Ind vs Pak ICC World Cup Highlights : પાકિસ્તાન સામે ભારતની શાનદાર જીત, 7 વિકેટથી અમદાવાદમાં મેળવી જીત

વર્લ્ડ કપની 12મી મેચમાં ભારતે પાકિસ્તાનને સાત વિકેટે હરાવ્યું હતું. ભારતે ટૂર્નામેન્ટમાં સતત ત્રીજી જીત હાંસલ કરી છે. હવે તેણે ઓસ્ટ્રેલિયા અને અફઘાનિસ્તાન સામે તેના કટ્ટર હરીફોને પણ હરાવ્યા છે. તેના હવે ત્રણ મેચમાં છ પોઈન્ટ છે. ટીમ ઈન્ડિયાની આગામી મેચ 19 ઓક્ટોબરે પુણેમાં બાંગ્લાદેશ સામે થશે. આ સાથે જ પાકિસ્તાનની ટીમ 20મીએ બેંગ્લોરમાં ઓસ્ટ્રેલિયા સામે રમશે.

ભારતને ત્રીજો ઝટકો રોહિત શર્માના રૂપમાં લાગ્યો હતો. તે સતત બીજી મેચમાં સદી ફટકારવામાં ચૂકી ગયો હતો. રોહિત 86 રન બનાવીને આઉટ થયો હતો. ઈફ્તિખાર અહેમદે શાહીન આફ્રિદીના બોલ પર કેચ પકડ્યો હતો. રોહિતે પોતાની ઇનિંગમાં છ ચોગ્ગા અને છ છગ્ગા ફટકાર્યા હતા.

ભારતીય ટીમે 21 ઓવરમાં બે વિકેટે 154 રન બનાવ્યા છે. કેપ્ટન રોહિત શર્મા 85 અને શ્રેયસ અય્યર 35 રન બનાવીને અણનમ છે. બંનેએ ત્રીજી વિકેટ માટે 75 રનની ભાગીદારી કરી છે. ટીમ ઈન્ડિયાને જીતવા માટે 38 રનની જરૂર છે.

રોહિત શર્માએ પાકિસ્તાન સામે પોતાની અડધી સદી પૂરી કરી હતી. ભારતે 15 ઓવરમાં બે વિકેટે 111 રન બનાવ્યા છે. રોહિત 61 અને શ્રેયસ અય્યર 16 રન બનાવીને અણનમ છે. ભારતે જીતવા માટે 35 ઓવરમાં 81 રન બનાવવાના છે.

ભારતને બીજો ઝટકો વિરાટ કોહલીના રૂપમાં લાગ્યો છે. તે 16 રન બનાવીને આઉટ થયો હતો. હસન અલીએ તેને 10મી ઓવરના પાંચમા બોલ પર મોહમ્મદ નવાઝના હાથે કેચ આઉટ કરાવ્યો હતો. કોહલીએ 18 બોલનો સામનો કર્યો હતો. આ દરમિયાન તેણે ત્રણ ચોગ્ગા ફટકાર્યા હતા.

ભારતનો સ્કોર એક વિકેટના નુકસાન સાથે 60 રનને પાર કરી ગયો છે. વિરાટ કોહલી અને રોહિત શર્મા ક્રિઝ પર છે. બંને સારી બેટિંગ કરી રહ્યા છે અને આકર્ષક શોટ્સ રમી રહ્યા છે. રોહિત શર્માએ આજે 3-4 સિક્સર ફટકારીને વનડેમાં 300 સિક્સર પૂરી કરી છે. તે વનડેમાં 300 સિક્સર ફટકારનાર ત્રીજો બેટ્સમેન છે.

શાહીન આફ્રિદીએ પાકિસ્તાનને પ્રથમ સફળતા અપાવી. તેણે ત્રીજી ઓવરના પાંચમા બોલ પર શુભમન ગિલને આઉટ કર્યો. ગિલ 11 બોલમાં 16 રન બનાવીને આઉટ થયો હતો. તેણે ચાર ચોગ્ગા ફટકાર્યા હતા. ગિલ શાદાબ ખાનના હાથે કેચ થયો હતો. ભારતે ત્રણ ઓવરમાં એક વિકેટે 23 રન બનાવ્યા છે. રોહિત શર્મા સાથે વિરાટ કોહલી ક્રિઝ પર છે.

પાકિસ્તાન સામે ભારતની ઇનિંગ શરૂ થઈ ગઈ છે. શુબમન ગિલ કેપ્ટન રોહિત શર્મા સાથે ક્રિઝ પર આવ્યો છે. રોહિતે શાહીન આફ્રિદીની પ્રથમ ઓવરમાં આક્રમક વલણ અપનાવ્યું હતું. તેણે પહેલા જ બોલ પર ચોગ્ગો ફટકાર્યો હતો. તે પછી તેણે એક રન લીધો અને શુભમન ગિલને સ્ટ્રાઇક આપી. શુભમને પણ શાહીનને ચોગ્ગો ફટકાર્યો હતો. ભારતે એક ઓવરમાં કોઈપણ નુકશાન વિના 10 રન બનાવ્યા છે. રોહિત શર્મા પાંચ રન અને શુભમન ગિલ ચાર રન બનાવીને અણનમ છે.

પાકિસ્તાન ક્રિકેટ ટીમના પૂર્વ દિગ્ગજ ક્રિકેટર Shoaib Akhtarએ એક વીડિયો ટ્વિટર પર ટ્વિટ કરીને પાકિસ્તાની ટીમની ઝાટકણી કાઢી છે.

ODI વર્લ્ડ કપની 12મી મેચમાં ભારતનો મુકાબલો પાકિસ્તાન સામે છે. બંને ટીમો વચ્ચેની આ મેચ અમદાવાદના નરેન્દ્ર મોદી સ્ટેડિયમમાં રમાઈ રહી છે. ભારતીય કેપ્ટન રોહિત શર્માએ ટોસ જીતીને બોલિંગ કરવાનો નિર્ણય કર્યો હતો. પાકિસ્તાનની ટીમ 42.5 ઓવરમાં 191 રનમાં સમેટાઈ ગઈ હતી. ભારતને જીતવા માટે 192 રનનો ટાર્ગેટ મળ્યો છે.

હાર્દિક પંડ્યાએ ભારતને આઠમી સફળતા અપાવી હતી. તેણે 40મી ઓવરના છેલ્લા બોલ પર મોહમ્મદ નવાઝને આઉટ કર્યો હતો. નવાઝ 14 બોલમાં 4 રન બનાવીને જસપ્રિત બુમરાહના હાથે કેચ આઉટ થયો હતો. જે બાદ રવિન્દ્ર જાડેજાએ આગામી ઓવરના પહેલા બોલ પર હસન અલીને આઉટ કર્યો હતો. હસને 19 બોલમાં 12 રન બનાવ્યા હતા. શુભમન ગીલે તેનો કેચ પકડ્યો હતો. પાકિસ્તાને 41 ઓવરમાં નવ વિકેટે 189 રન બનાવ્યા છે. શાહીન આફ્રિદી અને હરિસ રઉફ ક્રિઝ પર છે.

પાકિસ્તાનના સાત બેટ્સમેન પેવેલિયન પરત ફર્યા હતા. જસપ્રીત બુમરાહે 36મી ઓવરના બીજા બોલ પર શાદાબ ખાનને ક્લીન બોલ્ડ કર્યો હતો. શાદાબ પાંચ બોલમાં માત્ર બે રન બનાવી શક્યો હતો. હવે હસન અલી મોહમ્મદ નવાઝ સાથે ક્રિઝ પર છે.

કુલદીપ યાદવની ઓવરમાં પાકિસ્તાની ટીમની 2 વિકેટ પડી છે. સઈદ શકીલને આઉટ કર્યા બાદ કુલદીપ યાદવે ઈફ્તિખાર અહેમદને પણ પેવેલિયન મોકલ્યો હતો. ઈફ્તિખાર ચાર બોલમાં ચાર રન બનાવીને ક્લીન બોલ્ડ થયો હતો. કુલદીપને મેચમાં બીજી સફળતા મળી હતી.

પાકિસ્તાનના કેપ્ટન બાબર આઝમે પોતાની અડધી સદી પૂરી કરી લીધી છે. બાબરે ભારત વિરૂદ્ધ ODIમાં પોતાની પ્રથમ અડધી સદી ફટકારી હતી. પાકિસ્તાને પણ પોતાના 150 રન પૂરા કરી લીધા છે. સિરાજની ઓવરમાં પાકિસ્તાની કેપ્ટન બાબર આઝમ આઉટ થયો હતો.

Ind Vs Pak ICC World Cup live score : બે વિકેટ પડ્યા બાદ બાબર આઝમ અને મોહમ્મદ રિઝવાને પાકિસ્તાનની ઇનિંગને આગળ વધારી હતી અને બંને હવે સેટ થઈ ચૂક્યા છે. બંને મેદાનમાં સારા શોર્ટ ફટકારી રહ્યા છે. રિઝવાને કુલદીપને જોરદાર બાઉન્ડ્રી ફટકારી હતી.

India Vs Pakistan Cricket Match live score : પહેલી બે વિકેટ જલ્દી ગુમાવ્યા બાદ ભારત સામે પાકિસ્તાની કેપ્ટન બાબર આઝમ અને અનુભવી બેસ્ટમેન મોહમ્મદ રિઝવાને મક્કમ બેટિંગ કરતાં પાર્ટનરશિપ આગળ વધારી હતી. પાકિસ્તાને 100 રનના સ્કોરને પણ પાર કર્યો હતો.

14 ઓવરમાં પાકિસ્તાનનો સ્કોર 75 રને પહોચ્યો છે, જ્યારે 13 ઓવરમાં lbw માટે અપીલ કરી હતી, જો કે અંપાયરે આઉટ આપ્યો હતો, જો કે ટીવી અંપાયરે તેને રીવ્યુ કરીને જોતા તે નોટ આઉટ હતો.

પાકિસ્તાનના બીજી વિકેટ પડી છે, ઈમામ 38 રન બનાવી ને આઉટ થયો છે, હાર્દિક પંડયાએ તેની વિકેટ લીધી છે.

Ind Vs Pak ICC World Cup live score : પહેલી વિકેટ ગુમાવ્યા બાદ પાકિસ્તાની કેપ્ટન બાબર આઝમ ક્રિઝ પર આવ્યો હતો અને તેણે મક્કમ રીતે બેટિંગની શરૂઆત કરી હતી.

India Vs Pakistan ICC Match live score : મોહમ્મદ સિરાજે અમદાવાદમાં ભારતને પહેલી સફળતા અપાવી હતી, તેણે અબ્દુલ્લા શફીકને LBW આઉટ કર્યો હતો. અબ્દુલ્લા શફીક 20 રન બનાવી આઉટ થયો હતો.

Ind Vs Pak World Cup 2023 live score : રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ અય્યર, કેએલ રાહુલ, હાર્દિક પંડ્યા, રવિન્દ્ર જાડેજા, કુલદીપ યાદવ, જસપ્રિત બુમરાહ, મોહમ્મદ સિરાજ, શાર્દુલ ઠાકુર.

Ind Vs Pak Match live score : બાબર આઝમ (કેપ્ટન), અબ્દુલ્લા શફીક, ઈમામ-ઉલ-હક, મોહમ્મદ રિઝવાન, સઈદ શકીલ, ઈફ્તિખાર અહેમદ, શાદાબ ખાન, મોહમ્મદ નવાઝ, હસન અલી, શાહીન શાહ આફ્રિદી, હરિસ રઉફ.

India Vs Pakistan live score : જસપ્રીત બૂમરાહે ભારત તરફથી પહેલી બોલિંગ કરી હતી. પહેલી ઓવરમાં પાકિસ્તાનનો સ્કોર 4/0

Ind Vs Pak live score : અમદાવાદના નરેન્દ્ર મોદી સ્ટેડિયમમાં ભારતીય કેપ્ટન રોહિત શર્માએ ટોસ જીતી પહેલા ફિલ્ડિંગ કરવાનો નિર્ણય લીધો હતો અને પાકિસ્તાનને પહેલા બેટિંગ કરવાનું આમંત્રણ આપ્યું હતું.

Ind Vs Pak Match live score : સંજય માંજરેકર અને મેથ્યુ હેડને પિચ રિપોર્ટમાં જણાવ્યું કે પિચ કાળી માટીની છે, જેનો અર્થ છે કે ઘણા રન બનાવાશે. આ બેટ્સમેન માટે અનુકૂળ પીચ છે જેના પર 300 થી વધુ રન બનાવાશે.

India Vs Pakistan ICC Match live score : અમદાવાદના નરેન્દ્ર મોદી સ્ટેડિયમમાં ખેલાડીઓ પહોંચી રહ્યા છે. રોહિતની આગેવાનીમાં ટીમ ઈન્ડિયા સ્ટેડિયમ પહોંચી ગઈ છે, દર્શકોની ભારે ભીડ જોવા મઅલી રહી છે.

Ind Vs Pak World Cup 2023 live score : ગુજરાત પોલીસે કહ્યું છે કે ભારત અને પાકિસ્તાન વચ્ચેની હાઈ વોલ્ટેજ મેચ માટે સુરક્ષા ખૂબ જ ચુસ્ત છે અને ગુજરાત પોલીસ તેના માટે સંપૂર્ણ રીતે તૈયાર છે.

India Vs Pakistan Cricket Match live score : અમદાવાદના નરેન્દ્ર મોદી સ્ટેડિયમ પહેલા બાબર આઝમની આગેવાનીમાં પાકિસ્તાનની ટીમ સ્ટેડિયમ આવી પહોંચી હતી. મેદાન બહાર દર્શકોની ભારે ભીડ જોવા મળી રહી છે.

India Vs Pakistan live score : અમદાવાદના નરેન્દ્ર મોદી સ્ટેડિયમમાં દર્શકોની એન્ટ્રી શરૂ થઈ ગઈ છે. ફેન્સ ભારે ઉત્સાહ સાથે સ્ટેડિયમ બહાર વહેલી સવારથી જ હાજર છે. મેચ પહેલા દર્શકોના મનોરજન માટે બોલીવુડ સિંગર પરફોર્મ કરશે.

Ind Vs Pak live score : રોહિત શર્મા અને ઈશાન કિશન પાકિસ્તાન સામેની મેચમાં મોટી ઉપલબ્ધિઓ હાંસલ કરી શકે છે. રોહિત શર્મા ODI ક્રિકેટમાં પોતાની 300 સિક્સરથી 3 સિક્સર દૂર છે. ઈશાન કિશનને વનડેમાં 1000 રન પૂરા કરવા માટે વધુ 67 રનની જરૂર છે.

India Vs Pakistan Cricket Match live score : ભારત-પાકિસ્તાન મહા મુકાબલા માટે અમદાવાદમાં ચાહકોની વહેલી સવારથી જ ભીડ જામી ચૂકી છે. દર્શકો મોટી સંખ્યામાં સ્ટેડિતમ બહાર પહોંચી ગયા છે. લોકોમાં ભારે ઉત્સાહ જોવા મળી રહ્યો છે.

Ind Vs Pak ICC World Cup live score : ભારત-પાકિસ્તાન મહા મુકાબલા માટે અમદાવાદમાં સ્ટાર સેલિબ્રિટીઓ જમાવડો જોવા મળશે. સદીના મહાનાયક અમિતાભ બચ્ચન અને સુપરસ્ટાર રજનીકાંત ઉપરાંત અનેક બોલીવુડ સ્ટાર્સ હાજર રહેશે. ક્રિકેટના ભગવાન સચિન તેંડુલકર પણ અમદાવાદ પહોંચી ગયા છે.

Ind Vs Pak World Cup 2023 live score : અમદાવાદમાં ભારત-પાકિસ્તાન વચ્ચેની ટક્કર પહેલા લાઈવ પરફોર્મન્સ થશે. નરેન્દ્ર મોદી સ્ટેડિયમમાં આજે મેચ પહેલા જાણીતી હસ્તીઓ પરફોર્મ કરશે, જેમાં અરિજીત સિંહ, શંકર મહાદેવન જેવા મોટા નામો સામેલ છે. આ કાર્યક્રમ બપોરે 12:30 થી 1:10 સુધી ચાલશે. અમિતાભ બચ્ચન, રજનીકાંત, સચિન તેંડુલકર પણ સ્ટેડિયમમાં હાજર રહેશે.

Ind Vs Pak Match live score : ODI વર્લ્ડ કપમાં ભારત અને પાકિસ્તાન આઠમી વખત ટકરાશે. સવાલ એ છે કે કોણ જીતશે? આ પ્રશ્નનો જવાબ આપવા માટે, જો તમે છેલ્લી 7 મેચોના પરિણામો પર નજર નાખો તો, 100 ટકા જીત સાથે ભારતનો હાથ ઉપર છે. જ્યારે પાકિસ્તાન ODI વર્લ્ડ કપમાં એક પણ વાર ભારતને હરાવી શક્યું નથી.

India Vs Pakistan live score : બે કટ્ટર હરિફ ટીમો ભારત અને પાકિસ્તાન વચ્ચે આજે અમદાવાદના નરેન્દ્ર મોદી સ્ટેડિયમ બપોરે બે વાંગીએથી મહા મુકાબલો શરૂ થશે. વર્લ્ડ કપમાં આજે બંને દેશના ખેલાડીઓ વચ્ચે જામશે જંગ.