IPL 2023 : આજથી ક્રિકેટનો ‘મહાસંગ્રામ’ શરૂ થશે, ટ્વિટર પર મિમ્સ થયા વાયરલ

આજથી એટલે કે 31 માર્ચથી ક્રિકેટનો ‘મહાસંગ્રામ’ શરૂ થઈ રહ્યો છે. જેના માટે લોકોએ આખું વર્ષ રાહ જોઈ, આખરે આઈપીએલ 2023 શરૂ થઈ રહ્યું છે. પ્રથમ મેચ ગુજરાત ટાઇટન્સ અને ચેન્નાઇ સુપર કિંગ્સ વચ્ચે રમાશે. બંન્ને ટીમોએ પોત-પોતાની તૈયારી કરી લીધી છે અને આ મેચ માટે ચાહકોનો ઉત્સાહ પણ વધારે છે. માત્ર એક જ ખતરો એ છે કે મેચ પહેલા કે દરમિયાન વરસાદ શરૂ ન થવો જોઈએ, નહીં તો ચાહકોની તમામ આશાઓ પર પાણી ફરી વળશે. અમદાવાદમાં આગલા દિવસે ખૂબ વરસાદ પડ્યો હતો, જેના કારણે પ્રેક્ટિસ કરતા ખેલાડીઓએ ગ્રાઉન્ડથી ડ્રેસિંગ રૂમ તરફ દોડવું પડ્યું હતું.

જોકે એવું કહેવામાં આવી રહ્યું છે કે મેચ દરમિયાન હવામાન સાફ રહેશે. ક્રિકેટ ચાહકો માટે આ ખુબ જ ખુશીની વાત છે. દરમિયાન સોશિયલ મીડિયા પર ક્રિકેટના આ ‘મહાસંગ્રામ’ની ખૂબ ચર્ચા થઈ રહી છે. લોકો વિવિધ પ્રકારના મીમ્સ શેર કરી રહ્યા છે. લોકો ટીમની મજાક ઉડાવી રહ્યા છે, ‘IPL ટ્રોફી તો બચ્ચે જીતે હૈ, કિંગ્સ લોગ દિલ જીતે હૈ અપને ફેન્સ કા’, જ્યારે કેટલાક વપરાશકર્તાઓ મહેન્દ્ર સિંહ ધોની અને રોહિત શર્માની મજાક ઉડાવી રહ્યા છે.

લોકો મીમ્સ શેર કરી રહ્યા છે, જુઓ

IPLની આ સિઝનમાં કુલ 10 ટીમો ભાગ લઈ રહી છે, જેમાંથી કુલ 70 મેચો રમાશે. હવે જોવાનું એ રહેશે કે આ વખતે કઈ ટીમ ટાઈટલ કબજે કરે છે.