48 ઓવરમાં 24 છગ્ગા, 61 ચોગ્ગા, 529 રન, ભારતીય બેટ્સમેનોનું ધમાકેદાર પ્રદર્શન
26 જાન્યુઆરીએ રણજી ટ્રોફીમાં ઈતિહાસ રચાયો હતો. હૈદરાબાદની ટીમે અરુણાચલ સામે હૈદરાબાદના નેક્સ્ટજેન ક્રિકેટ ગ્રાઉન્ડમાં માત્ર 48 ઓવરમાં 529 રન બનાવ્યા હતા. હૈદરાબાદના ઓપનર તન્મય અગ્રવાલે માત્ર 147 બોલમાં ત્રેવડી સદી ફટકારી હતી.
26 જાન્યુઆરીએ હૈદરાબાદના બેટ્સમેનોએ અરુણાચલના બોલરોની જે રીતે ધુલાઈ કરી હતી તે જોઈને બધા ચોંકી ગયા હતા. હૈદરાબાદે અરુણાચલ સામે માત્ર 48 ઓવરમાં 529 રન બનાવ્યા હતા. રણજી ટ્રોફી, ફર્સ્ટ ક્લાસ ક્રિકેટ અને આંતરાષ્ટ્રીય T20માં આ પ્રકારની તોફાની બેટિંગ પહેલા ક્યારેય જોવા નથી મળી.
અરુણાચલ સામે હૈદરાબાદની આક્રમક બેટિંગ
હૈદરાબાદે અરુણાચલને માત્ર 39.4 ઓવરમાં 172 રનમાં આઉટ કરી દીધું અને તે પછી જે બન્યું તે ખરેખર જોવા જેવું હતું. હૈદરાબાદના ઓપનર તન્મય અગ્રવાલ અને કેપ્ટન રાહુલ સિંહ ગેહલોતે અરુણાચલના બોલરો પર પ્રહારો કર્યા હતા. આ બંને બેટ્સમેનોએ માત્ર 33.1 ઓવરમાં 449 રનની ભાગીદારી કરી હતી.
તન્મય અગ્રવાલે 147 બોલમાં ત્રેવડી સદી ફટકારી
તમને જાણીને નવાઈ લાગશે કે આ ભાગીદારી દરમિયાન હૈદરાબાદના ઓપનર તન્મય અગ્રવાલે માત્ર 147 બોલમાં ત્રેવડી સદી ફટકારી હતી, જે ફર્સ્ટ ક્લાસ ક્રિકેટના ઈતિહાસમાં સૌથી ઝડપી ત્રેવડી સદી છે. રમતના અંત સુધીમાં તન્મયે માત્ર 160 બોલમાં 323 રન બનાવ્યા હતા અને તેના બેટમાંથી 21 છગ્ગા અને 33 ચોગ્ગા આવ્યા હતા.
Magnificent!
Hyderabad’s Tanmay Agarwal has hit the fastest triple century in First-Class cricket, off 147 balls, against Arunachal Pradesh in the @IDFCFIRSTBank #RanjiTrophy match
He’s unbeaten on 323*(160), with 33 fours & 21 sixes in his marathon knock so far pic.twitter.com/KhfohK6Oc8
— BCCI Domestic (@BCCIdomestic) January 26, 2024
કેપ્ટન રાહુલ સિંહના આક્રમક 185 રન
તન્મયે પોતાની તોફાની બેટિંગ બતાવી તો રાહુલ સિંહ પણ શાંત ન રહ્યો. કેપ્ટન રાહુલ સિંહે માત્ર 105 બોલમાં 185 રન બનાવ્યા. તેના બેટમાંથી 3 છગ્ગા અને 26 ચોગ્ગા પણ આવ્યા હતા. રાહુલ તેની બેવડી સદી ચૂકી ગયો પરંતુ દિવસના અંત સુધીમાં હૈદરાબાદે 61 ચોગ્ગા અને 24 છગ્ગા ફટકાર્યા હતા.
Hyderabad’s innings Vs Arunachal Pradesh in the Ranji Trophy:
0 to 100 – 81 balls.
100 to 200 – 61 balls.
200 to 300 – 40 balls.
300 to 400 – 41 balls.
400 to 500 – 40 balls.500 in just 43.5 overs…!!! pic.twitter.com/eQloEmVvrg
— Mufaddal Vohra (@mufaddal_vohra) January 26, 2024
અરુણાચલના બોલરોની જોરદાર ધુલાઈ
અરુણાચલના બે બોલરોએ 100થી વધુ રન આપ્યા હતા. દિવ્યાંશુ યાદવે 9 ઓવરમાં 117 રન અને ટેચી દેવરિયાએ 9 ઓવરમાં 101 રન આપ્યા હતા. ભારતીય ક્રિકેટના ઈતિહાસમાં પ્રથમ વખત રણજી ટ્રોફીમાં આ પ્રકારની બેટિંગ જોવા મળી છે.
આ પણ વાંચો : લાંબા વાળ, સફેદ દાઢી… IPL પહેલા જોવા મળ્યો MS ધોનીનો નવો લુક, ઘરે ફરકાવ્યો ત્રિરંગો