એશિયા કપ (Asia Cup 2022) માં ભારત અને પાકિસ્તાન (India vs Pakistan) બીજી વખત ટકરાશે. રવિવારે, બંને ટીમો ફાઇનલમાં સ્થાન નિશ્ચિત કરવા માટે દુબઈના મેદાન પર જશે, ભારત અને પાકિસ્તાનની ટીમો ગ્રુપ Aમાં હતી. ભારત પ્રથમ અને પાકિસ્તાન બીજા ક્રમે છે. આ ટૂર્નામેન્ટમાં જ્યારે બંને ટીમો સામસામે આવી ત્યારે ભારતે (Indian Cricket Team) પાંચ વિકેટે જીત મેળવી હતી. આ હાર સાથે ભારતે T20 વર્લ્ડ કપ માં મળેલી હારનો બદલો પણ લઈ લીધો છે. એશિયા કપના સુપર 4માં પહોંચેલી તમામ ટીમોએ એક-બીજા સામે એકવાર રમવાનું છે.
ભારત માટે પ્રથમ મેચ જીતવી સરળ ન હતી. પ્રથમ બેટિંગ કરતા પાકિસ્તાને ભારતને જીતવા માટે 148 રનનો ટાર્ગેટ આપ્યો છે. ભારતીય બોલરો ખાસ કરીને ભુવનેશ્વર કુમાર અને હાર્દિક પંડ્યાએ શાનદાર પ્રદર્શન કર્યું હતું. આ પછી ભારતીય ટીમ બેટિંગ કરવા ઉતરી હતી. ભારત તરફથી વિરાટ કોહલીએ 35 રન બનાવ્યા હતા, જ્યારે હાર્દિક પંડ્યા અને રવિન્દ્ર જાડેજાએ મહત્વની ઈનિંગ્સ રમી હતી. પાકિસ્તાન માટે યુવા બોલર નસીમ શાહે સારી રમત બતાવી હતી.
ભારત અને પાકિસ્તાન વચ્ચે એશિયા કપ-2022 ની મેચ રવિવાર, 04 સપ્ટેમ્બરે રમાશે.
ભારત અને પાકિસ્તાન વચ્ચે એશિયા કપ-2022 ની મેચ દુબઈના દુબઈ ઈન્ટરનેશનલ ક્રિકેટ સ્ટેડિયમમાં રમાશે.
ભારત અને પાકિસ્તાન વચ્ચે એશિયા કપ-2022 ની મેચ સાંજે 7:30 વાગ્યે શરૂ થશે, ટોસ સાંજે 7 વાગ્યે થશે.
ભારત અને પાકિસ્તાન વચ્ચે એશિયા કપ-2022 ની મેચનું લાઈવ ટેલિકાસ્ટ સ્ટાર સ્પોર્ટ્સ નેટવર્કની વિવિધ ચેનલો પર થશે.
ભારત અને પાકિસ્તાન વચ્ચે એશિયા કપ-2022 ની મેચનું લાઈવ સ્ટ્રીમિંગ Disney Hotstar પર થશે. તમે tv9gujarati.com પર આ મેચના લાઈવ અપડેટ્સ પણ વાંચી શકો છો.
Published On - 9:06 am, Sun, 4 September 22