PBKS vs RCB Highlights: રોયલ ચેલેન્જર્સ બેંગ્લોરે પંજાબ કિંગ્સને 24 રનથી હરાવ્યું, સિરાજે ચાર વિકેટ લીધી
Punjab Kings vs Royal Challengers Bangalore IPL 2023 Highlights in Gujarati: મોહાલીમાં પંજાબ કિંગ્સે ટોસ જીતીને પ્રથમ બોલિંગ કરવાનો નિર્ણય કર્યો અને આરસીબીએ પ્રથમ બેટિંગ કરતા ચાર વિકેટે 174 રન બનાવ્યા. જવાબમાં પંજાબની ટીમ 150 રન જ બનાવી શકી અને 24 રનથી મેચ હારી ગઈ.
PBKS vs RCB Live Score: IPL 2023ની 27મી મેચ પંજાબ કિંગ્સ અને રોયલ ચેલેન્જર્સ બેંગ્લોર વચ્ચે રમાશે. પંજાબ 5 માંથી 3 જીત સાથે પોઈન્ટ ટેબલમાં ચોથા નંબર પર છે, જ્યારે RCB 5 માંથી 2 જીત સાથે 8માં નંબર પર છે. પંજાબે અગાઉની મેચમાં લખનૌ સુપર જાયન્ટ્સ સામે જીત મેળવી હતી. જ્યારે RCBને છેલ્લી મેચમાં ચેન્નાઈ સુપર કિંગ્સ સામે હારનો સામનો કરવો પડ્યો હતો.રોયલ ચેલેન્જર્સ બેંગ્લોરે પંજાબ કિંગ્સને 24 રને હરાવ્યું.
આ મેચમાં RCBએ ટોસ હારીને પ્રથમ બેટિંગ કર્યા બાદ શાનદાર શરૂઆત કરી હતી. કોહલી અને પ્લેસિસે 137 રનની ભાગીદારી કરી હતી. બંનેની અડધી સદીના કારણે આરસીબીએ ચાર વિકેટ ગુમાવીને 174 રન બનાવ્યા હતા. જવાબમાં પંજાબની ટીમ 18.2 ઓવરમાં 150 રન જ બનાવી શકી અને 24 રનથી મેચ હારી ગઈ. પંજાબ માટે પ્રભસિમરન સિંહે સૌથી વધુ રન બનાવ્યા હતા. તે જ સમયે જીતેશ શર્માએ 41 રનની ઇનિંગ રમી હતી.
પંજાબ તરફથી હરપ્રીત બ્રારે બે અને અર્શદીપ, નાથન એલિસે એક-એક વિકેટ લીધી હતી. સિરાજે આરસીબી માટે ચાર વિકેટ લઈને અજાયબી કરી બતાવી હતી. હસરંગાને બે, વેઈન પાર્નેલ અને હર્ષલ પટેલને એક-એક વિકેટ મળી હતી.
બંન્ને ટીમની પ્લેઈંગ ઈલેવન
આરસીબીની પ્લેઈંગ ઈલેવન વિરાટ કોહલી ( કેપ્ટન), ફાફ ડુ પ્લેસિસ, મહિપાલ લોમરોર , ગ્લેન મેક્સવેલ, શાહબાઝ અહેમદ, દિનેશ કાર્તિક (વિકેટ કીપર), વનિન્દુ હસરંગા, હર્ષલ પટેલ, વેઈન પાર્નેલ, મોહમ્મદ સિરાજ એસ પ્રભુદેસાઈ.
પંજાબ કિંગ્સ: અથર્વ તાઈડે, મેથ્યુ શોર્ટ, હરપ્રીત સિંહ ભાટિયા, લિયામ લિવિંગસ્ટોન, સેમ કરન (કેપ્ટન), જીતેશ શર્મા (ડબલ્યુકેન), શાહરૂખ ખાન, હરપ્રીત બ્રાર, નાથન એલિસ, રાહુલ ચહર, અર્શદીપ સિંહ.
Published On - 2:59 pm, Thu, 20 April 23
