Robin Uthappa: ડેબ્યૂ મેચમાં ફીફટી લગાવી, વિશ્વકપ અને IPL વિજેતા ટીમનો હિસ્સો રહ્યો હતો, પરંતુ ટીમ ઇન્ડિયામાં જલ્દી થી થઇ ગયો બહાર
રોબિન ઉથપ્પાએ રમતની ધમાકેદાર શરૂઆત કરી અને વોકિંગ એસેસિનનું બિરુદ મેળવ્યું. પરંતુ જેમ જેમ કારકિર્દી આગળ વધતી ગઈ તેમ તેમ રમતની ચમક ઝાંખી પડતી ગઈ.
રોબિન ઉથપ્પા માટે IPL 2014 શાનદાર રહ્યું હતુ. તેણે ટૂર્નામેન્ટમાં સૌથી વધુ રન બનાવ્યા અને ઓરેન્જ કેપ જીતી હતી. આ સિઝનમાં, તેણે સતત 10 ઇનિંગ્સમાં 40 કે તેથી વધુ રન બનાવ્યા અને KKRને બીજી વખત IPL વિજેતા બનવામાં મદદ કરી. તેના સાતત્યપૂર્ણ પ્રદર્શનના કારણે તેને 2014ના બાંગ્લાદેશ પ્રવાસ માટે ભારતીય ટીમમાં પસંદ કરવામાં આવ્યો હતો. અહીં તેણે ફિફ્ટી ફટકારી હતી. પરંતુ પછી બહાર ફેંકી દેવામાં આવ્યો હતો. પરંતુ રોબિન ઉથપ્પા અટક્યો નહીં. તેણે ઘરેલુ ક્રિકેટમાં ફરી કમાલ કર્યો અને 2015માં ઝિમ્બાબ્વેના પ્રવાસ માટે ભારતીય ટીમમાં જગ્યા બનાવી. પરંતુ ફરીથી વધુ રન બનાવ્યા ન હતા અને તે બહાર થયો હતો. તે પછી તેને ફરી તક મળી નથી.
રોબિન ઉથપ્પાએ ભારત માટે 46 ODI રમી અને છ અડધી સદીની મદદથી 934 રન બનાવ્યા. જ્યારે 13 T20 મેચમાં એક અર્ધશતક ફટકારી, તેણે 249 રન બનાવ્યા. જો આપણે ફર્સ્ટ ક્લાસ ક્રિકેટની વાત કરીએ તો અહીં તેણે 142 મેચમાં 22 સદી અને 52 અડધી સદીની મદદથી 9446 રન બનાવ્યા છે. તે જ સમયે, તેણે 203 લિસ્ટ A મેચમાં 16 સદી અને 33 અડધી સદીની મદદથી 6534 રન બનાવ્યા છે. આ સિવાય તેણે 279 ટી20 મેચમાં 40 અડધી સદીની મદદથી 7042 રન બનાવ્યા છે.
રોબિન ઉથપ્પા ભલે ઈન્ટરનેશનલ ક્રિકેટમાં સફળ ન થયા હોય, પરંતુ આઈપીએલમાં તેનો સિક્કો સારો ચાલ્યો. તે મુંબઈ ઈન્ડિયન્સ, કોલકાતા નાઈટ રાઈડર્સ, રાજસ્થાન રોયલ્સ અને ચેન્નાઈ સુપર કિંગ્સ ટીમનો ભાગ રહી ચૂક્યો છે. રોબિન ઉથપ્પાએ KKR અને CSK તરફથી રમીને IPLમાં ચેમ્પિયન બનવાનું ગૌરવ પ્રાપ્ત કર્યું છે. તેણે આ ટૂર્નામેન્ટમાં 193 મેચમાં 25 અડધી સદીની મદદથી 4722 રન બનાવ્યા છે.
