KKR vs RR Playing XI IPL 2022: કોલકાતા એ ટોસ જીત્યો, પ્લેયીંગ ઈલેવનમાં થયો મોટો ફેરફાર, જાણો બંને ટીમો

IPL 2022 ની 47મી મેચ હવેથી થોડી વાર પછી શરૂ થવા જઈ રહી છે. આ મેચ મુંબઈના વાનખેડે સ્ટેડિયમમાં રમાશે, જેમાં રાજસ્થાન રોયલ્સ (Rajasthan Royals) સામે કોલકાતા નાઈટ રાઈડર્સનો પડકાર હશે. કોલકાતા નાઈટ રાઈડર્સ (Kolkata Knight Riders) માટે આ મેચ મહત્વની છે, કારણ કે તેમના માટે હવે હારવું પ્રતિબંધિત છે. બીજી તરફ રાજસ્થાનની ટીમ આ મેચ જીતીને પ્લે-ઓફમાં પોતાની પહોંચ વધુ મજબૂત કરવા માંગે છે. આ સિઝનમાં બંને ટીમોની આ બીજી ટક્કર હશે. આ પહેલા તેમની વચ્ચે પ્રથમ મેચ બ્રેબોર્ન સ્ટેડિયમમાં રમાઈ હતી, જેમાં રાજસ્થાન રોયલ્સનો 7 રને વિજય થયો હતો. તે મુજબ આજની મેચ કોલકાતાની ટીમ માટે વધુ મહત્વની બની જાય છે.

વાનખેડે ખાતે રમાઈ રહેલી રાજસ્થાન અને કોલકાતાની મેચમાં ટોસ કરવામાં આવ્યો છે. કોલકાતાએ ટોસ જીતીને પ્રથમ બોલિંગ કરવાનો નિર્ણય લીધો છે. એટલે કે રાજસ્થાન પ્રથમ બેટિંગ કરશે. આ મેચ હાઈ સ્કોરિંગ થવાની આશા છે. જો પોઈન્ટ ટેબલ મુજબ બંને ટીમોની વાત કરીએ તો રાજસ્થાન અત્યાર સુધી રમાયેલી 9 મેચમાં 6 જીત સાથે ત્રીજા સ્થાને છે. તે જ સમયે, કોલકાતાની ટીમ સમાન સંખ્યામાં મેચોમાં 6 હારનો સામનો કરીને 10 ટીમોમાં 8માં નંબર પર છે.

કોલકાતાએ 2 ફેરફાર કર્યા, રાજસ્થાને એક ખેલાડી બદલ્યો

ટોસ બાદ બંને ટીમોએ પોતાની પ્લેઈંગ ઈલેવનને પણ સીલ કરી હતી. કોલકાતાની ટીમમાં બે ફેરફાર કરવામાં આવ્યા છે. જ્યારે રાજસ્થાને એક ફેરફાર કર્યો છે. કોલકાતાએ હર્ષિત રાણાની જગ્યાએ શિવમ માવીને રમાડ્યો છે. જ્યારે વેંકટેશ ઐયરની જગ્યાએ અનુકુલ રોયને તક આપવામાં આવી છે. KKR માટે અનુકુલ રોયની આ ડેબ્યૂ મેચ હશે. તે જ સમયે, ડેરીલ મિશેલના સ્થાને આવેલા કરુણ નાયરના રૂપમાં રાજસ્થાનની ટીમમાં એક ફેરફાર કરવામાં આવ્યો છે.

બંને ટીમોની પ્લેઇંગ XI

રાજસ્થાન રોયલ્સ: સંજુ સેમસન (કેપ્ટન/વિકેટકીપર), જોસ બટલર, દેવદત્ત પડિકલ, શિમરોન હેટમાયર, રિયાન પરાગ, કરુણ નાયર, રવિચંદ્રન અશ્વિન, ટ્રેન્ટ બોલ્ટ, પ્રસિદ્ધ કૃષ્ણા, યુઝવેન્દ્ર ચહલ, કુલદીપ સેન.

કોલકાતા નાઈટ રાઈડર્સઃ શ્રેયસ ઐયર (કેપ્ટન), એરોન ફિન્ચ, નીતીશ રાણા, બાબા ઈન્દ્રજીત (વિકેટકીપર), આન્દ્રે રસેલ, સુનિલ નરેન, અનુકુલ રોય, રિંકુ સિંહ, શિવમ માવી, ઉમેશ યાદવ, ટિમ સાઉથી

આ પણ વાંચો : IPL 2022: ઉમરાન મલિકે સૌથી ઝડપી બોલના તોડી નાંખ્યાં તમામ રેકોર્ડ, ધોની-ઋતુ સામે કાશ્મિર એક્સપ્રેસે આટલી ગતીએ બોલ ફેંક્યો

આ પણ વાંચો : IPL 2022: મુંબઈ ઈન્ડિયન્સની ભૂલનો કોલકાતાએ ઉઠાવ્યો ફાયદો! 9 મેચમાં 30 વિકેટ લેનારા સમસ્તીપુરના ‘રવિન્દ્ર જાડેજા’ નુ ડેબ્યૂ

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો