IPL 2023ની 56મી મેચ બાદ ઓરેન્જ કેપ અને પર્પલ કેપની રેસમાં મોટા ફેરફારો જોવા મળ્યા છે. રાજસ્થાન રોયલ્સના બે સ્ટાર ખેલાડીઓ યશસ્વી જયસ્વાલ અને યુઝવેન્દ્ર ચહલ, જેમણે આ મેચમાં ધમાકેદાર પ્રદર્શન કર્યું હતું, તેમને ઘણો ફાયદો થયો છે. 98 રનની અણનમ ઈનિંગ રમનાર યશસ્વી તેની બીજી આઈપીએલ સદી બે રનથી ચૂકી ગયો અને તેટલા જ રનથી ઓરેન્જ કેપ રેસમાં નંબર-1 બનવાનું પણ ચૂકી ગયો. આ સાથે જ યુઝવેન્દ્ર ચહલે કોલકાતા નાઈટ રાઈડર્સના 4 બેટ્સમેનોને પેવેલિયનનો રસ્તો બતાવીને પર્પલ કેપ કબજે કરી હતી.
આ સિવાય સંજુ સેમસન સહિત અન્ય ખેલાડીઓને પણ ફાયદો થયો છે. આવો જાણીએ તેમના વિશે
સૌથી પહેલા વાત કરીએ ઓરેન્જ કેપની તો યશસ્વી જયસ્વાલે 47 બોલમાં 13 ચોગ્ગા અને 5 છગ્ગા સાથે 98 રનની અણનમ ઈનિંગ રમી હતી, જેના આઈપીએલ 2023માં 575 રન છે. તે યાદીમાં ટોચ પર બેઠેલા રોયલ ચેલેન્જર્સ બેંગ્લોરના ફાફ ડુપ્લેસી કરતાં માત્ર 1 રન પાછળ છે. યશસ્વી અને ડુપ્લેસી ઉપરાંત શુભમન ગિલ, ડેવોન કોનવે અને વિરાટ કોહલી ટોપ-5માં છે. બીજી તરફ KKR vs RR મેચમાં 48 રનની અણનમ ઇનિંગ રમનાર સંજુ સેમસન 356 રન સાથે 11માં સ્થાને પહોંચી ગયો છે. આ સિવાય રિંકુ સિંહ 353 રન સાથે 12મા અને નીતીશ રાણા 348 રન સાથે 14મા ક્રમે છે.
આ પણ વાંચો : Wrestlers Protest: હવે BCCI પણ આવ્યું ઝપેટમાં NHRCએ મોકલી નોટિસ, 16 ફેડરેશન પાસેથી પણ માંગ્યા જવાબ
બીજી તરફ જો પર્પલ કેપની વાત કરીએ તો યુઝવેન્દ્ર ચહલે KKR સામે જોરદાર પ્રદર્શન કરીને મોહમ્મદ શમી પાસેથી આ કેપ છીનવી લીધી છે. ચહલની પાસે હવે સિઝન-16માં 21 વિકેટ છે અને તે IPL 2023માં સૌથી વધુ વિકેટ લેનાર બોલર બની ગયો છે. આ યાદીમાં મોહમ્મદ શમી, રાશિદ ખાન અને તુષાર દેશપાંડે 19-19 વિકેટ સાથે અનુક્રમે બીજા, ત્રીજા અને ચોથા સ્થાન પર છે. તે જ સમયે, પીયૂષ ચાવલા ટોપ-5માં બીજા લેગ સ્પિનર છે, જેણે આ સિઝનમાં 17 વિકેટ પોતાના નામે કરી છે. તે જ સમયે, KKR vs RR મેચમાં બે વિકેટ લેનાર ટ્રેન્ટ બોલ્ટ 12 વિકેટ સાથે 15માં સ્થાને પહોંચી ગયો છે.
રમત ગમતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
રમતગમતના તાજા સમાચાર, IPL 2023, ફૂટબોલ, ટેનિસ, ક્રિકેટ સાથે જોડાયેલા તમામ સમાચાર જાણવા માટે જોડાયેલા રહો…