ભારત અને પાકિસ્તાન વચ્ચે T20 મહિલા વિશ્વકપની લીગ મેચ રમાઈ રહી છે. કેપટાઉનમાં રમાઈ રહેલી T20 મેચમાં પાકિસ્તાની સુકાની બિસ્માહ મારુફે ટોસ જીતીને પ્રથમ બેટિંગ પસંદ કરી હતી. આમ ટોસ હારીને ભારતીય ટીમ પ્રથમ બોલિંગ કરશે. ભારતીય ઉપસુકાની સ્મૃતિ મંધાના ઈજાને લઈ આજની મેચથી બહાર રહેવા મજબૂર રહી છે. ઓસ્ટ્રેલિયા સામેની વોર્મ અપ મેચમાં તેને ઈજા પહોંચી હતી. જેને લઈ તેને બહાર રાખવામાં આવી હતી. ટીમમાં હરલીન દેઓલનો સમાવેશ કરવામાં આવ્યો છે. જ્યારે વડોદરાની યાસ્તિકા ભાટીયાનો પણ ટીમમાં બેટર તરીકે સમાવેશ કરવામાં આવ્યો છે.
સ્મૃતિ મંધાનાની ગેરહાજરીમાં ઓપનીંગ માટેની જવાબદારી શેફાલી વર્મા સંભાળશે. શેફાલીએ તોફાની શરુઆત કરવાની જવાબદારી નિભાવવી પડશે. હરમનપ્રીત પણ તેની સાથે જવાબદારી વધી જશે. મધ્યમ ક્રમમાં જેમિમા રોડ્રિગ્ઝે પણ પોતાનો દમ દેખાડવો આજે જરુરી બનશે.
ટોસ સમયે હરમનપ્રીતે કહ્યું, “અમે પણ પહેલા બેટિંગ કરવા માંગતા હતા કારણ કે આ પીચ સૂકી છે. મંધાના થોડા દિવસોમાં ઠીક થઈ જશે. પરંતુ આજે અમારે ટીમમાં વધારાના બેટ્સમેનનો સમાવેશ કરવો પડશે. હરલીન દેઓલ ટીમમાં આવી છે. શિખાને બહાર જવાનું છે. મને લાગે છે કે આ વિકેટો અમને મદદ કરશે. અમારી બોલિંગ ઘણી સારી છે. અગાઉ અમારા બોલરોએ ત્રિકોણીય શ્રેણીમાં સારું પ્રદર્શન કર્યું હતું”.
🚨 Toss Update 🚨
Pakistan elect to bat first.
A look at our Playing XI 👌
Follow the Match ▶️ https://t.co/nQV0zdlagu#TeamIndia | #INDvPAK | #T20WorldCup pic.twitter.com/hPJeUMCrbQ
— BCCI Women (@BCCIWomen) February 12, 2023
ICC Women’s T20 WC 2023. PAKISTAN XI: B Maroof (c), J Khan, M Ali (wk), N Dar, A Naseem, A Riaz, F Sana, S Ameen, A Anwer, N Sandhu, S Iqbal. https://t.co/OyRDtC9SWK #INDvPAK #T20WorldCup
— BCCI Women (@BCCIWomen) February 12, 2023
ભારતીય મહિલા ટીમઃ હરમનપ્રીત કૌર (કેપ્ટન), શેફાલી વર્મા, યાસ્તિકા ભાટિયા, જેમિમા રોડ્રિગ્સ, હરલીન દેઓલ, રિચા ઘોષ (વિકેટકીપર), દીપ્તિ શર્મા, પૂજા વસ્ત્રાકર, રાધા યાદવ, રાજેશ્વરી ગાયકવાડ, રેણુકા ઠાકુર સિંહ.
પાકિસ્તાન મહિલા ટીમઃ બિસ્માહ મહરૂફ (કેપ્ટન), જવેરિયા ખાન, મુનીબ અલી (વિકેટકીપર), નિદા દાર, સિદરા અમીન, આલિયા રિયાઝ, આયેશા નસીમ, ફાતિમા સના, આયમાન અનવર, નશરા સંધુ, સાદિયા ઈકબાલ
Published On - 6:24 pm, Sun, 12 February 23