IPL 2021: પ્લે ઓફમાં પહોંચવા માટે કઇ ટીમે બાકી મેચોમાં કેટલો દમ લગાવવો પડશે જાણો, પ્લે ઓફનુ ગણિત
IPL 2021 નો બીજો તબક્કો 19 સપ્ટેમ્બરથી શરુ થઇ રહ્યો છે અને હવે દરેક ટીમનુ ધ્યાન રહેશે કે તે પ્લેઓફમાં સ્થાન મેળવવા અને ટાઇટલના તરફ આગળ વધી શકાય.
રાજસ્થાન રોયલ્સ: યુવા ખેલાડી સંજુ સેમસનની આગેવાની હેઠળની આ ટીમ હાલમાં પાંચમા સ્થાને છે. અત્યાર સુધી આ ટીમે સાત મેચ રમી છે અને ત્રણ મેચ જીતવા ઉપરાંત ચાર મેચ હારી છે. તેણે વધુ સાત મેચ રમવાની છે અને ઓછામાં ઓછી ચાર મેચ જીતવી જરુરી છે. રાજસ્થાન એ પંજાબ, બેંગ્લોર, સીએસકે, મુંબઈ, કેકેઆર, દિલ્હી અને હૈદરાબાદ સામે રમવાનુ છે.
ચેન્નઈ સપુર કિંગ્સ: આઈપીએલ 2020 માં મહેન્દ્ર સિંહ ધોનીની આગેવાનીવાળી ટીમ પ્લેઓફમાં પહોંચી શકી નહોતી. જે પ્રથમ વખત હતું, જ્યારે CSK લીગમાં અંતિમ 4 માં સ્થાન મેળવી શક્યું ન હતું. આગામી સાત મેચમાં તેમને ત્રણ મેચ જીતવાની જરૂર છે. CSK ને મુંબઈ, બેંગ્લોર, રાજસ્થાન, દિલ્હી, પંજાબ, કોલકાતા અને હૈદરાબાદ સામે રમવાનું છે.
મુંબઈ ઈન્ડીયન્સ: પાંચ વખત આઈપીએલ જીતનાર મુંબઈએ આ સિઝનની સારી શરૂઆત કરી ન હતી. પરંતુ રોહિત શર્માના નેતૃત્વવાળી આ ટીમે જોરદાર વાપસી કરી હતી. તે હાલમાં ચોથા સ્થાને છે અને તેને અંતિમ-4 માં જવા માટે આગામી ચાર મેચ જીતવાની જરૂર છે. મુંબઈએ CSK, કોલકાતા, દિલ્હી કેપિટલ્સ, રાજસ્થાન, સનરાઈઝર્સ, બેંગ્લોર અને પંજાબ સામે રમવાનું છે. તેણે અત્યાર સુધી સાત મેચ રમી છે અને ચાર જીતી છે અને ત્રણ હારી છે.
પંજાબ કિંગ્સ: કેએલ રાહુલના નેતૃત્વવાળી આ ટીમ હાલમાં છઠ્ઠા સ્થાને છે. અત્યાર સુધી રમાયેલી સાત મેચમાં તેણે ત્રણમાં જીત મેળવી છે અને ચારમાં હારનો સામનો કરવો પડ્યો છે. તેણે વધુ છ મેચ રમવાની છે. તેને પ્લેઓફમાં જવા માટે પાંચ મેચ જીતવી પડશે. બીજા તબક્કામાં તેણે રાજસ્થાન, કોલકાતા, બેંગ્લોર, ચેન્નઈ, હૈદરાબાદ, મુંબઈ સામે રમવાનું છે.
કોલકાતા નાઈટ રાઈડર્સ: બે વખતની વિજેતા આ ટીમની હાલત હાલ ખરાબ છે. ટીમ સાતમા સ્થાને છે. અત્યાર સુધી સાત મેચમાં તેણે માત્ર બે જ જીતી છે, જ્યારે પાંચમાં તેને હારનો સામનો કરવો પડ્યો છે. આગામી સાત મેચમાં કેકેઆર એ પાંચ મેચ જીતવી પડશે.
સનરાઈઝર્સ હૈદરાબાદ: પોઈન્ટ ટેબલમાં હૈદરાબાદ આઠમા સ્થાને છે. તેણે અંતિમ -4 માં પહોંચવા માટે સખત મહેનત કરવી પડશે. અત્યાર સુધી રમાયેલી સાત મેચોમાં તેણે માત્ર એક જ જીત મેળવી છે જ્યારે છમાં તેને હારનો સામનો કરવો પડ્યો છે. આ ટીમ માટે પ્લેઓફમાં જવું ખૂબ જ મુશ્કેલ છે. આગામી સાત મેચમાંથી તેને છ મેચ જીતવાની જરૂર છે, તો જ તે અંતિમ-4 માં પહોંચી શકે છે.
