ભારત અને આયર્લેન્ડ (IRE vs IND) વચ્ચે આજે રમાયેલી બીજી ટી20 મેચમાં ભારતે શાનદાર પ્રદર્શન કરતા 4 રને મેચ અને સીરિઝ જીતી લીધી હતી. હાર્દિક પંડ્યાની કેપ્ટનશિપમાં તેણે પહેલીવાર સીરિઝ જીતી છે. પહેલા બેટિંગ કરતા ભારતે 20 ઓવરમાં 7 વિકેટે 227 રન બનાવ્યા હતા. જવાબમાં આયરલેન્ડે પણ શાનદાર પ્રદર્શન કરતા 20 ઓવરમાં 5 વિકેટે 221 રન બનાવ્યા હતા.
ભારતે બીજી ટી20 મેચ 4 રને જીતી લીધી અને સીરિઝ પર 2-0 થી કબજો કરી લીધો.
ભુવનેશ્વર કુમારે ભારતને પાંચમી સફળતા અપાવી. ભુવનેશ્વર કુમારે 18મી ઓવરના પહેલા બોલ પર આયરલેન્ડના હેરી ટેકોરને આઉટ કર્યો. તેણે 28 બોલમાં 39 રન બનાવ્યા.
ભારતના ઉમરાન મલીકે આયરલેન્ડના ટુકેરને આઉટ કરીને પોતાની ક્રિકેટ કારકિર્દીની પહેલી વિકેટ ઝડપી હતી. ટુકેરે 9 બોલમાં 5 રન બનાવ્યા હતા.
ભારતના હર્ષલ પટેલે આયરલેન્ડના સુકાની એન્ડ્રુ બાલ્બિર્નીને આઉટ કરીને ત્રીજી સફળતા અપાવી હતી. એન્ડ્રુ બાલ્બિર્નીએ 37 બોલમાં 3 ચોગ્ગા અને 7 છગ્ગા ફટકારીને આક્રમક 60 રન બનાવ્યા હતા.
આયરલેન્ડના સુકાની એન્ડ્રુ બાલ્બિર્ની આક્રમક મુડામાં જોવા મળ્યો. તેણે હર્ષલ પટેલની ઓવરમાં એક પછી એક છગ્ગો અને ચોગ્ગો ફટકાર્યો હતો.
આયરલેન્ડના સુકાની એન્ડ્રુ બાલ્બિર્નીએ પોતાની ટી20માં છઠ્ઠી અડધી સદી પુરી કરી.
આયરલેન્ડના એન્ડ્રુ બાલ્બિર્ની આક્રમક મુડમાં જોવા મળ્યો. તેણે ઉમરાન મલીકની 9મી ઓવરમાં એક પછી એક છગ્ગો અને ચોગ્ગો ફટકાર્યો હતો.
ઉમરાન મલિકે ભારતને અપાવી બીજી સફળતા. આયરલેન્ડના ગારેથ ડેલાને રન આઉટ થતા ભારતને બીજી સફળતા મળી હતી.
આયરલેન્ડના આક્રમક બનેલા ઓપનર સ્ટીરલિંગને રવિ બિશ્નોઇએ આઉટ કર્યો. સ્ટીરલિંગે 18 બોલમાં 5 ચોગ્ગા અને 3 છગ્ગાની મદદથી આક્રમક 40 રન કર્યા હતા.
આયરલેન્ડના સ્ટાર ઓપનર સ્ટીરલિંગની આક્રમક ઇનિંગની મદદથી આયરલેન્ડનો સ્કોર 50 ને પાર પહોંચી ગયો છે.
આયરલેન્ડ ટીમના ઓપનર સ્ટીરલિંગ સતત આક્રમક શોટ્સ ફટકારી રહ્યો છે.
આયર્લેન્ડની ધમાકેદાર શરૂઆત. પ્રથમ ઓવરમાં સ્ટર્લિંગે સતત 4 બાઉન્ડ્રી ફટકારી હતી. ભુવનેશ્વર કુમારના બોલ પર પહેલા છગ્ગા અને પછી સતત ત્રણ ચોગ્ગા. ભુવીએ આ ઓવરમાં 18 રન આપ્યા હતા.
ભારતે 20 ઓવરમાં 7 વિકેટના ભોગે 227 રન બનાવ્યા. આમ આયરલેન્ડને જીતવા માટે 228 રનનો લક્ષ્યાંક મળ્યો છે.
હાર્દિક પંડ્યાના ચોગ્ગા સાથે ભારતનો સ્કોર 225 ને પાર પહોંચ્યો હતો.
યંગની ઓવરમાં સતત બે બોલ પર દિનેશ કાર્તિક બાદ અક્ષર પટેલ આઉટ થયા.
શાનદાર પ્રદર્શન કરતા સદી ફટકારનાર દીપક હુડા આઉટ થઇ ગયો છે. દીપક હુડાએ 57 બોલમાં 104 રન બનાવ્યા હતા.
સુર્ય કુમાર યાદવ 15 રન બનાવી આઉટ થયો.
ભારતનો 17 ઓવરમાં સ્કોર 200 રનને પાર પહોંચ્યો હતો.
સંજુ સેમસન આઉટ થતા ભારતને બીજો મોટો ઝટકો લાગ્યો હતો. સંજુ સેમસન 42 બોલમાં આક્રમક 9 ચોગ્ગા અને 4 છગ્ગાની મદદથી 77 રન કર્યા હતા.
15મી ઓવરમાં હુડા નહીં, સેમસને ચોગ્ગા-છગ્ગાનો વરસાદ કર્યો હતો. આ ઓવરમાં સેમસને પહેલા ચોગ્ગા અને પછી સતત 2 છગ્ગા ફટકારીને બતાવી દીધું કે તે આજે અટકવાનો નથી.
ઓલ્ફર્ટની 14મી ઓવરના ત્રીજા બોલ પર હુડ્ડાએ ચોગ્ગો ફટકાર્યો અને આ સાથે જ ભારતનો સ્કોર 150 રનને પાર કરી ગયો. હુડ્ડા પણ પોતાની સદી સુધી પહોંચી ગયો છે. હુડ્ડાએ આ ઓવરની શરૂઆત ડીપ સ્ક્વેર લેગ પર સિક્સ મારીને કરી હતી. સેમસન બેકવર્ડ સ્ક્વેર લેગ તરફ બાઉન્ડ્રી વડે ઓવરનો અંત કરે છે.
સંજુ સેમસને 13મી ઓવરના ચોથા બોલ પર ચોગ્ગો ફટકાર્યો અને તેની સાથે જ તેની અડધી સદી પણ પૂરી કરી. સંજુ સેમસને 31 બોલમાં પોતાની અડધી સદી પૂરી કરી હતી. દીપક હુડ્ડા બાદ સેમસનની શાનદાર ઇનિંગ જોવા મળી.
દીપક હુડા અને સંજુ સેમસન વચ્ચેની ભાગીદારી 100 રનને પાર કરી ગઈ છે. આઇરિશ બોલરો માટે હવે હુડ્ડાને રોકવો મુશ્કેલ લાગી રહ્યા છે.
દીપક હુડ્ડાએ 27 બોલમાં પોતાની અડધી સદી પૂરી કરી હતી. ટી20 ક્રિકેટમાં ભારત માટે આ તેની પ્રથમ અડધી સદી છે. છેલ્લી મેચમાં તે પોતાની અડધી સદી પૂરી કરી શક્યો ન હતો. પરંતુ આ વખતે તેણે એક પણ તક છોડી ન હતી.
8મી ઓવરના છેલ્લા બોલ પર હુડ્ડા માંડ માંડ બચ્યો હતો. તે ઓલ્ફર્ટના બોલ પર બેક ફૂટ પર મોટો શોટ રમવા માંગતો હતો. પોલ સ્ટર્લિંગ તેની ડાબી બાજુના શોટ કવર પર ડાઇવ મારી. પરંતુ તે બોલને પકડવાનું ચૂકી જાય છે.
પાવરપ્લેમાં ભારતે એક વિકેટના નુકસાને 54 રન બનાવ્યા હતા. સંજુ સેમસન અને દીપક હુડા બંને છેડેથી ઝડપી બેટિંગ કરી રહ્યા છે. પાવરપ્લેમાં ભારતને ઈશાન કિશનના રૂપમાં ઝટકો લાગ્યો હતો.
સેમસને યંગના બોલ પર ચોગ્ગો ફટકાર્યો અને આ શોટ સાથે ભારતના 50 રન પુરા થયા. સંજુ સેમસને યંગની ઓવરના છેલ્લા બોલ પર વધુ એક સિક્સર ફટકારી હતી.
હુડ્ડાએ છઠ્ઠી ઓવરમાં 86 મીટર લાંબી છગ્ગો ફટકારીને યંગનું સ્વાગત કર્યું. તેણે ક્રિઝમાંથી બહાર નીકળીને બોલરના માથા ઉપર હવામાં સીધો શોટ માર્યો અને બોલને બાઉન્ડ્રીની પાર મોકલ્યો.
માર્ક એડેરની ઓવરના છેલ્લા બોલ પર દીપક હુડ્ડાએ ફાઈન લેગ પર સિક્સર ફટકારી હતી. ભારતીય ઇનિંગનો પહેલો છગ્ગો છે.
માર્ક એડેરે ત્રીજી ઓવરના પહેલા બોલ પર ભારતને પહેલો ઝટકો આપ્યો હતો. અડાયરનો બોલ ઈશાનના બેટના ઉપરના કિનારે વાગ્યો અને બોલ સીધો ટકરના હાથમાં ગયો. ઈશાન કિશન માત્ર 3 રન બનાવી શક્યો હતો.
ભારતે પ્રથમ ઓવરમાં કુલ 8 રન ઉમેર્યા હતા. સંજુ સેમસન તરફથી આક્રમક શરૂઆત જોવા મળી. બીજી ઓવરના ચોથા બોલ પર તેણે જોશુઆ લિટલની બોલ પર સીધો શોટ રમ્યો અને બીજો ચોગ્ગો ફટકાર્યો.
મેચના પ્રથમ બોલ પર સંજુ સેમસને માર્ક એડેરના બોલને બાઉન્ડ્રી લગાવીને ભારતનું ખાતું ખોલ્યું હતું. સેમસનના બેટમાંથી પહેલા જ બોલ પર બ્રિલિયન્ટે શોટ લાગ્યો હતો.
આયર્લેન્ડે પોતાની પ્લેઈંગ ઈલેવનમાં કોઈ ફેરફાર કર્યો નથી.
આયર્લેન્ડ ટીમની પ્લેઇંગ ઇલેવનઃ
એન્ડ્રુ બાલ્બિર્ની (સુકાની), પોલ સ્ટર્લિંગ, ગેરેથ ડેલાની, હેરી ટેક્ટર, લોર્કન ટકર (વિકેટકીપર), જ્યોર્જ ડોકરેલ, માર્ક એડેર, એન્ડી મેકબ્રાઈન, ક્રેગ યંગ, જોશ લિટલ, કોનોર ઓલ્ફર્ટ.
Here’s our XI for today’s T20I.
Come on lads!#BackingGreen in association with #Exchange22 and #ABDIndiaSterlingReserve ☘️🏏
WATCH: BT Sport 1
SCORE: https://t.co/iHiY0U5y7J pic.twitter.com/X0JHvqZtLv— Cricket Ireland (@cricketireland) June 28, 2022
ટીમ ઇન્ડિયાની પ્લેઇંગ ઇલેવનઃ
હાર્દિક પંડ્યા (સુકાની), ઈશાન કિશન, દીપક હુડા, સંજુ સેમસન, સૂર્યકુમાર યાદવ, દિનેશ કાર્તિક (વિકેટકીપર), અક્ષર પટેલ, ભુવનેશ્વર કુમાર, હર્ષલ પટેલ, રવિ બિશ્નોઈ અને ઉમરાન મલિક.
Three changes in the Playing XI for #TeamIndia
Sanju Samson comes in for Ruturaj Gaikwad
Ravi Bishnoi comes in for Yuzvendra Chahal
Harshal Patel comes in for Avesh KhanLive – https://t.co/l5jcWYMcNk #IREvIND pic.twitter.com/608JoPNBoK
— BCCI (@BCCI) June 28, 2022
હાલ ડબલિનમાં વરસાદ નથી પડી રહ્યો. પરંતુ આકાશમાં કાળા વાદળો જોવા મળ્યા છે. વરસાદની સંભાવના છે. હવામાન વિભાગના જણાવ્યા અનુસાર રાત્રે 10 વાગ્યાની આસપાસ વરસાદ પડી શકે છે.
Team huddle ☑️#IREvIND pic.twitter.com/WYki66e7CI
— BCCI (@BCCI) June 28, 2022
ભારતીય ટીમે પ્લેઈંગ ઈલેવનમાં 3 ફેરફાર કર્યા છે. રુતુરાજ ગાયકવાડ ઈજાના કારણે બહાર થઈ ગયો છે. સંજુ સેમસન પાછો ફર્યો છે. અવેશ ખાનની જગ્યાએ હર્ષલ પટેલને સ્થાન મળ્યું છે. બીજી તરફ યુઝવેન્દ્ર ચહલની જગ્યાએ રવિ બિશ્નોઈને તક આપવામાં આવી છે.
આયર્લેન્ડ સામેની બીજી T20 મેચમાં ભારતે ટોસ જીત્યો છે. ભારતીય કેપ્ટન હાર્દિક પંડ્યાએ પ્રથમ બેટિંગ કરવાનો નિર્ણય કર્યો હતો.
Hardik Pandya calls it right at the toss and we will bat first against Ireland in the 2nd T20I.
Live – https://t.co/l5jcWYMcNk #IREvIND pic.twitter.com/rYyZD6EMhZ
— BCCI (@BCCI) June 28, 2022
Published On - 8:38 pm, Tue, 28 June 22