INDvSL: શ્રીલંકા ટીમમાં બે દિગ્ગજોની વાપસી, ભારત સામે ટેસ્ટ ટીમની થઇ જાહેરાત

ભારત (Team India) ના પ્રવાસે બે ટેસ્ટ મેચ માટે શ્રીલંકા ક્રિકેટ ટીમ (Sri Lanka Cricket) ની જાહેરાત થઇ ગઇ છે. તેમની આ ટીમમાં કેટલાક ખેલાડીઓની વાપસી થઇ છે. તો ટીમમાં અન્ય નવા નામ પણ ટીમમાં જોવા મળ્યા છે. ભારતના પ્રવાસ પર શ્રીલંકાની ટીમ ટી20 સીરિઝ બાદ ટેસ્ટ સીરિઝ પણ રમશે. નિરોશન ડિકવેલા અને કુસલ મેંડિસની શ્રીલંકાની ટેસ્ટ ટીમમાં વાપસી થઇ છે. વાંડરસેનને પહેલીવાર ટીમમાં સ્થાન મળ્યું છે.

મેંડિસ અને ડિકવેલા બંને ઘર આંગણે વેસ્ટ ઇન્ડિઝ સામેની સીરિઝ ચુકી ગયા હતા. આ બંને ખેલાડીઓ પર તે સમયે ઇંગ્લેન્ડમાં બાયો-બબલ તોડવાના કારણે પ્રતિબંધ લગાવવામાં આવ્યો હતો. જોકે મેંડિસને હાલમાં જ ઓસ્ટ્રેલિયા સામેની પાંચમી ટી20 મેચ માટે હેમસ્ટ્રિંગ ઇજા થયા બાદ પોતાની ફિટનેસ સાબિત કરવી પડશે. વેસ્ટ ઇન્ડિઝ સામે ઘર આંગણે રમાયેલી સીરિઝમાં થિરિમાને પણ ટીમનો ભાગ બની શક્યો ન હતો. બેટિંગમાં મજબુતી માટે તેને ટીમમાં જોડવામાં આવ્યો છે.

ફાસ્ટ બોલિંગ આક્રમણનું નેતૃત્વ સુરંગા લકમલ કરશે. તે આ સીરિઝ બાદ આંતરરાષ્ટ્રીય ક્રિકેટમાં નહીં રમે. લકમલ નિવૃતીની જાહેરાત કરી ચુક્યો છે. ઓશાદા ફર્નાંડો, રોશેન સિલ્વા, સુમિંડા લક્ષણ, રમેશ મેંડિસ (ફિટનેસના કારણોથી), મિનોડ ભાનુકા, લક્ષણ સંદાકન, અસિથા ફર્નાંડો અને ચમિકા ગુણસેકરા જેવા ખેલાડીઓ ટીમમાં નથી.

એક અન્ય સમાચાર એવા પણ છે કે નિરોશન ડિકવેલા અને ધનંજય ડી સિલ્વાને શ્રીલંકાની ટી20 ટીમમાં જોડવામાં આવ્યા છે. કુસલ મેંડિસ અને માહીશ તીક્ષ્ણાની જગ્યાએ તેનો સમાવેશ કરવામાં આવ્યો છે. તીક્ષ્ણા પોતાના ઘરે પરત ફરી ગયો છે.

શ્રીલંકાની ટેસ્ટ ટીમ આ પ્રકારે છે

દિનુથ કરૂણારત્ને (સુકાની), પથુમ નિસંકા, લાહિરુ થિરિમાને, ધનંજય ડી સિલ્વા (ઉપ સુકાની), કુસલ મેંડિસ (ફીટનેસના આધાર પર), એંજેલો મેથ્યુસ, દિનેશ ચાંદીમલ, ચરિત અસલંકા, નિરોશન ડિકવેલા, ચમિકા કરૂણારત્ને, રમેશ મેંડિસ (ઇજાના કારણે ભાગ નહીં લે), લાહિરૂ કુમારા, સુરંગા લકમલ, દુષ્મંથા ચમીરા, વિશ્વ ફર્નાંડો, જેફરી વાંડરસે, પ્રવીણ જયવિક્રમા, લસિથ એમ્બુલડેનિયા.