IND vs NZ: રાહુલ દ્રવિડે પહેલા બોલરો સામે બેટીંગ કરીને પ્રેકટિસ કરાવી હવે ઓફ સ્પિન બોલીંગ કરીને કાનપુર ટેસ્ટની તૈયારીઓ કરાવી, જુઓ Video
India vs New Zealand, 1st Test: મુખ્ય કોચ રાહુલ દ્રવિડે (Rahul Dravid) ઓફ સ્પિનર બનીને ટીમ ઈન્ડિયા (Team India) ના બેટ્સમેનોને કરાવી પ્રેક્ટિસ, વીડિયો થયો વાયરલ
કાનપુરના ગ્રીન પાર્ક સ્ટેડિયમ (Green Park Stadium) સજી ચૂક્યુ છે. ભારત અને ન્યુઝીલેન્ડ (India Vs New Zealand) ની ટીમો ગુરુવારથી પ્રથમ ટેસ્ટમાં આમને સામને થવા જઈ રહી છે. બંને ટીમો જીતની તૈયારીમાં વ્યસ્ત છે અને ભારતીય મુખ્ય કોચ રાહુલ દ્રવિડ (Rahul Dravid) આમાં કોઈ કસર છોડી રહ્યા નથી. કાનપુર ટેસ્ટ (Kanpur Test) ના એક દિવસ પહેલા રાહુલ દ્રવિડ પોતે ટીમ ઈન્ડિયા (Team India) ના બોલરોને બેટિંગ પ્રેક્ટિસ કરાવતો જોવા મળ્યો હતો. BCCI દ્વારા રાહુલ દ્રવિડનો એક વીડિયો શેર કરવામાં આવ્યો છે જેમાં તે ઓફ-સ્પિનર કરતો જોવા મળી રહ્યો છે.
વીડિયોમાં રાહુલ દ્રવિડ 3 નંબર પર રમી રહેલા બેટ્સમેન ચેતેશ્વર પૂજારાને બોલ ફેંકી રહ્યો છે. પૂજારા આ ટીમમાં મહત્વની કડી છે. જો તે વિકેટ પર રહેશે તો કિવીઓ માટે કાનપુરમાં ટકી રહેવું મુશ્કેલ થઈ જશે. જો કે, રાહુલ દ્રવિડની બોલિંગ પણ કાનપુરની પિચ વિશે ઘણું કહી રહી છે. એવું માનવામાં આવે છે કે ગ્રીન પાર્કની પીચ સ્પિનરોને મદદ કરશે. રમતના બીજા દિવસથી બોલ ટર્ન થશે અને તેથી જ બેટ્સમેનો સ્પિનરો સામે વધુને વધુ પ્રેક્ટિસ કરી રહ્યા છે.
કિવીઓ માટે કાળ છે રાહુલ દ્રવિડ!
ટીમ ઈન્ડિયાના મુખ્ય કોચ રાહુલ દ્રવિડ કિવીઓ માટે માથાનો દુખાવો સમાન છે. જ્યારે રાહુલ દ્રવિડ મેદાન પર આવતો ત્યારે ન્યુઝીલેન્ડના બોલરો પાણી માંગતા જોવા મળતા હતા. રાહુલ દ્રવિડની બેટિંગ એવરેજ આ વાતની સાક્ષી છે. દ્રવિડ ન્યુઝીલેન્ડ સામે ભારત તરફથી સૌથી વધુ ટેસ્ટ રન બનાવનાર બેટ્સમેન છે. દ્રવિડે ન્યૂઝીલેન્ડ સામે 64ની એવરેજથી 1659 રન બનાવ્યા છે.
એટલું જ નહીં દ્રવિડે ન્યૂઝીલેન્ડ સામે સૌથી વધુ 6 સદી પણ ફટકારી છે. સચિન તેંડુલકરે પણ પોતાની આખી કારકિર્દીમાં ન્યૂઝીલેન્ડ સામે માત્ર 4 સદી ફટકારી હતી. તે જ સમયે, વિરાટ કોહલી, સૌરવ ગાંગુલી અને વિજય માંજરેકરે કિવિઝ સામે 3-3 સદી ફટકારી છે.
– – ?
That moment when #TeamIndia Head Coach Rahul Dravid rolled his arm over in the nets. #INDvNZ @Paytm pic.twitter.com/97YzcKJBq3
— BCCI (@BCCI) November 24, 2021
હવે રાહુલ દ્રવિડના હાથમાં બેટ નથી પરંતુ મુખ્ય કોચ તરીકે પણ તે આ ટીમને ખતમ કરી શકે છે. ભારતીય પીચો પર ન્યુઝીલેન્ડને કેવી રીતે ફસાવવું તે દ્રવિડને તેના અનુભવ પરથી ખબર હશે. એવી અપેક્ષા રાખવામાં આવે છે કે કાનપુર ટેસ્ટમાં ભારતીય ટીમ સારી બેટિંગ કરશે અને તે પછી તમામ કામ સ્પિનરો કરશે.
આ પણ વાંચોઃ IND vs NZ: ટીમ ઇન્ડિયાના ફુડ મેનુમાં હલાલ મીટ મામલે BCCI ની સામે આવી સ્પષ્ટતા, અરુણ ધૂમલે કહ્યુ ખેલાડીઓ ભોજનને લઇ સ્વતંત્ર છે
આ પણ વાંચોઃ Cricket: જીવન સંઘર્ષથી ગુસ્સામાં રહેતો મોહમ્મદ શામી નિવૃત્તી જાહેર કરનારો હતો, આ બે ભારતીય દિગ્ગજોએ રોકી લીધો
Published On - 7:44 pm, Wed, 24 November 21
