RR vs RCB Cricket Highlights, IPL 2022 : બેંગ્લોરે હારેલી બાઝી જીતી લીધી, દિનેશ કાર્તિકના શાનદાર 44* રન, રાજસ્થાન 4 વિકેટે હાર્યું

એક સમયે હારની નજીક પહોંચેલી બેંગ્લોરની ટીમે શાનદાર પ્રદર્શન કરતા મેચ 4 વિકેટે જીતી લીધી. દિનેશ કાર્તિકના શાનદાર 23 બોલમાં અણનમ 44* રન અને શાહબાઝના 26 બોલમાં આક્રમક 45 રનની મદદથી બેંગ્લોરે જીત મેળવી.

બેંગ્લોરની છઠ્ઠી વિકેટ પડી છે અને શાહબાઝ અહેમદની શાનદાર ઇનિંગ્સનો અંત આવી ગયો છે. શાહબાઝ રેમ્પ શોટ રમવા માંગતો હતો. પરંતુ બોલ સીધો વિકેટ પર ગયો. જોકે, આઉટ થતા પહેલા શાહબાઝે આ ઓવરમાં 12 રન લીધા હતા.

શાહબાઝ અહેમદે શાનદાર ઇનિંગ રમી. પ્રસિદ્ધ કૃષ્ણાની ઓવરમાં બાઉન્ડ્રી ફટકારી. છેલ્લો બોલ શોર્ટ હતો અને શાહબાઝે તેને શ્રેષ્ઠ શૈલીમાં હૂક કર્યો અને ડીપ ફાઈન લેગ પર સિક્સર ફટકારી. આ ઓવરમાં 13 રન.

બેંગ્લોરની ઈનિંગ લથડી રહી છે અને ચોથી વિકેટ પણ પડી ગઈ છે. યુઝવેન્દ્ર ચહલે ડેવિડ વિલીને બોલ્ડ કર્યો હતો. કોહલી રન આઉટ થયાના બીજા જ બોલ પર વિલી બોલ્ડ થયો હતો. ચહલના લેગ બ્રેકને બચાવવાના પ્રયાસમાં વિલી નિષ્ફળ ગયો અને બોલ બેટ-પેડની વચ્ચેથી ઘુસીને વિકેટમાં ગયો. શાનદાર બોલિંગ. ચહલની બીજી વિકેટ.

બેંગ્લોરની ત્રીજી વિકેટ પડી છે અને વિરાટ કોહલી આઉટ થઈ ગયો છે. શાનદાર શરૂઆત બાદ બેંગલોરની ઇનિંગ ખોરવાઈ ગયો છે અને ત્રણ ઓવરમાં ત્રણ વિકેટ પડી ગઈ છે. અને આ વખતે વિરાટ કોહલી રન આઉટ થયો છે. સેમસને ચહલ તરફ શાનદાર થ્રો ફેંક્યો અને કોહલી થોડા મિલીમીટરથી ક્રીઝ પર પહોંચવામાં ચૂકી ગયો.

બેંગ્લોરને પહેલો ઝટકો લાગ્યો છે અને સુકાની ડુ પ્લેસિસ પેવેલિયન પરત ફર્યો છે. બેંગ્લોરને પહેલો ઝટકો તેના જ જૂના સ્ટાર યુઝવેન્દ્ર ચહલે આપ્યો હતો. તેની પહેલી જ ઓવરના છેલ્લા બોલ પર ચહલે ડુ પ્લેસિસને શોટ માટે લલચાવ્યો અને આરસીબીના કેપ્ટને બોલ સીધો લોંગ ઓન તરફ ઉઠાવ્યો, જ્યાં બોલ્ટે સરસ કેચ લીધો.

રાજસ્થાન રોયલ્સે 20 ઓવરમાં 3 વિકેટના ભોગે 169 રન કર્યા હતા. ટીમ તરફથી જોસ બટલરે શાનદાર પ્રદર્શન કરતા 47 બોલમાં 6 છગ્ગાની મદદથી 70* રન કર્યા. મહત્વનું છે કે શરૂઆતમાં જોસ બટલરને બે વાર જીવનદાન મળ્યું હતું. જેનો તેણે ફાયદો ઉઠાવ્યો.

વાનિન્દુ હસરંગાએ ચુસ્ત ઓવર સાથે પોતાનો સ્પેલ સમાપ્ત કર્યો. હસરંગા જે તેની છેલ્લી ઓવર કરી રહ્યો હતો, તેની બીજી વિકેટ માત્ર થોડા મિલીમીટરથી ચૂકી ગયો. બટલરે હસરંગાના બોલને ખેંચવાનો પ્રયાસ કર્યો, પરંતુ તે સફળ થયો નહીં અને બોલ લેગ-સ્ટમ્પની નજીકથી પસાર થઈ ગયો. આ ઓવરમાં માત્ર 4 રન જ આવ્યા હતા. હસરંગાએ 4 ઓવરમાં 32 રન આપીને 1 વિકેટ લીધી હતી.

રાજસ્થાન રોયલ્સના સુકાની સંજુ સેમસન આઉટ થઇ ગયો છે. હસરંગાએ સંજુ સેમસનની વિકેટ ઝડપી છે.

સેમસને પોતાની ઇનિંગનો પહેલો મોટો શોટ રમ્યો. રાજસ્થાનના કેપ્ટને હસરંગાના બોલ પર લોંગ ઓન પર છગ્ગો ફટકાર્યો. હસરંગાના બીજા જ બોલ પર (જે તેની બીજી ઓવર માટે પાછો ફર્યો) સેમસને કોઈ મુશ્કેલી વિના બોલ ફટકાર્યો અને તેને બાઉન્ડ્રીની બહાર મોકલી દીધો.

રાજસ્થાનની બીજી વિકેટ પડી છે. દેવદત્ત પડિકલની ઇનિંગ્સનો અંત આવી ગયો છે. 10મી ઓવરમાં બોલિંગ કરવા આવેલા હર્ષલ પટેલના છેલ્લા બોલ પર ધીમી ગતિના કારણે સમય સંપૂર્ણ રીતે યોગ્ય ન હતો અને તેના કારણે કેચ કવરની ઉપરથી ઊંચો ગયો, જ્યાં વિરાટ કોહલીએ સારો કેચ લીધો.

દેવદત્ત પડિક્કલે રાજસ્થાનની ઇનિંગની બીજી બાઉન્ડ્રી ફટકારી હતી. પડિકલ ડેવિડ વિલીની ઓવરના છેલ્લા બોલને કવર-પોઈન્ટ તરફ ફટકારવાનું ઈચ્છતો હતો. પરંતુ સફળ થયો ન હતો. બેટ ધાર સાથે અથડાયું અને બોલ શોર્ટ થર્ડ મેન-ગલીની વચ્ચેથી 4 રનમાં ગયો.

રાજસ્થાનને પહેલો ઝટકો લાગ્યો છે અને યશસ્વી જયસ્વાલ બીજી ઓવરમાં જ આઉટ થઈ ગયો. યશસ્વીએ બીજી ઓવરમાં બોલિંગ કરવા આવેલા ફાસ્ટ બોલર ડેવિડ વિલીના પાંચમા બોલ પર સીધો ડ્રાઇવ કરવાનો પ્રયાસ કર્યો. પરંતુ બેટનો અંદરનો ભાગ લેતાં બોલ સ્ટમ્પ સાથે અથડાયો અને તે બોલ્ડ થયો.

રાજસ્થાન રોયલ્સની પ્લેઇંગ ઇલેવનઃ
સંજુ સેમસન (સુકાની-વિકેટકીપર), યશસ્વી જયસ્વાલ, જોસ બટલર, દેવદત્ત પડ્ડિકલ, શિમરોન હેટમાયર, રિયાન પરાગ, રવિચંદ્રન અશ્વિન, યુઝવેન્દ્ર ચહલ, ટ્રેન્ટ બોલ્ટ, પ્રણંદેશ કૃષ્ણા, નવદીપ સૈની.

રોયલ ચેલેન્જર્સ બેંગ્લોરની પ્લેલઇંગ ઇલેવનઃ
ફાફ ડુ પ્લેસિસ (સુકાની), અનુજ રાવત, વિરાટ કોહલી, દિનેશ કાર્તિક (વિકેટ કીપર), શેરફેન રધરફોર્ડ, ડેવિડ વિલી, શાહબાઝ અહેમદ, વાનિન્દુ હસરંગા, હર્ષલ પટેલ, મોહમ્મદ સિરાજ, આકાશ દીપ.

બેંગ્લોર ટીમે ટોસ જીતીને પહેલા બોલિંગ પસંદ કરી…