ઈતિહાસમાં પહેલીવાર ‘રિઝર્વ ડે’ પર થશે IPL FINAL મેચ, 29મેના દિવસે માન્ય રહેશે ફાઈનલની ટિકિટ

Ahmedabad : IPL 2023ની અંતિમ રાત એન્ટી-ક્લાઈમેક્સમાં ફેરવાઈ ગઈ હતી. અમદાવાદમાં કમોસમી વરસાદને કારણે 28 મે, રવિવારના રોજ ચેન્નાઈ સુપર જાયન્ટ્સ અને ગુજરાત ટાઇટન્સ વચ્ચે IPL 2023ની ફાઇનલ મેચ રમાઈ શકી નથી. હવે આ મેચ સોમવારે 29મી મેના રિઝર્વ ડે પર રમાશે.ઈતિહાસમાં પહેલીવાર રિઝર્વ ડે પર આઈપીએલની ફાઈનલ મેચ રમાશે.

વરસાદને કારણે ઘણા ફેન્સ પહેલાથી જ સ્ટેડિયમ છોડીને પરત ફરી રહ્યા હતા. સાંજે 7 કલાકથી શરુ થયેલી વરસાદ રાત્ર 11 વાગ્યે પણ બંધ ન થતા. આજની મેચ રદ્દ કરવામાં આવી હતી. હવે આઈપીએલ 2023ની ફાઈનલ મેચ આવતી કાલે 29 મેના દિવસે રમાશે. દર્શકોની ફિઝિકલ ટિકિટ કાલની મેચ માટે માન્ય રહેશે. આજે 11 વાગ્યે અમ્પાયર દ્વારા આ નિર્ણય લેવામાં આવ્યો હતો.

29 મેના દિવસે થશે પણ માન્ય રહેશે ફાઈનલની ટિકિટ

આવી હતી વરસાદ પછીની ફાઈનલ મેચની શક્યતાઓ

• મેચ રાત્રે 9:40 વાગ્યા સુધી શરૂ થશે તો 20-20 ઓવરની જ મેચ રમાશે. ઓવર્સમાં કોઈપણ ઘટાડો થશે નહીં.
• જો મેચ રાત્રે 11.46 કલાકે શરુ થશે તો 5-5 ઓવરની મેચ રમાશે.
• મળતી માહિતી અનુસાર, મોડી રાત્રે સુપર ઓવર રમાડીને પણ ચેમ્પિયન ટીમ નક્કી થઈ શકે છે.
• આજે રાત્રે મેચ રદ્દ થાય તો આવતીકાલે રિઝર્વ ડે હોવાથી ફાઇનલ મેચ કાલે 29મી મેના રોજ રમાશે.

રિઝર્વ ડેના દિવસે શું થશે?

હવે સવાલ એ થાય છે કે જો રિઝર્વ ડે દિવસે પણ વરસાદ પડે તો? IPL ફાઈનલના નિયમો અનુસાર, રિઝર્વ ડે પર 3 કલાક 20 મિનિટના નિશ્ચિત સમય ઉપરાંત 120 મિનિટનો સમય પણ હશે. એટલે કે રિઝર્વ ડે પર પણ રાત્રે 12.06 સુધી રાહ જોવામાં આવશે, જેથી 5-5 ઓવર રમી શકાય. જો તે શક્ય ન હોય તો સુપર ઓવરથી નિર્ણય લેવામાં આવશે. જો તે પણ ન થઈ શકે તો પોઈન્ટ ટેબલમાં પ્રથમ સ્થાન મેળવનાર ગુજરાતને વિજેતા જાહેર કરવામાં આવશે.

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો