SRH vs GT Cricket Highlights Score, IPL 2022 : હૈદરાબાદે 8 વિકેટે ગુજરાતને હરાવ્યું, કેન વિલિયમ્સનની કેપ્ટન ઇનિંગ, ગુજરાત સિઝનમાં પહેલી મેચ હાર્યું

સનરાઇઝર્સ હૈદરાબાદ ટીમે શાનદાર પ્રદર્શન કરતા ગુજરાત ટાઇટન્સ ટીમને 8 વિકેટે હરાવ્યું. હૈદરાબાદે ચાર મેચમાં બીજી મેચમાં જીત મેળવી. જ્યારે ગુજરાતે લીગમાં પહેલી મેચમાં હાર મળી હતી.

18મી ઓવરના પહેલા બોલ પર લોકી ફર્ગ્યુસને પોતાના જ બોલ પર તેનો કેચ છોડ્યો હતો. ફર્ગ્યુસને બાઉન્સર ફેંક્યો અને નિકોલસે પુલ કર્યો. બોલ બેટમાં ટોચની ધાર પર લાગીને હવામાં ગયો. ફર્ગ્યુસને પાછળ દોડતી વખતે કેચ પકડવાનો પ્રયાસ કર્યો હતો પરંતુ તે પકડી શક્યો ન હતો. આ પછી, તેણે આગલા બોલ પર ચોગ્ગો ફટકાર્યો, અને પછી ત્રીજા બોલ પર, પૂરને ડીપ સ્ક્વેર લેગ પર સિક્સર ફટકારી.

કેન વિલિયમસન આઉટ થઇ ગયો છે. હાર્દિક પંડ્યાએ 17મી ઓવરનો પહેલો બોલ ફોરવર્ડ ફેક્યો. વિલિયમસને તેને લોંગ ઓન તરફ સિક્સર માટે મોકલવાનો પ્રયાસ કર્યો પરંતુ તેમ કરી શક્યો નહીં અને બોલ સીધો રાહુલ તેવટિયાના હાથમાં ગયો.

હાર્દિક પંડ્યાની ઓવરમાં હૈદરાબાદના સુકાની કેન વિલિયમ્સને ઇનિંગની 13મી ઓવરમાં બીજા અને ત્રીજા બોલ પર છગ્ગો ફટકારીને પોતાની ટીમને જીતની નજીક લઇ જવાનો પ્રયાસ કર્યો હતો.

રાહુલ ત્રિપાઠીએ 10મી ઓવરના ચોથા બોલ પર ચોગ્ગો ફટકાર્યો હતો. દર્શન નલકાંડે ઓફ-સ્ટમ્પની બહાર બોલ ફેંકે છે જેને રાહુલ ચાર રન માટે ડ્રાઇવ દ્વારા મોકલે છે.

હૈદરાબાદે ધીમી શરૂઆત કરી છે. પ્રથમ ઓવરમાં માત્ર 4 રન જ આવ્યા હતા. કેન વિલિયમસન આ ઓવરમાં આઉટ થતા બચી ગયો હતો. ચોથો બોલ મોહમ્મદ શમીએ તેના પેડ પર માર્યો હતો અને અપીલ કરી હતી. પરંતુ અમ્પાયરે આઉટ આપ્યો ન હતો. ગુજરાતે રિવ્યુ લીધો ન હતો કારણ કે તેમને લાગતું હતું કે બોલ બેટ સાથે અથડાયો છે પરંતુ એવું નથી. જો આ રિવ્યુ લેવામાં આવ્યો હોત તો વિલિયમસન આઉટ થઈ ગયો હોત.

ગુજરાત ટાઇટન્સ ટીમે 20 ઓવરમાં 7 વિકેટે 162 રનનો સ્કોર કર્યો. ગુજરાતના સુકાની હાર્દિક પંડ્યાએ 42 બોલમાં અણનમ 50* રનની ઇનિંગ રમી. હૈદરાબાદ તરફથી ભુવનેશ્વર અને નટરાજને 2-2 વિકેટ ઝડપી.

ભુવનેશ્વર કુમારે અભિનવ મનોહરને આઉટ કરીને હૈદરાબાદને મોટી સફળતા અપાવી. ઇનિંગની 19મી ઓવરના છેલ્લા બોલ પર અભિનવ આઉટ થયો. તેણે 21 બોલમાં 5 ચોગ્ગા અને 1 છગ્ગાની મદદથી 35 રન બનાવ્યા હતા.

મનોહરે 17મી ઓવરના બીજા બોલ પર ચોગ્ગો ફટકાર્યો હતો. મનોહર ભુવીના બાઉન્સર બેટની ઉપરની કિનારી પર લાગી ગયો હતો અને વિકેટકીપરના ઉપરથી ફટકાર્યા બાદ ચાર રન સુધી ગયો હતો.

ડેવિડ મિલર આઉટ થઇ ગયો છે. 14મી ઓવરનો ત્રીજો બોલ માર્કો યાનસન દ્વારા થોડો શોર્ટ ફેંકવામાં આવ્યો હતો. જેને મિલરે શોર્ટ મિડવિકેટ પર ફટકાર્યો અને ત્યા અભિષેક શર્માના હાથે કેચ થયો હતો.

12મી ઓવર લાવનાર નટરાજને શાનદાર બોલિંગ કરી છે. તેણે આ ઓવરમાં કુલ 5 રન આપ્યા છે અને આ ઓવરમાં એક પણ બાઉન્ડ્રી આવી ન હતી. 12 ઓવર પછી ગુજરાતનો સ્કોર 3 વિકેટે 89 રન છે.

હાર્દિક પંડ્યા આક્રમક મુડમાં જોવા મળ્યો હતો. ઇનિંગની નવમી ઓવર કરવા આવેલ માર્કરમેની ચોથા બોલમાં હાર્દિક પંડ્યાએ છગ્ગો ફટકાર્યો હતો.

ઉરમાન મલીકે મેથ્યુ વેડને આઉટ કરીને હૈદરાબાદને મોટી સફળતા અપાવી. મલીકે આઠમી ઓવરના છેલ્લા બોલ પર 149.3 ની સ્પીડથી બોલ નાખીને મેથ્યુ વેડને આઉટ કર્યો. વેડે 19 બોલમાં 19 રન કર્યા.

ટી. નટરાજને ફેકેલી છટ્ઠી ઓવરમાં સુદર્શન આઉટ થયો હતો. સુદર્શને નટરાજનના લેન્થ બોલ પર ડ્રાઇવ કરવાનો પ્રયાસ કર્યો પરંતુ બોલ તેની પીઠના ઉપરના ભાગમાં અથડાયો અને હવામાં ગયો અને વિલિયમસને તેનો કેચ પકડ્યો. આ પહેલા પણ સુદર્શને ચોગ્ગો ફટકાર્યો હતો.

હાર્દિક પંડ્યા (સુકાની), શુભમન ગિલ, મેથ્યુ વેડ (વિકેટકીપર), સાઈ સુદર્શન, ડેવિડ મિલર, રાહુલ તેવટિયા, અભિનવ મનોહર, રાશિદ ખાન, લોકી ફર્ગ્યુસન, દર્શન નલકાંડે, મોહમ્મદ શમી.

કેન વિલિયમસન (સુકાની), અભિષેક શર્મા, રાહુલ ત્રિપાઠી, એડન માર્કરામ, નિકોલસ પૂરન (વિકેટકીપર), શશાંક સિંહ, વોશિંગ્ટન સુંદર, ભુવનેશ્વર કુમાર, માર્કો યાનસન, ઉમરાન મલિક અને ટી નટરાજન.

સનરાઇઝર્સ હૈદરાબાદ ટીમે ટોસ જીતી પહેલા બોલિંગ કરવાનો નિર્ણય લીધો.