ICC મહિલા વર્લ્ડ કપ 2022માં આજે ભારતનો મુકાબલો દક્ષિણ આફ્રિકા સામે થશે. ક્રાઈસ્ટચર્ચમાં રમાઈ રહેલી આ મેચ સેમીફાઈનલની દૃષ્ટિએ ભારત માટે મહત્વપૂર્ણ છે. જો ભારત આ મેચ જીતશે તો તેને સેમીફાઈનલમાં પ્રવેશ મળશે. ભારતે આ મેચમાં ટોસ જીતીને પ્રથમ બેટિંગ કરવાનો નિર્ણય લીધો છે. આજની મેચ માટે ભારતે પ્લેઈંગ ઈલેવનમાં બે ફેરફાર કર્યા છે.
ઈન્ડિયા પ્લેઈંગ ઈલેવન: સ્મૃતિ મંધાના, યાસ્તિકા ભાટિયા, મિતાલી રાજ, શેફાલી વર્મા, હરમનપ્રીત કૌર, સ્નેહ રાણા, રિચા ઘોષ, પૂજા વસ્ત્રાકર, દીપ્તિ શર્મા, મેઘના સિંહ, રાજેશ્વરી ગાયકવાડ
મહિલા વર્લ્ડ કપમાંથી ભારત બહાર, નો-બોલે રમત બગાડી, મિતાલી-ઝુલનનું સપનું ચકનાચૂર
દક્ષિણ આફ્રિકાને 4 બોલમાં 5 રનની જરુર છે
ગાયકવાડે પોતાની ઓવરના છેલ્લા બોલ પર પોતાના જ બોલ પર ક્લોનો કેચ પકડ્યો હતો. ક્લોએ 9 બોલમાં 17 રન બનાવ્યા હતા. જો કે તેણે તેની ઓવરમાં 14 રન પણ આપ્યા, પરંતુ છેલ્લી ઓવરમાં ફરી એકવાર વિકેટ લીધી.
વસ્ત્રાકરની ઓવરમાં છેલ્લા બે બોલમાં સતત બે ચોગ્ગા ફટકાર્યા હતા. આ સમયે એક બાઉન્ડ્રી પણ ભારતને ભારે પડી શકે છે. 4 ઓવર રમવાની બાકી છે અને દક્ષિણ આફ્રિકાને 34 રનની જરૂર છે.
ભારત-દક્ષિણ આફ્રિકા મેચ રોમાંચક બની છે. મેચ છેલ્લી ઓવરમાં અટકી જાય તેવું લાગે છે. સાઉથ આફ્રિકાની ઇનિંગ્સની 45 ઓવર રમાઈ છે. જેમાં તેણે 5 વિકેટ ગુમાવીને 230 રન બનાવ્યા છે. એટલે કે હવે તેને આગામી 5 ઓવરમાં વધુ 45 રન બનાવવાના છે.
હરમનપ્રીત કૌરે દક્ષિણ આફ્રિકા સામેની મહત્વની મેચને પોતાની બનાવી લીધી છે. તેણે પોતાની ફિલ્ડિંગ, બેટિંગ અને બોલિંગથી મેચને પોતાની બનાવી લીધી છે. તેણે હવે LBW બોલ કરીને દક્ષિણ આફ્રિકાના કેપ્ટનનો શિકાર કર્યો છે. આ મેચમાં તેની બીજી વિકેટ હતી. જોકે ફિલ્ડ અમ્પાયરે બેટ્સમેનને નોટઆઉટ આપ્યો હતો, પરંતુ ભારતે ડીઆરએસનો ઉપયોગ કરીને સફળતા હાંસલ કરી હતી.
Brilliant review from #TeamIndia 💪
Harmanpreet Kaur gets the prized scalp of Sune Luus, trapping her LBW for 22. #CWC22 pic.twitter.com/YuUkZaB1A0
— ICC Cricket World Cup (@cricketworldcup) March 27, 2022
ભારત અને દક્ષિણ આફ્રિકા વચ્ચે ક્રાઈસ્ટચર્ચમાં ચાલી રહેલી મેચ રોમાંચક બની ગઈ છે. ભારત વિકેટની શોધમાં છે. અને જો તે વિકેટ નહીં લે તો સ્કોર એટલો મોટો નથી કે જે દક્ષિણ આફ્રિકા હાંસલ ન કરી શકે. 35 ઓવરના અંતે દક્ષિણ આફ્રિકાનો સ્કોર 177 રન છે. તેની 7 વિકેટ બાકી છે. જો ભારતે મેચ જીતવી હોય તો આ વિકેટો લેવી પડશે. બીજી તરફ દક્ષિણ આફ્રિકા સામે 100થી ઓછા રન બાકી છે અને તેને હાંસલ કરવા માટે તેની પાસે 15 ઓવર બાકી છે.
Laura Wolvaardt is GONE ☝️
Harmanpreet Kaur delivers with the ball, as the South African batter walks back for 80! #CWC22 pic.twitter.com/KFwq9FTmiO
— ICC Cricket World Cup (@cricketworldcup) March 27, 2022
ભારત માટે સૌથી મોટી ચિંતાનુ કારણ વોલવાર્ટ બની હતી. તેની આક્રમક રમત ભારતના લક્ષ્ય તરફ દક્ષિણ આફ્રિકાને આગળ વધારી રહ્યુ હતુ. આ દરમિયાન હરમને તેને બોલ્ડ કરી દઇ ભારતને મહત્વની સફળતા અપાવી છે. આમ ભારતને ત્રીજી સફળતા મળી હતી.
લારા ગુડોલ ની વિકેટ ઝડપવામાં રાજેશ્વરી ગાયકવાડને સફળતા મળી છે. ભારતીય ટીમની વધતી ચિંતાને દૂર કરવાનો પ્રયાસ ગાયકવાડે કર્યો છે. ગુડોલે 69 બોલમાં 49 રન કર્યા હતા અને તેને કેચ આઉટ કરાવીને પેવેલિયન પરત મોકલી છે.
ગુડોલ અને વોલવાર્ટની ભાગીદારી રમત વધવા લાગી છે. ભારત વિકેટની શોધમાં છે અને બંનેની ભાગીદારી તોડવા માટે પ્રયાસ બોલરો કરી રહ્યા છે. પરંતુ ભારતને હજુ કોઇ જ તક મળી રહી નથી. આમ બંને વચ્ચે શતકીય ભાગીદારી રમત થતા ભારતની ચિંતા વધી છે.
🏏 ON TARGET
The partnership between Wolvaardt and Goodall is growing nicely to keep us on target with the required rate
🇿🇦 #MomentumProteas 107/1 after 20 overs
📺 Live on SuperSport
📝 Ball by Ball https://t.co/c1ztvrT95P#INDvSA #CWC22 #BePartOfTheForce #AlwaysRising— Cricket South Africa (@OfficialCSA) March 27, 2022
ભારત સાઉથ આફ્રિકાની આશાઓને ખતમ કરતા રોકવા માટે વિકેટની શોધમાં છે. પરંતુ તેની શોધનો અંત આવી રહ્યો નથી કારણ કે દક્ષિણ આફ્રિકાનો 22 વર્ષીય વોલવોર્ટ મધ્યમાં ઉભી છે. તેણે ફિફ્ટી ફટકારી છે. આ સાથે તે ટૂર્નામેન્ટમાં 400 રન પૂરા કરનાર પ્રથમ બેટ્સમેન પણ બની ગઈ છે. પરંતુ, તેની ઇનિંગ્સ હજુ પણ ચાલુ છે.
પૂજા વસ્ત્રાકર 16મી ઓવર લઇને આવી હતી, જેના પ્રથમ બોલ પર જ ગુડોલે બાઉન્ડરી માટે શોટ ફટકાર્યો હતો. રાજેશ્વરીએ બોલને રોકવા માટે પ્રયાસ કર્યો હતો. પરંતુ તે શોટ 4 રન માટે જ રહ્યો હતો.
A brilliant half-century from Laura Wolvaardt 🙌#CWC22 pic.twitter.com/TACZOKVF3W
— ICC Cricket World Cup (@cricketworldcup) March 27, 2022
લિઝેલ લી રન લેવા જતા ડાયરેક્ટ હીટથી આઉટ થઇ હતી અને પેવેલિયન પરત ફરી છે. લિઝેલે સીધા બોલને શોર્ટ મીડ વિકેટ પર રમ્યો હતો. જેને હરમનપ્રીતે રોકીને રન દોડવા જઇ રહેલી લીઝેલના સ્ટ્રાઇકર એન્ડ તરફના સ્ટંપને સીધો થ્રો મારતા તે રન આઉટ થઇ હતી.
Direct-hit 🎯
A brilliant piece of fielding from Harmanpreet Kaur gets the wicket of Lizelle Lee for 6. #CWC22 pic.twitter.com/vqRjGMm3xm
— ICC Cricket World Cup (@cricketworldcup) March 27, 2022
ભારતે 275 રનના આપેલા લક્ષ્ય સામે દક્ષિણ આફ્રિકાએ પિછો કરવાની શરુઆત કરી છે. લિઝેલ લી અને લોરા વુલફાર્ટએ ઇનીંગની શરુઆત કરી છે. ભારત તરફ થી મેઘના સિંહે પ્રથમ ઓવર લઇ આવી હતી. તેણે પ્રથમ ઓવરમાં માત્ર 1 જ રન આપ્યો હતો. જે રન વાઇડ બોલ પર એક્સ્ટ્રા રન મળતા દક્ષિણ આફ્રિકાનુ ખાતુ ખુલ્યુ હતુ.
ભારતના પૂર્વ કેપ્ટન અને ઓપનર અંજુમ ચોપરા ભારતના પ્રદર્શનથી નારાજ છે. તેણે કહ્યું કે ભારતે દક્ષિણ આફ્રિકા સામે 30-40 રન ઓછા કર્યા છે. સ્કોર બોર્ડ જે રીતે શરૂ થયું તેના કરતા મોટું હોવું જોઈએ. અંજુમે સ્ટાર સ્પોર્ટ્સ પર આ વાત કહી છે.
હરમનપ્રીત કૌર અડધી સદી ચૂકી ગઇ છે. તે 48 રનના સ્કોર પર જ પોતાની વિકેટ ગુમાવી બેઠી હતી. હરમનપ્રીતે શાનદાર રમત દર્શાવી હતી અને તે 50 આંકડાને પાર કરી લેશે એમ મનાતુ હતુ.
: After opting to bat first, India make 274-7 from 50 overs against South Africa. Shafali, Smriti and Mithali scored half-centuries while Harman made 48.
Details▶️ https://t.co/BWw8yYwlOS#TeamIndia | #CWC22 | #INDvSA pic.twitter.com/LrN0PcECSF
— BCCI Women (@BCCIWomen) March 27, 2022
રિચા ઘોષના રુપમાં ભારતે છઠ્ઠી વિકેટ ગુમાવી હતી. ભારતીય મહિલા ટીમે શાનદાર શરુઆત બાદ અંતમાં રમત ધીમી પડી હતી. રિચાએ 8 રન નોંધાવ્યા હતા.
ભારતીય ટીમ સાઉથ આફ્રિકા સામે 300 પ્લસ સ્કોર તરફ જોઈ રહી છે. પરંતુ, હાલના તબક્કે, દક્ષિણ આફ્રિકાના બોલરો તેના ઇરાદા પર પ્રભુત્વ ધરાવતા હોય તેવું લાગી રહ્યું છે. દક્ષિણ આફ્રિકાએ ભારતને 5મો ઝટકો આપ્યો છે. મિતાલી બાદ પૂજા વસ્ત્રાકર પણ આઉટ થઇ છે.
મિતાલી રાજની ઇનીંગ શાનદાર રહી છે. તે સમયે સમયે બાઉન્ડરી મેળવી રહી છે અને સ્કોર બોર્ડને આગળ વધારી રહી છે. 40મી ઓવરની શરુઆતે બાઉન્ડરી ફટકારી હતી.
મિતાલી રાજે મહત્વની મેચમાં કેપ્ટન ઇનીંગ રમી છે. મિતાલીએ જવાબદારી પૂર્વક રમત સંભાળતા તેણે અડધી સદી ફટકારી છે. મિતાલીએ સ્મૃતિ મંધાના સાથે મોટી ભાગીદારી રમત રમી હતી.
ભારતને દક્ષિણ આફ્રિકા સામે ત્રીજો ઝટકો લાગ્યો છે. આ વખતે વિકેટ સ્મૃતિ મંધાનાની પડી, જે 71 રન બનાવીને આઉટ થઈ ગઈ હતી. સ્મૃતિ દક્ષિણ આફ્રિકાના ઓલરાઉન્ડર ટાયરોન દ્વારા પકડાયેલા જબરદસ્ત કેચનો શિકાર બની હતી. આ રીતે ભારતના 33 ઓવર પછી 3 વિકેટે 179 રન થઈ ગયા છે.
દક્ષિણ આફ્રિકા સામે ભારતની બીજી અડધી સદીની ભાગીદારી જોવા મળી છે. શેફાલી અને સ્મૃતિ બાદ હવે સ્મૃતિ અને મિતાલી વચ્ચે અડધી સદીની ભાગીદારી છે. બંનેએ આ ભાગીદારી 70 બોલમાં કરી હતી. આ રીતે ભારતે 30 ઓવર બાદ 2 વિકેટે 165 રન બનાવી લીધા છે.
દક્ષિણ આફ્રિકા સામેની લડાઈમાં ભારતની સ્મૃતિ મંધાનાએ પણ બેટથી અડધી સદી ફટકારી છે. તેણે 69 બોલમાં પોતાની અડધી સદી પૂરી કરી હતી. મંધાનાની ODI કારકિર્દીની આ 22મી અડધી સદી છે.
Senior batter @mandhana_smriti brings up her 22nd ODI fifty in 69 balls with 4×4 and 1×6. India are 135-2 after 27 overs.
Follow the match ▶️ https://t.co/BWw8yYwlOS#TeamIndia | #CWC22 | #INDvSA pic.twitter.com/s2TjdTfhpL
— BCCI Women (@BCCIWomen) March 27, 2022
મિતાલી રાજે 21 મી ઓવર ના બીજા બોલે શાનદાર ચોગ્ગો ફટકાર્યો હતો. તેણે ટ્રેયોનના બાઉન્સર બોલ પર શોટ લગાવીને બોલને બાઉન્ડરીને પાર મોકલ્યો હતો.
યાસ્તિકા ભાટીયા આજે ખાસ કમાલ કરી શકી નહોતી. તે જાણે બોલને સમજવામાં થાપ ગઇ હોય એમ ટ્રેયોનના બોલ પર તે બોલ્ડ થઇ હતી. યાસ્તિકાએ 3 બોલનો સામનો કરીને માત્ર 2 રન કર્યા હતા. ભારત માટે આ બીજો મોટો ઝટકો હતો.
શેફાલી વર્મા અને સ્મૃતિ મંધાના વચ્ચે રન લેવામાં તાલમેલ જળાવાયો નહોતો અને બોલ ફિલ્ડરે શેફાલીની આક્રમક ઇનીંગનો અંત કરી દીધો હતો. કમનસીબ રીતે આઉટ થવાને લઇ વર્મા નિરાશ થઇ ગઇ હતી.
સ્મૃતિ મંધાનાએ 14 મી ઓવરના અંતિમ બોલ પર છગ્ગો ફટકાર્યો હતો. ડીપ મીડ વિકેટ પર મંધાનાએ આ બોલને ફટકાર્યો હતો. આમ આ ઓવરમાં 12 રન ભારતના ખાતામાં આવ્યા હતા.
શેફાલી વર્માએ 14મી ઓવરના ત્રીજા બોલ પર ચોગ્ગો ફટકાર્યો હતો. મીડ ઓન પર તેણે ફટકારેલો બોલ છગ્ગા માટે જઇ રહેલો લાગી રહ્યો હતો, પરંતે તે શોટ પર 4 રન શેફાલીને મળ્યા હતા. આ સાથે જ તેણે પોતાની અડધી સદી પૂર્ણ કરી હતી. તેણે 40 બોલમાં 50 રન પુરા કર્યા હતા.
મેરીઝન કાપ 8મી ઓવર લઇને આવી હતી. ઓવરના પ્રથમ 5 બોલ પર એક પણ રન આપ્યો નહોતો, પરંતુ તેનો સામનો કરી રહેલ સ્મૃતિ મંધાનાએ અંતિમ બોલ પર બોલને બાઉન્ડરીની પાર ફટકાર્યો હતો. બેકફુટ પર જઇને બોલને પુલ કરી દઇ ચાર રન મેળવ્યા હતા.
શેફાલી વર્માએ પાંચમી ઓવરના ચોથા બોલ પર એકસ્ટ્રા કવર પર ચોગ્ગો ફટકાર્યો હતો. આ ઓવરને આયાબોંગા ખાકા લઇ આવી હતી.
ભારતની શરુઆત શાનદાર રહી છે. ભારતીય ઓપનર શેફાલી વર્માએ આક્રમક અંદાજથી રમત રમી રહી છે. તેણે ત્રીજી ઓવરમાં સળંગ ત્રણ ચોગ્ગા ફટકારી છે. શબનીમ ઈસ્માઇલની ઓવરમાં વર્માએ આ કમાલ કર્યો હતો. ઓવરનો પહેલો બોલ લેગ સ્ટંપ પર હતો અને તેને ફાઇનલ લેગ તરફ રમી હતી. બીજો બોલ ઓફ સ્ટંપની બહાર હતો અને તેને બેકવર્ડ પોઇન્ટ પર રમી હતી. જ્યારે ત્રીજા ઓફ સાઇડના બહારના બોલ તરફ આવીને ફાઇન લેગ તરફ ફટકાર્યો હતો.
ભારતની ઝડપી બોલર ઝુલન ગોસ્વામીને દક્ષિણ આફ્રિકા સામેની મેચમાં જગ્યા મળી નથી. સમાચાર છે કે તેને સાઇડ સ્ટ્રેન છે. ઝુલન ગોસ્વામી પ્રથમ વખત વર્લ્ડ કપમાં કોઈ મેચ નહીં રમે. તેણે સતત 34 મેચ રમી છે. તેના સ્થાને મેઘના સિંહને દક્ષિણ આફ્રિકા સામેની ટીમમાં તક મળી છે. મેઘનાએ ટૂર્નામેન્ટમાં શાનદાર પ્રદર્શન કર્યું છે. જોકે, તે બાંગ્લાદેશ સામે છેલ્લી મેચ રમી ન હતી.
પ્રથમ, જો ભારત આજે જીતશે તો તે સીધું સેમીફાઈનલમાં જશે. બીજું, જો ભારતીય ટીમ હારશે તો વેસ્ટ ઈન્ડિઝ માટે આગળ જવાનો માર્ગ ખુલશે. અને ત્રીજું એ છે કે જો ભારતીય ટીમ પણ હારે છે અને બાંગ્લાદેશ પણ વેલિંગ્ટનની મેચમાં ઇંગ્લેન્ડને હરાવે છે, તો તે સ્થિતિમાં સેમિફાઇનલનો નિર્ણય નેટ રનરેટ દ્વારા નક્કી કરવામાં આવશે.
સ્મૃતિ મંધાના, યાસ્તિકા ભાટિયા, મિતાલી રાજ, શેફાલી વર્મા, હરમનપ્રીત કૌર, સ્નેહ રાણા, રિચા ઘોષ, પૂજા વસ્ત્રાકર, દીપ્તિ શર્મા, મેઘના સિંહ અને રાજેશ્વરી ગાયકવાડ.
Good morning and a warm welcome to our coverage of Match 28, the final group game of #CWC22.
Captain @M_Raj03 has won the toss and opted to bat first. #TeamIndia | #INDvSA
Details – ▶️ https://t.co/BWw8yYwlOS pic.twitter.com/RQ7KoqGJ4m
— BCCI Women (@BCCIWomen) March 27, 2022
સાઉથ આફ્રિકા સામેની મહત્વની મેચમાં ભારતે ટોસ જીતીને પ્રથમ બેટિંગ કરવાનો નિર્ણય કર્યો હતો. આજની મેચ માટે ભારતીય ટીમમાં બે ફેરફાર કરવામાં આવ્યા છે. ઝુલન ગોસ્વામીના સ્થાને મેઘના સિંહ જ્યારે પૂનમ યાદવની જગ્યાએ દીપ્તિ શર્માને લાવવામાં આવી છે.
#TeamIndia have won the toss in this all-important clash against #TeamSouthAfrica and have elected to bat first.#CWC22 pic.twitter.com/dtdmz9eNi6
— ICC (@ICC) March 27, 2022
Published On - 6:34 am, Sun, 27 March 22