Rishabh Pant: નસીબે પંતને દગો આપ્યો, આવો અનિચ્છનીય રેકોર્ડ બનાવનાર વિશ્વનો પ્રથમ સુકાની બન્યો!

ભારત અને દક્ષિણ આફ્રિકા (IND vs SA) વચ્ચે રવિવારે T20 શ્રેણી (T20 Series) ની પાંચમી અને છેલ્લી T20 મેચ રમાઈ હતી. બેંગ્લોરમાં રમાયેલી આ મેચમાં ટીમ ઈન્ડિયા (Team India) એ ફરી એકવાર ટોસ હારીને પ્રથમ બેટિંગ કરવી પડી હતી. આખી સિરીઝની આ હાલત રહી છે. એટલે કે ટીમ ઈન્ડિયા દરેક મેચમાં ટોસ હારી છે. મહત્વનું છે કે ભારત અને સાઉથ આફ્રિકા વચ્ચેની પાંચ મેચની ટી20 સીરિઝ 2-2 થી સરભર રહી હતી. સીરિઝની પાંચમી અને નિર્ણાયક મેચ વરસાદના કારણે રદ્દ થતા સીરિઝ સરભર રહી હતી.

5 ટી20 મેચની દ્રિપક્ષીય શ્રેણીમાં તમામ ટોસ હારનાર પહેલો સુકાની બન્યો

આ સાથે સુકાની રિષભ પંત (Rishabh Pant) એવો પ્રથમ સુકાની બન્યો છે જેણે પાંચ T20Iની દ્વિપક્ષીય શ્રેણીમાં તેના તમામ ટોસ હાર્યા હોય. રિષભ પંતે પણ આ સિરીઝથી કેપ્ટનશિપમાં ડેબ્યુ કર્યું હતું અને તેની શરૂઆત નસીબની દૃષ્ટિએ સારી રહી નથી.

જાણો, શું રહ્યો છે અત્યાર સુધીનો રેકોર્ડ

અત્યાર સુધી 19 શ્રેણીમાં આવું બન્યું છે જ્યારે કોઈ સુકાની પાંચ કે તેથી વધુ મેચોની દ્વિપક્ષીય શ્રેણીમાં 4 વખત ટોસ હાર્યો હોય. પુરૂષોની ટી20માં 10 વખત અને વિમેન્સ ટી20માં 9 વખત આવું બન્યું છે. પરંતુ આ પહેલી વખત છે જ્યારે કોઈ પાંચ મેચની શ્રેણીમાં પાંચેય ટોસ હારી ગયું હોય.

સંમગ્ર શ્રેણીમાં ભારતે પ્લેઇંગ 11 માં કોઇ ફેરફાર કર્યો ન હતો

આ સિરીઝમાં ખાસ વાત એ હતી કે રિષભ પંતે તમામ ટોસ હાર્યા હતા. ટીમ ઈન્ડિયા (Team India) એ તમામમાં પ્રથમ બેટિંગ કરી હતી અને કોઈપણ મેચમાં ટીમ ઈન્ડિયાએ તેના પ્લેઈંગ-11માં કોઈ ફેરફાર કર્યો નથી.

ભારત-સાઉથ આફ્રિકા ટી20 સીરિઝ

– પહેલી ટી20: ભારતે ટોસ અને મેચ ગુમાવી
– બીજી ટી20: ભારતે ટોસ અને મેચ ગુમાવી
– ત્રીજી ટી20: ભારતે ટોસ ગુમાવ્યો પણ મેચ જીતી લીધી
– ચોથી ટી20: ભારતે ટોસ ગુમાવ્યો પણ મેચ જીતી લીધી
– પાંચમી ટી20: ભારતે ટોસ ગુમાવ્યો, મેચ વરાસદન કારણે રદ્દ થઇ

રિષભ પંતના નેતૃત્વમાં ટીમ ઇન્ડિયાની આ પહેલી સીરિઝ હતી

પાંચ મેચની T20I શ્રેણી 2-2 થી ડ્રોમાં પુરી થઈ. બેંગલુરુમાં છેલ્લી મેચ વરસાદ ને કારણે પૂર્ણ થઈ શકી ન હતી અને તેને રદ કરવામાં આવી હતી. સુકાની રિષભ પંતના નેતૃત્વમાં ટીમ ઈન્ડિયાની આ પ્રથમ શ્રેણી હતી. જેથી તેમને પ્રથમ શ્રેણીમાં જીત કે હારનો સ્વાદ ચાખવો પડ્યો ન હતો.