Gujarati News Sports Cricket news Suryakumar Yadav: He became a cricketer while playing cricket in the streets of Mumbai, now the attraction of IPL and Team India is batsman
IPL 2021: મુંબઇની ગલીઓમાં ક્રિકેટ રમતા રમતા આ ખેલાડી બન્યો ક્રિકેટર, હવે IPL અને ટીમ ઇન્ડીયાનુ આકર્ષણ છે ધુંઆધાર બેટ્સમેન
ભારતીય ક્રિકેટમાં વર્તમાન સમયમાં જેટલી ચર્ચાઓ આ ખેલાડીએ મેળવી છે, એટલી ચર્ચા ભાગ્યેજ બીજા કોઇને મળી હશે. તેનુ કારણ પણ તેનુ સતત પ્રદર્શન છે.
1 / 7
સૂર્યકુમાર યાદવની કહાની ભારતીય ક્રિકેટમાં અથાક મહેનતની કથા છે, ધ્યેય પ્રાપ્ત કરવાના માર્ગમાં ક્યારેય હાર ન માનવાની અને બલિદાન આપવાની ભાવના., મુંબઈનો આ ક્રિકેટરે શેરીઓમાંથી ક્રિકેટ રમવાનું શીખ્યો. ત્યારબાદ પોતાને એકેડમીમાં તૈયાર કરી. ડોમેસ્ટિક ક્રિકેટમાં પોતાની જાતને અજમાવી અને સતત સારું પ્રદર્શન કર્યું. પરંતુ જ્યારે ટીમ ઇન્ડિયા તરફથી કોલ ન આવ્યો ત્યારે નિરાશા પણ હતી. પરિવારના સભ્યોના કહેવાથી અંધશ્રદ્ધાનો આશરો પણ લીધો. કારનો રંગ પણ બદલ્યો. પણ મહેનત કરવાનું બંધ કર્યું નહીં. તેનાથી તેને ફાયદો થયો અને 30 વર્ષની ઉંમરે તેને ભારત તરફથી રમવાની તક મળી. અહીં પણ તેણે પહેલી જ મેચથી પોતાની જાતને લોખંડી બનાવી દીધી. હવે આ ખેલાડી T20 વર્લ્ડકપમાં રમવા જઈ રહ્યો છે. માત્ર ચાર T20 અને ત્રણ વનડેમાં તેણે બતાવ્યું કે, તે ભારત માટે કમાલ કરી શકે છે. પરંતુ આજે તેના વિશે કેમ વાત કરીએ છીએ? કારણ કે આજે સૂર્યકુમાર યાદવનો જન્મદિવસ છે.
2 / 7
સૂર્યકુમાર યાદવનો જન્મ 14 સપ્ટેમ્બર 1990 ના રોજ થયો હતો. તેના પિતા અશોક કુમાર યાદવ મૂળ ઉત્તર પ્રદેશના છે. તેઓ ઇલેક્ટ્રીકલ એન્જિનિયર તરીકે મુંબઈ આવ્યા હતા. મુંબઈમાં રહેતા સૂર્યા 10 વર્ષની ઉંમરે શેરીઓમાં ક્રિકેટ રમતો હતો. જ્યારે પિતાએ જોયું કે પુત્રનો આ રમત તરફ ઝુકાવ છે, ત્યારે તેમણે 12 વર્ષની ઉંમરે સૂર્યાને એલ્ફ વેંગસરકર એકેડમીમાં દાખલ કરાવ્યો. અહીં દિલીપ વેંગસરકરે તેને ક્રિકેટની આવડત શીખવી. તેણે અહીંથી આગળ વધ્યો અને માર્ચ 2010 માં T20 મેચ દ્વારા મુંબઈ માટે સ્થાનિક ક્રિકેટમાં ડેબ્યૂ કર્યું. પછી નવ મહિનાની અંદર તેણે ફર્સ્ટ ક્લાસ અને લિસ્ટ A માં પ્રવેશ કર્યો. અત્યાર સુધી 77 ફર્સ્ટ ક્લાસ મેચમાં 5326 રન, 101 લિસ્ટ એ મેચમાં 2903 અને 181 ટી 20 મેચમાં 3879 રન બનાવ્યા છે.
3 / 7
ડોમેસ્ટિક ક્રિકેટમાં ધમાલ મચાવ્યા બાદ 2012 માં સૂર્યકુમાર યાદવ IPL ટીમ મુંબઈ ઇન્ડીયન્સ સાથે જોડાયો હતો. અહીં બે વર્ષ રહ્યા બાદ કલકત્તા નાઈટ રાઈડર્સે 2014 માં તેને પોતાની સાથે લીધો હતો. ત્યારે ગૌતમ ગંભીર ટીમના કેપ્ટન હતા. સૂર્યાને ફિનિશરની ભૂમિકા મળી. અહીં તેણે કેટલીક આશ્ચર્યજનક ઇનિંગ્સ રમી. આનાથી સૂર્યા KKR નો વાઈસ કેપ્ટન બન્યો. 2018 માં, સૂર્યા મુંબઈ પાછો ફર્યો. તેને 3.20 કરોડ રૂપિયા મળ્યા. અહીં આવ્યા બાદ તેણે માત્ર રનનો વરસાદ કર્યો. IPL 2018 માં 14 મેચમાં 512 રન, 2019 માં 424 અને IPL 2020 માં 480 રન. એટલે કે ત્રણ વર્ષમાં 1416 રન.
4 / 7
IPL 2020 માં અદ્ભુત રમત દર્શાવ્યા બાદ, સૂર્યકુમાર યાદવની પસંદગી ઓસ્ટ્રેલિયા પ્રવાસ માટે નિશ્ચિત માનવામાં આવી રહી હતી. પરંતુ તક મળી નહોતી. IPL 2020 ની મધ્યમાં ઓસ્ટ્રેલિયા પ્રવાસ માટે ટીમની જાહેરાત કરવામાં આવી હતી. આવી સ્થિતિમાં, જ્યારે સૂર્યાની પસંદગી કરવામાં આવી ન હતી, ત્યારે તે ગુસ્સા અને નિરાશાથી ભરાઈ ગયો હતો. ભારતીય ટીમના કેપ્ટન અને આઈપીએલમાં RCB ના કેપ્ટન વિરાટ કોહલી સાથે તેમનું આંખ થી આંખનો મુકાબલો ટીમ ઈન્ડીયામાં પસંદગી ન થયા બાદ સમાચારોમાં હતો.
5 / 7
પરંતુ પછી વર્ષ 2021 માં, સૂર્યકુમાર યાદવની ઈંગ્લેન્ડ સામેની ઘરઆંગણે T20 શ્રેણી માટે ભારતીય ટીમમાં પસંદગી થઈ. અહીં તેણે તેની આંતરરાષ્ટ્રીય કારકિર્દીના પહેલા જ બોલ પર સિક્સર ફટકારી હતી. તેણે જોફ્રા આર્ચરને શોર્ટ પીચ બોલ પર આ સિક્સર ફટકારી હતી. ત્યારબાદ પહેલી જ મેચમાં અડધી સદી ફટકારી હતી. આ રીતે સૂર્યએ આંતરરાષ્ટ્રીય ક્રિકેટમાં તોફાની એન્ટ્રી કરી હતી. ઈંગ્લેન્ડ સામેની વનડે શ્રેણીમાં શ્રેયસ ઐયરને ઈજા પહોંચ્યા બાદ સુર્યા પણ વનડે ટીમમાં આવ્યો હતા પરંતુ અહીં રમી શક્યો ન હતો.
6 / 7
સૂર્યકુમાર યાદવે જુલાઈ 2021 માં શ્રીલંકા પ્રવાસથી વનડે ડેબ્યૂ કર્યું હતું. આ પ્રવાસ પર, સૂર્યાએ ત્રણ મેચમાં 124 રન બનાવ્યા અને તેને પ્લેયર ઓફ ધ સિરીઝ તરીકે પસંદ કરવામાં આવ્યો. તેણે વનડેમાં પણ અડધી સદી ફટકારી હતી. આ રીતે, પ્રથમ વનડે શ્રેણીમાં, તેણે જબરદસ્ત પ્રભાવીત રમત રમી હતી.. તેણે ટી20 મેચ પણ રમી અને તેમાં પણ અડધી સદી ફટકારી. સુર્યાએ હાલમાં ચાર T20I માં બે અર્ધશતકથી 139 રન બનાવ્યા છે.
7 / 7
સૂર્યકુમાર યાદવ અને દેવીશા શેટ્ટી બંને મુંબઈની આરએ પોદાર કોલેજ ઓફ કોમર્સ એન્ડ ઇકોનોમિક્સમાં ભણ્યા છે. અહીં જ બંને પહેલી વખત મળ્યા અને પછી પ્રેમમાં પડ્યા. સૂર્યકુમાર અને દેવીશાએ થોડા વર્ષો સુધી એકબીજાને ડેટ કર્યું અને પછી બંનેએ જુલાઈ 2016 માં લગ્ન કર્યા. દેવીશા વ્યવસાયે ડાન્સ કોચ છે. તે દક્ષિણ ભારતીય પરિવારની છે.