. હા, હવે જો લોકો ઉથપ્પાને થોડું ઘણું ઓળખે છે, તો આઈપીએલમાં તેની સ્ટાઈલને કારણે. ઉથપ્પા હાલમાં IPL માં ચેન્નઈ સુપર કિંગ્સનો ભાગ છે. 2007 T20 વર્લ્ડ કપમાં રોબિન ઉથપ્પા ભારતનો 5 મો સૌથી સફળ બેટ્સમેન હતો. તેણે 7 મેચમાં 113 રન બનાવ્યા હતા. ભલે ઉથપ્પા પાકિસ્તાન સામેની ફાઇનલમાં માત્ર 8 રનમાં આઉટ થયો હતો. પરંતુ જ્યારે ગ્રુપ સ્ટેજ પર ભારતે પાકિસ્તાનનો સામનો કર્યો અને મેચનું પરિણામ બોલ આઉટ કરીને બહાર આવ્યું. ત્યારે તેમાં ઉથપ્પાની ભૂમિકા મહત્વની હતી. તે સહેવાગ, હરભજન સાથે પિચ પર બોલને ફટકારનારા ખેલાડીઓમાં હતો.
આરપી સિંહ- 2007 ના T20 વર્લ્ડકપનો આ પણ મોટા હીરો હતો. આઈસીસીની આ મોટી ટુર્નામેન્ટ પછી પણ આરપી એ ભારતીય ક્રિકેટને થોડા વર્ષો આપ્યા. આ ડાબા હાથના ઝડપી બોલરે ક્રિકેટના ત્રણેય ફોર્મેટમાં ટીમ ઇન્ડીયાનું પ્રતિનિધિત્વ કર્યું હતું. પરંતુ પછી ધીરે ધીરે આરપી સિંહ ક્રિકેટ ચાહકોની યાદોનો એક ભાગ બની ગયો. આરપી સિંહ ટી-20 વર્લ્ડ કપ 2007 માં ભારતનો સૌથી સફળ બોલર હતો. તેણે 7 મેચમાં 12 વિકેટ લીધી હતી.
યુસુફ પઠાણ- 2007 T20 વર્લ્ડ કપમાં પઠાણ ભાઈઓની જોડી ભારત તરફથી ટીમ ઈન્ડીયાનો ભાગ બની હતી. આમાંથી બડે મિયાંનું નામ યુસુફ પઠાણ અને તેનો નાનો ભાઈ ઈરફાન પઠાણ હતો.છોટે મિયાં હજુ પણ લોકોના દિમાગમાં રહે છે, કારણ કે તે મેચ દરમ્યાન કોમેન્ટ્રી કરતો જોવા મળે છે. પરંતુ યુસુફ પઠાણ લાઈમ લાઈટથી દૂર રહ્યો છે. યુસુફ 2007 T20 વર્લ્ડ કપ વિજેતા ટીમનો પણ ભાગ હતો, પરંતુ તેને ટીમ ઇન્ડીયા માટે માત્ર એક મેચ રમવાની તક મળી હતી. તેણે ઓસ્ટ્રેલિયા સામે સેમીફાઇનલમાં એક એકમાત્ર મેચ રમી હતી. વીરેન્દ્ર સહેવાગ અનફિટ હોવાને કારણે તેને આ તક પણ મળી.
