આ બેટ્સમેન છે કે હંગામો… 6 બોલમાં 6 સિક્સર ફટકારી ટીમને જીત અપાવી
ભારતીય મૂળના બેટ્સમેન સાહિલ ચૌહાણે યુરોપિયન ક્રિકેટ એસ્ટોનિયા T10 ટૂર્નામેન્ટમાં પોતાના બેટથી હંગામો મચાવ્યો હતો. આ જમણા હાથના બેટ્સમેને 20 બોલમાં 11 સિક્સર ફટકારી હતી. આ ખેલાડીએ સતત 6 છગ્ગા ફટકાર્યા અને તેની ટીમને 2 બોલ પહેલા જીત અપાવી.
6 બોલમાં 6 સિક્સર મારવી એ બાળકોની રમત નથી. આ સિદ્ધિને પૂર્ણ કરવા માટે વિશેષ ક્ષમતાની જરૂર છે. યુવરાજ સિંહ, હર્શલ ગિબ્સ, કિરોન પોલાર્ડ જેવા બેટ્સમેનોએ એક ઓવરમાં 6 સિક્સર ફટકારવાની સિદ્ધિ હાંસલ કરી છે અને હવે આ સિદ્ધિ ફરી એક વખત દોહરાવવામાં આવી છે.
સાહિલ ચૌહાણે 6 બોલમાં 6 સિક્સર ફટકારી
એસ્ટોનિયાની યુરોપિયન ક્રિકેટ T10 ટૂર્નામેન્ટમાં ભારતીય મૂળના બેટ્સમેને 6 બોલમાં 6 સિક્સર ફટકારવાની સિદ્ધિ હાંસલ કરી છે. આ જમણા હાથના બેટ્સમેનનું નામ છે સાહિલ ચૌહાણ, જેણે ટોલિન યુનાઈટેડ માટે 20 બોલમાં અણનમ 78 રન બનાવ્યા, તેના બેટમાંથી 11 સિક્સર આવી અને સતત 6 બોલમાં 6 સિક્સર ફટકારી હતી.
સાહિલ ચૌહાણની ચમત્કારિક ઈનિંગ
સાહિલ ચૌહાણે આઠમી ઓવરમાં એક ઓવરમાં સતત 6 સિક્સર ફટકારવાની સિદ્ધિ હાંસલ કરી હતી. સાહિલની ટીમ ટોલિન યુનાઈટેડ મુશ્કેલીમાં હતી અને તેમના માટે જીતવું ઘણું મુશ્કેલ લાગતું હતું, પરંતુ આ ખેલાડીએ ચમત્કાર કરી બતાવ્યો. આઠમી ઓવરમાં સાહિલે અરસલાન ઔરંગઝેબની એક ઓવરમાં 6 સિક્સ ફટકારી હતી. આ ઓવર પહેલા ટોલિન યુનાઈટેડને 18 બોલમાં 51 રનની જરૂર હતી અને સાહિલે ઔરંગઝેબની ઓવરમાં 6 સિક્સર ફટકારીને મેચને એકતરફી બનાવી દીધી હતી. જોકે તેમ છતાં સાહિલની ટીમે માત્ર 2 બોલ બાકી રહેતા મેચ જીતી લીધી હતી.
6️⃣ SIXES IN AN OVER!
Sahil Chauhan achieves this incredible feat en route his match winning knock of 78.#EuropeanCricket #EuropeanCricketSeries #StrongerTogether pic.twitter.com/P9noiB0nqP
— European Cricket (@EuropeanCricket) May 15, 2024
સૈફ રહેમાનની ઈનિંગને ઝાંખી પાડી દીધી
સાહિલે પોતાની તોફાની ઈનિંગ્સના આધારે સૈફ રહેમાનની ઈનિંગને ઝાંખી પાડી દીધી હતી. સૈફ રહેમાને માત્ર 39 બોલમાં 137 રનની ઈનિંગ રમી હતી. સૈફે પોતાની ઈનિંગમાં 13 સિક્સ અને 12 ફોર ફટકારી હતી. તેનો સ્ટ્રાઈક રેટ 351થી વધુ હતો, જોકે ટીમ 176 રન બનાવવા છતાં મેચ હારી ગઈ હતી.
સાહિલ ચૌહાણનું જોરદાર પ્રદર્શન
સાહિલ ચૌહાણે યુરોપિયન લીગની આ સિઝનમાં 2 ઈનિંગ્સમાં 143 રન બનાવ્યા છે. મોટી વાત એ છે કે તેના બેટમાંથી 18 છગ્ગા આવ્યા હતા. આ સાથે જ તેણે માત્ર 3 ચોગ્ગા ફટકાર્યા છે. સાહિલ ચૌહાણનો સ્ટ્રાઈક રેટ પણ 317 છે. મોટી વાત એ છે કે ગત સિઝનમાં આ ખેલાડીએ માત્ર 14ની એવરેજથી રન બનાવ્યા હતા પરંતુ આ વખતે આ ખેલાડી કંઈક મોટું કરવાના મૂડ સાથે મેદાનમાં ઉતરી રહ્યો છે.
આ પણ વાંચો : IPL 2024: અંબાતી રાયડુએ ધોનીની ઈજા અને ચેન્નાઈ સુપર કિંગ્સ અંગે ચોંકાવનારો ખુલાસો કર્યો
