India vs West Indies, Women’s World Cup 2022, Live Score Highlight: ભારતે મેળવ્યો શાનદાર વિજય, સ્નેહ રાણાની 3 વિકેટ

દીપ્તિ શર્માએ નેશનને રન આઉટ કરીને પેવેલિયન પરત મોકલી છે. નેશને 48 બોલમાં 19 કર્યા હતા. આમ હવે ભારત મોટી જીત થી માત્ર 1 વિકેટ દુર છે.

ઝૂલન ગોસ્વામીની ઓવર દરમિયા ચિડયન નેશને બાઉન્ડરી લગાવી હતી. એક તરફ વેસ્ટ ઇન્ડિઝની ટીમ હાલમાં સંઘર્ષની સ્થિતીમાં છે એવા સમયે નેશને બાઉન્ડરી વડે આશાઓ જીવંત રાખવા પ્રયાસ કર્યો છે.

પ્રથમ રન લીધા બાદ બીજો રન લેવા જવા દરમિયાન આલિયા અલીને રન આઉટ વિકેટ ગુમાવી હતી. રાજેશ્વરી અને સ્નેહ રાણાએ સારા તાલમેલ વડે વિકેટ ઝડપી હતી.

આલિયા અલીને રાજેશ્વરની ઓવરમાં એક આસાન શોટ રમીને બાઉન્ડરી મેળવી હતી. વેસ્ટ ઇન્ડિઝની ટીમ હાલમાં સંઘર્ષની સ્થિતી અનુભવી રહી છે. આ પહેલા તેના 100 રન ઝડપથી નોંધાવ્યા હતા.

ભારત હવે મોટી જીત થી 4 વિકેટ દૂર છે. અને તે અંતર હાલમાં ભારતીય બોલીંગના આક્રમણને જોતા હવે વધારે દુર નથી લાગતુ ચિનેલી હેનરી ને પણ હવે પેવેલિયન તરફ ચાલતી કરી દીધી છે. રાજેશ્વરી ગાયકવાડે તેને એલબીડબલ્યુ શિકાર કર્યો હતો.

વેસ્ટ ઇન્ડિઝ ટીમ તેની 5 વિકેટ ગુમાવીને દબાણની સ્થિતી અનુભવી રહ્યુ છે. ત્યા પૂજા વસ્ત્રાકરના બોલ પર ચિનેલી હેનરીએ બાઉન્ડરી ફટકારીને સ્કોર બોર્ડને આગળ વધારવા માટે પ્રયાસ કર્યો છે.

કેમ્પબેલે 11 રનની ઇનીંગ રમીને પેવેલિયન પરત ફરી છે. આ સાથે જ ભારત હવે એક મોટી જીત તરફ આગળ વધવા લાગ્યુ છે. પૂજા વસ્ત્રાકરે કેમ્પબેલેનો શિકાર ઝડપ્યો હતો.

હેલે આક્રમક રમત અપનાવી હતી અને તેણે ડોટિન સાથે મળીને ભારતની ચિંતા વધારી હતી. પરંતુ ડોટિન બાદ તેની રમત ધીમી પડવા સાથે હવે તેને સ્નેહ રાણાએ પોતાનો શિકાર બનાવ્યો છે. હેલે 36 બોલમાં 43 રન કરીને પેવેલિયન પરત ફરી છે. આમ ભારતીય ટીમને હવે રાહત મળી છે.

મેઘના સિંહે વેસ્ટ ઇન્ડિઝ કેપ્ટન સ્ટેફની ટેલરની વિકેટ ઝડપી છે. તેણે રિચા ઘોષના હાથમાં કેચ આઉટ કરાવતા કેપ્ટને માત્ર એક જ રન કરીને પેવેલિયન પરત ફરવુ પડ્યુ હતુ.

ભારતીય ટીમને બીજી વિકેટ મેળવવામાં સફળતા મળી છે. કે નાઇટ નો મેઘના સિંહે શિકાર કર્યો હતો. નાઇટે સ્મૃતિના હાથમાં કેચ આપચા તે 10 બોલમાં 1 રન કરીને પેવેલિયન પરત ફરી હતી. વેસ્ટ ઇન્ડિઝની રમત હવે ધીમી પડી હતી.

ડિઆન્ડ્રા ડોટિન અર્ધશતકીય ઇનીગ રમી હતી. તેની તોફાની રમત ભારતની મુશ્કેલીઓ વધારી રહી હતી. એવા સમયે સ્નેહ રાણાએ શાનદાર રીતે ડોટિનની વિકેટ ઝડપી હતી. મેઘના સિંહે તેનો કેચ ઝડપ્યો હતો.

ભારતના વિશાળ સ્કોર સામે વેસ્ટ ઇન્ડિઝે શરુઆતથી જ આક્રમક રમત શરુ કરી છે. ડોટિને આક્રમક રમક રમીને 35 બોલમાં 50 રન ફટકાર્યા છે. તેણે દીપ્તિ શર્માની ઓવરમાં છગ્ગો ફટકારીને પોતાની અડધી સદી પુરી કરી હતી. ભારત માટે ડોટિન અને હેલેની જોડી મુશ્કેલ સાબિત થઇ શકે છે.

રાજેશ્વરી ગાયકવાડે હેલે મેથ્યુઝને પોતાની જાળમાં ફસાવતો કેચ નો મોકો સર્જ્યો હતો. પરંતુ તાનિયા ભાટીયાએ આ મોકો ગુમાવ્યો હતો. હેલેનો કેચ ગુમાવવાને લઇને ભારતને મળેલી તક હાથમાંથી સરી ગઇ હતી.

ઝૂલન ગોસ્વામી 5મી ઓવર લઇને આવી હતી. જેમાં હેલે મેથ્યુઝે સળંગ ત્રણ ચોગ્ગા ફટકાર્યા હતા. પ્રથમ ત્રણેય બોલ પર બાઉન્ડરી બાદ અંતિમ બંને બોલ પર પણ બાઉન્ડરી મેળવી હતી. જેને પાંચમી ઓવરમાં 21 રન વેસ્ટ ઇન્ડિઝે મેળવ્યા હતા. આમ 5 ઓવરના અંતે કેરેબિયન ટીમનો સ્કોર 50 રન પર પહોંચ્યો હતો.

ત્રીજી ઓવરમાં જમણા હાથની બેટ્સમેન ડિઆન્ડ્રા ડોટિને સતત બે ચોગ્ગા ફટકાર્યા હતા. ગોસ્વામીની ઓવરના ચોથા બોલ પર, તેણે મિડ-વિકેટ પર પ્રથમ ચોગ્ગો ફટકાર્યો. તે જ સમયે, પાંચમા બોલ પર, તેણે વધારાના કવર પર ચોગ્ગો ફટકાર્યો. આ ઓવરમાં એકંદરે નવ રન આવ્યા.

વેસ્ટ ઈન્ડિઝની બેટિંગ શરૂ થઈ ગઈ છે. ડિઆન્ડ્રા ડોટિન અને હેલી મેથ્યુઝ ઓપનિંગ કરવા માટે મેદાનમાં ઉતર્યા છે, જ્યારે અનુભવી ઝડપી બોલર ઝુલન ગોસ્વામી ભારત માટે બોલિંગની શરૂઆત કરી છે.

ભારતે 50 ઓવરમાં 8 વિકેટ ગુમાવીને 317 રન બનાવ્યા હતા. ભારત તરફથી સ્મૃતિ મંધાનાએ 123, હરમનપ્રીત કૌરે 109 અને યાસ્તિકા ભાટિયાએ 31 રન બનાવ્યા હતા. કૌર અને સ્મૃતિની શાનદાર ભાગીદારીએ ટીમને વર્લ્ડકપમાં પ્રથમ વખત 300થી આગળ પહોંચાડી હતી.વેસ્ટ ઈન્ડિઝની વાત કરીએ તો અનીસા મોહમ્મદને બે, આલિયા, ડિઆન્ડ્રા ડોટિન, શકેરા સેલમેન, હેલી મેથ્યુસ અને શામિલિયા કોનેલે 1-1 વિકેટ મળી હતી.

311 ના સ્કોર થી 315 સુધીમાં ભારતે ત્રીજી વિકેટ ગુમાવી દીધી છે. જોકે ભારતીય ટીમ બે શતકીય ઇનીંગને લઇને મજબૂત સ્થિતીમાં છે. ઝૂલન ગોસ્વામી નિયમીત કરતા થોડા ઉપરના ક્રમે રમતમાં આવી હતી. પરંતુ તે ઝડપથી પરત ફરી છે. આમ ભારતે 8મી વિકેટ ગુમાવી છે.

109 રનની ઇનીંગ રમીને હરમનપ્રીત પેવેલિયન પરત ફરી હતી. તેણે 107 બોલમાં 10 ચોગ્ગા અને 2 છગ્ગા સાથે આ વિશાળ ઇનીંગ રમી હતી.

વેસ્ટ ઈન્ડિઝે 47મી ઓવરના બીજા બોલ પર રિચા ઘોષને રનઆઉટ કરી દીધી હતી. સિંગલ રન લીધા પછી, રિચા બીજો લેવા દોડી હતી પરંતુ કેમ્પબેલે કવરમાંથી બોલ હેલી મેથ્યુસ તરફ ફેંક્યો જેણે સ્ટમ્પને ઉડાવી દીધા અને તેને પેવેલિયન પરત મોકલી દીધી હતી. રિચાએ 10 બોલમાં માત્ર પાંચ રન બનાવ્યા હતા.

આલિયા એલેને 47મી ઓવરના પહેલા જ બોલ પર લોંગ ઓન શોટ રમ્યો અને પોતાની સદી પૂરી કરી. 100 બોલમાં 100 રન પૂરા કર્યા હતા. અત્યાર સુધીમાં 8 ચોગ્ગા અને બે છગ્ગા ફટકાર્યા છે. વર્લ્ડ કપમાં આ તેની ત્રીજી સદી છે. તેણે આજે અંતિમ મેચની કમી પૂરી કરી હતી.

કોનેલ 42મી ઓવરમાં આવી હતી અને આ વખતે મંધાનાને પેવેલિયન મોકલી હતી. ઓવરના ત્રીજા બોલ પર, મંધાનાએ ડીપ મિડ પર શોટ રમી હતી, સેલમેને દોડીને કેચ લીધો અને મંધાનાની ઇનિંગ્સનો અંત કર્યો હતો. મંધાનાની શાનદાર ઇનિંગ્સ. 119 બોલમાં 123 રન બનાવ્યા. પોતાની ઇનિંગમાં તેણે 13 ચોગ્ગા અને બે છગ્ગા ફટકાર્યા હતા. હરમપ્રીત સાથેની સારી ભાગીદારીએ તેની ટીમને મજબૂત સ્થિતિમાં પહોંચાડી છે.

40 મી ઓવરમાં સ્મૃતિ મંધાના એ બાઉન્ડરી ફટકારીને પોતાનુ શતક પૂર્ણ કર્યુ હતુ. તેણે 2 છગ્ગા અને 9 ચોગ્ગા સાથેની રમત વડે મહત્વના સમયે ઉપયોગી શતક નોંધાવ્યુ છે. આ દરમિયાન હરમનપ્રીતે પણ તેને સારો સાથ પુરાવ્યો હતો અને બંને વચ્ચે 150 કરતા વધુ રનની ભાગીદારી રમત નોંધાઇ છે.

મંધાનાએ શાનદાર ઇનીંગ રમી છે અને હવે શતકની નજીક પહોંચી ચુકી છે. આ દરમિયાન તેણે વધુ સિક્સર ફટકારી છે. મંધાનાએ મહત્વની મેચમાં શાનદાર પ્રદર્શન કરીને ટૂર્નામેન્ટમાં ભારતનુ સ્થાન મજબૂત કરવાનો પ્રયાસ કર્યો છે. આમ ભારતનો સ્કોર પણ વિશાળ કરવા તરફ પ્રયાસ કર્યો છે.

હરમનપ્રીત કૌરે જરુરિયાતના સમયે શાનદાર અર્ધશતકીય ઇનીંગ રમી છે. 33 મી ઓવરના અંતિમ બોલ પર સેલમને નો બોલ ડીલીવરી કરી હતી. જેને લઇને મળેલા મોકા પર હરમનપ્રીતે બાઉન્ડરી ફટકારીને પોતાનુ અર્ધશતક પુર્ણ કર્યુ હતુ.

સ્મૃતિ મધાનાએ શાનદાર પ્રદર્શન કર્યુ છે. તેણે જબરદસ્ત રમત દરમિયાન એક વિશાળ છગ્ગો ફટકાર્યો હતો. જે લગભગ 80 મીટર લાંબો હતો. સકેરા સેલમનના બોલ પર આ છગ્ગો ફટકાર્યો હતો.

સ્મૃતિ મંધાનાએ શાનદાર રમત દર્શાવી છે. તેણે અર્ધશતકીય ઇનીંગ રમી છે. ઓપનર મંધાનાએ પોતાનો છેડો સાચવી રાખીને જવાબદારી પૂર્વક રમત રમી ને ભારતને એક સારા સ્કોર તરફ આગળ વધાર્યુ છે. મંધાનાએ અડધી સદી દરમ્યાન 6 ચોગ્ગા ફટકાર્યા હતા.

હેલે મેથ્યુઝના બોલ પર બાઉન્ડરી ફટકારતા બોલ હવામાં રહ્યો હતો અને નિચે ફિલ્ડર પણ હાજર હોવાને લઇને એક સમયે શ્વાસ ઉંચો થઇ ગયો હતો. પરંતુ નસીબદાર રહેતા બોલ કેચ થઇ શક્યો નહોતો અને બોલ બાઉન્ડરી તરફ જતા ભારતના સ્કોરમાં 4 રન ઉમેરાયા હતા. આ પહેલા કૌરે ત્રીજા બોલ પર પણ એક બાઉન્ડરી ફટકારી હતી. આમ ઓવરમાં બીજો ચોગ્ગો મળ્યો હતો.

ડિઆન્ડ્રા ડોટિન 23 મી ઓવર લઇને આવી હતી, તેના 5 માં બોલનો સામનો કરી રહેલ સ્મૃતિ મંધાનાએ શાનદાર ચોગ્ગો ફટકાર્યો હતો. બહારની તરફના બોલ પર તેણે આ ચોગ્ગો લગાવ્યો હતો.

20 મી ઓવરના અંતે ભારતનો સ્કોર 100 રન પર પહોંચ્યો હતો. ભારતે 3 વિકેટ ગુમાવીને આ સ્કોર પાર કર્યો હતો. હરમનપ્રીત કૌર અને સ્મૃતિ મંધાના બંને ક્રિઝ પર છે અને ભારતીય ટીમના સન્માનજનક સ્કોરની જવાબદારી પણ તેમની પર છે.

18 મી ઓવર લઇને આવેલ અનિસા મોહમ્મદના પાંચમાં બોલ પર હરમનપ્રીત કૌરે ચોગ્ગો ફટકાર્યો હતો. તેણે ગેપમાંથી બોલને નિકાળીને સિધો જ બાઉન્ડરીના પાર મોકલ્યો હતો.

દીપ્તિ શર્મા પિચ પર સેટ થઇ રમવા લાગી હતી એવા સમયે જ તેણે વિકેટ ગુમાવી હતી. તેને અનિસા મોહમ્મદે કેચ આઉટ કરાવી પેવેલિયન પરત મોકલી હતી. દીપ્તિએ 21 બોલમાં 15 રનની ઇનીંગ રમી હતી. આ દરમિયાન તેણે 2 બાઉન્ડરી ફટકારી હતી.

13 મી ઓવરમાં દીપ્તિ શર્માએ બાઉન્ડરી ફટકારી હતી. ત્રીજા અને પાંચમા બોલ પર દીપ્તિ શર્માએ ચોગ્ગો ફટકાર્યા હતા. આ ઓવરમાં ભારતને બંને બાઉન્ડરી વડે 8 રન મળતા સ્કોર 77 રને પહોંચ્યો હતો

ભારતીય ટીમની કેપ્ટન મિતાલી રાજ પાસે આજે ખૂબ અપેક્ષા વર્તાઇ રહી હતી. પરંતુ તે માત્ર 5 રનની ઇનીંગ રમીને પેવેલિયન પરત ફરી હતી. આ માટે તેણે 11 બોલનો સામનો કર્યો હતો. આ દરમિયાન તેણે 1 ચોગ્ગો ફટકાર્યો હતો. તેને હેલે મેથ્યુઝે આઉટ કરી હતી.

આક્રમક અંદાજમાં રમી રહેલી યાસ્તિકા ભાટીયા શાકેરા સેલમનની શિકાર બની હતી. તે 21 બોલમાં 31 રન બનાવીને આઉટ થઇ હતી. તેમે ઇનીંગમાં 6 ચોગ્ગા ફટકાર્યા હતા.

છઠ્ઠી ઓવરમાં પણ બાઉન્ડરીનો સિલસિલો જારી રહ્યો હતો. સ્મૃતિ મંધાનાએ હેલે મેથ્યુઝના બોલ પર મીડ ઓફ પર શાનદાર બાઉન્ડરી ફટકારી હતી.

શમિલાના બોલ પર મંધાના યાસ્તિકાના એક રન બાદ સ્ટ્રાઇક પર આવતા પાંચમા બોલ પર બાઉન્ડરી લગાવી હતી. આમ પાંચમી ઓવરમાં ત્રણ ચોગ્ગા આવતા એક રન એકસ્ટ્રા સહિત ભારતને 15 રન મળ્યા હતા.

શમિલા કોનેલ ઇનીંગની પાંચમી ઓવર લઇને આવી હતી. જેનો પ્રથમ બોલ વાઇડ ફેંક્યો હતો. ઓવરના બીજા અને ત્રીજા બોલ પર યાસ્તિકાએ શાનદાર બે ચોગ્ગા લગાવ્યા હતા. આમ યાસ્તિકાએ શરુઆત આક્રમક દર્શાવતા કેરેબિયન કેમ્પમાં સન્નાટો છવાઇ ગયો હતો.

આ પછી યાસ્તિકાએ બીજી ઓવરમાં યાસ્તિકાએ આક્રમક અંદાજ બતાવ્યો હતો. ચિનેલી હેનરી બીજી ઓવર લઇને આવી હતી. તેના બીજા, ત્રીજા અને ચોથા બોલ પર યાસ્તિકા ભાટીયાએ શાનદાર બાઉન્ડરી લગાવી હતી. હેનરીએ બીજા બોલ પર ચોગ્ગો ખાધા બાદ ત્રીજો બોલ વાઇડ કર્યો હતો. જેના આગળના યોગ્ય બોલ અને બાદના બોલ પર સળંગ બાઉન્ડરી ભાટીયાએ લગાવી હતી.

ભારત તરફથી યાસ્તિકા ભાટિયા અને સ્મૃતિ મંધાના ઓપનિંગ કરવા ઉતર્યા છે. બંને બેટ્સમેનોએ પ્રથમ ઓવરમાં એક ચોગ્ગા સાથે 6 રન બનાવ્યા હતા. આ ચાર રન યાસ્તિકાના બેટમાંથી નીકળ્યા હતા.

વેસ્ટ ઈન્ડિઝ ટીમ: ડિઆન્ડ્રા ડોટિન, હેલે મેથ્યુસ, કે. નાઈટ, સ્ટેફની ટેલર (સી), શીમન કેમ્પબેલ, ચિનેલી હેનરી, આલિયા અલીન, અનીસા મોહમ્મદ, શકેરા સેલમન, શમિલા કોનેલ

ભારતીય ટીમઃ સ્મૃતિ મંધાના, યાસ્તિકા ભાટિયા, દીપ્તિ શર્મા, મિતાલી રાજ (કેપ્ટન), હરમનપ્રીત કૌર, રિચા ઘોષ, સ્નેહ રાણા, પૂજા વસ્ત્રાકર, ઝુલન ગોસ્વામી