Ind vs Ban ICC World Cup Highlights : વિરાટની સદીની મદદથી ભારતની સતત ચોથી જીત, બાંગ્લાદેશને સાત વિકેટે હરાવ્યું

ભારતે બાંગ્લાદેશને સાત વિકેટે હરાવ્યું છે. ODI વર્લ્ડ કપમાં ટીમ ઈન્ડિયાનો આ સતત ચોથો વિજય છે. આ જીત સાથે ભારતે પોઈન્ટ ટેબલમાં બીજા સ્થાને પોતાનું સ્થાન મજબૂત કરી લીધું છે.

વિરાટ કોહલી અને લોકેશ રાહુલ વચ્ચે અડધી સદીની ભાગીદારી થઈ છે. બંને બેટ્સમેન સારી ગતિએ રન બનાવી રહ્યા છે અને ટીમ ઈન્ડિયા જીતની નજીક છે.

ભારતની ત્રીજી વિકેટ 178 રનના સ્કોર પર પડી હતી. શ્રેયસ અય્યર 25 બોલમાં 19 રન બનાવીને આઉટ થયો હતો. મહેદી હસન મિરાજે તેને મહમુદુલ્લાહના હાથે કેચ કરાવ્યો હતો. હવે વિરાટ કોહલી સાથે લોકેશ રાહુલ ક્રિઝ પર છે. આ જોડી ટીમ ઈન્ડિયા માટે મેચ પુરી કરવા ઈચ્છશે. 30 ઓવર પછી ભારતનો સ્કોર 184/3 છે.

ગુરુવારે વારાણસી ડિસ્ટ્રિક્ટ કોર્ટમાં જ્ઞાનવાપી સંકુલમાં વજુખાના વિસ્તારના એએસઆઈ દ્વારા કરવામાં આવેલા સર્વે અંગે સુનાવણી પૂર્ણ થઈ હતી. હિન્દુ પક્ષ વતી રાખી સિંહે જિલ્લા ન્યાયાધીશ સમક્ષ આ અરજી દાખલ કરી હતી. આ કેસમાં જિલ્લા ન્યાયાધીશે પોતાનો નિર્ણય અનામત રાખ્યો છે. કોર્ટે આદેશ માટે 21 ઓક્ટોબરની તારીખ નક્કી કરી છે.

ભારતનો સ્કોર બે વિકેટના નુકસાન સાથે 150 રનને પાર કરી ગયો છે. વિરાટ કોહલી અને શ્રેયસ અય્યર ક્રિઝ પર છે. બંને ઝડપી ગતિએ રન બનાવી રહ્યા છે. ટીમ ઈન્ડિયા સરળતાથી લક્ષ્યની નજીક પહોંચી રહી છે.

CBIએ ભારતમાં વધી રહેલા આંતરરાષ્ટ્રીય સાયબર ગુનાઓ સામે દેશવ્યાપી ‘ઓપરેશન ચક્ર-2’ શરૂ કર્યું છે. ઓપરેશન ચક્ર-2 અંતર્ગત સીબીઆઈએ દેશમાં લગભગ 76 સ્થળોએ દરોડા પાડ્યા છે. આ સમયગાળા દરમિયાન સીબીઆઈએ લેપટોપ, હાર્ડ ડિસ્ક વગેરે સહિત મોટી સંખ્યામાં ડિજિટલ ગેજેટ્સ રિકવર કર્યા છે. આ ઓપરેશનનો ઉદ્દેશ્ય ભારતમાં સાયબર સંબંધિત ગુનાઓના ઈન્ફ્રાસ્ટ્રક્ચરને નષ્ટ કરવાનો છે. આ કામગીરી ખાનગી ક્ષેત્રની અગ્રણી એજન્સીઓ તેમજ રાષ્ટ્રીય અને આંતરરાષ્ટ્રીય એજન્સીઓના સહયોગથી ચલાવવામાં આવી રહી છે.

અમદાવાદના રામોલમાં દશેરા પૂર્વે કારીગરો દ્વારા રાવણદહન માટેના રાવણ બનાવવાની તૈયારીઓને આખરી ઓપ આપવામાં આવી રહ્યો છે. ખાસ યુપીથી મુસ્લિમ કારીગરો આ રાવણ બનાવા માટે ગુજરાત આવે છે. આગ્રા, મથુરા અને વૃંદાવનના કારીગરો દ્વારા રાવણ તૈયાર કરવામાં આવે છે. જેમા 10 થી 50 ફુટ સુધીના રાવણ તૈયાર કરવામાં આવે છે. આ રાવણ બનાવવા માટે દોઢ મહિના અગાઉ જ કારીગરો ગુજરાત આવી જાય છે. જેને બનાવવા માટે મુખ્યત્વે કાગળ, વાંસ, જિલેટીન અને ગુંદરનો ઉપયોગ કરવામાં આવે છે.

ભારતની પ્રથમ વિકેટ 88 રન પર પડી હતી. રોહિત શર્મા અડધી સદી ચૂકી ગયો છે. તેણે 40 બોલમાં સાત ચોગ્ગા અને બે છગ્ગાની મદદથી 48 રન બનાવ્યા હતા. તે હસન મહેમૂદના બોલ પર તૌહિદ હ્રદયના હાથે કેચ આઉટ થયો હતો. 13 ઓવર પછી ભારતનો સ્કોર 103/1 છે.

પાવરપ્લેમાં ભારતે એકપણ વિકેટ ગુમાવ્યા વિના 63 રન બનાવી લીધા છે. રોહિત શર્મા અને શુભમન ગિલની જોડીએ શાનદાર બેટિંગ કરી છે.

• ખાંભાના સમઢીયાળ ગામની ઘટના
• સરાણીયા પરિવારના એકજ પરિવારના ત્રણ લોકોના મોત
• પિતા, પુત્ર અને પુત્રી ત્રણેયના પાણીમાં ડૂબી જતાં મોત
• નદી કાંઠે પુત્ર જતાં તેને બચાવવા માટે બહેન અને પિતા પાણીમાં પડ્યા હતા
• ખાંભા પોલીસની મદદથી સ્થાનિક લોકોએ રેસ્ક્યુ કરી મૃતકોને બહાર કાઢ્યા
• મૃતકનો પરિવાર નદી કાંઠે પશુઓ સાથે રહેતો હતો

257 રનના ટાર્ગેટનો પીછો કરતા ભારતની બેટિંગ શરૂ થઈ ગઈ છે. રોહિત શર્મા અને શુભમન ગિલે ઇનિંગની શરૂઆત કરી છે. બંને પહેલી ઓવરથી જ મોટા શોટ રમી રહ્યા છે. ટીમ ઈન્ડિયાએ ઝડપી શરૂઆત કરી છે. બે ઓવર પછી ભારતનો સ્કોર 14/0 છે.

વડાપ્રધાન નરેન્દ્ર મોદીએ પેલેસ્ટાઈનના રાષ્ટ્રપતિ મહમૂદ અબ્બાસ સાથે ફોન પર વાત કરી છે. PM મોદીએ અલ અહલી હોસ્પિટલ પર થયેલા હુમલા પર શોક વ્યક્ત કર્યો છે. સાથે જ એવું પણ કહેવામાં આવ્યું છે કે પેલેસ્ટાઈનમાં માનવતાના ધોરણે મદદ ચાલુ રહેશે.

પ્રથમ બેટિંગ કરતા બાંગ્લાદેશે આઠ વિકેટ ગુમાવીને 256 રન બનાવ્યા હતા. ટીમ ઈન્ડિયાને ODI વર્લ્ડ કપ 2023માં સતત ચોથી જીત હાંસલ કરવા માટે 257 રનનો લક્ષ્યાંક છે. બાંગ્લાદેશ તરફથી લિટન દાસે સૌથી વધુ 66 રન બનાવ્યા હતા. જ્યારે તંજીદ હસને 51 રનની ઇનિંગ રમી હતી. અંતે, મહમુદુલ્લાહે 46 રનની ઇનિંગ રમી અને ટીમના સ્કોરને 250 રનની નજીક પહોંચાડ્યો. મુશ્ફિકુર રહીમે 38 રનનું યોગદાન આપ્યું હતું. ભારત તરફથી જસપ્રિત બુમરાહ, મોહમ્મદ સિરાજ અને રવિન્દ્ર જાડેજાએ બે-બે વિકેટ લીધી હતી. શાર્દુલ ઠાકુર અને કુલદીપ યાદવને એક-એક વિકેટ મળી હતી.

• અંધશ્રધ્ધામાં પરિવારે પુત્ર ગુમાવ્યો
• જનેતાએ 24 દિવસના માસૂમને અગરબત્તીના ડામ આપતા મોત
• રાજકોટ જિલ્લાના જેતપૂરની ઘટના
• માસુમ બાળકને પેટના ભાગે બે ડામ આપતાં માસુમની તબિયત લથડી હતી
• એક અઠવાડિયાથી બાળક સિવીલ હોસ્પિટલમાં સારવાર હેઠળ હતું
• આજે સારવાર દરમિયાન બાળકનું થયું મોત

બાંગ્લાદેશે 233 રનમાં સાત વિકેટ ગુમાવી દીધી છે. સિરાજે નસુમ અહેમદને આઉટ કરીને ભારતને સાતમી સફળતા અપાવી હતી. નસુમે 18 બોલમાં 14 રન બનાવ્યા હતા. લોકેશ રાહુલે તેનો કેચ પકડ્યો હતો. હવે મુસ્તાફિઝુર રહેમાન મહમુદુલ્લાહ સાથે ક્રિઝ પર છે.

• ગોધરાના ડોકટરના મુવાડા પાસે બની ઘટના
• ઓવરટેક દરમિયાન ડમ્પર ચાલકે અચાનક એસટી બસને ટક્કર મારતાં બની ઘટના
• અકસ્માતમાં બસ ચાલક, કંડક્ટર અને ચાર મુસાફરોને ઇજાઓ પહોંચી
• ઇજાગ્રસ્તને સિવિલ હોસ્પિટલમાં સારવાર માટે ખસેડવામાં આવ્યા

બાંગ્લાદેશની છઠ્ઠી વિકેટ 201 રનના સ્કોર પર પડી હતી. મુશ્ફિકુર રહીમ 46 બોલમાં 38 રન બનાવીને આઉટ થયો હતો. જસપ્રિત બુમરાહના બોલ પર રવિન્દ્ર જાડેજાએ શાનદાર કેચ લીધો હતો. હવે નસૂમ અહેમદ મહમુદુલ્લાહ સાથે ક્રિઝ પર છે. 45 ઓવર પછી બાંગ્લાદેશનો સ્કોર 210/6 છે.

• રાણપુર તાલુકાના બુબાવાવ ગામની સીમમાંથી ઝડપાયો બનાવટી દૂધનો જથ્થો
• બુબાવાવ ગામની સીમમાં જેરામ સંતરામભાઇ ગોંડલીયા બનાવતો હતો બનાવટી દૂધ
• પોલીસે બનાવટી દૂધના સેમ્પલ લઈને કાર્યવાહી હાથ ધરી
• પોલીસે રેડ કરીને રૂપિયા 1550નો બનાવટી દૂધ બનાવવાનો મુદ્દામાલ જપ્ત કર્યો

મેચ પર ભારતની પકડ વધુ મજબૂત બની છે. બાંગ્લાદેશની પાંચમી વિકેટ પડી છે. શાર્દુલે તોહિદને પેવેલિયન પરત મોકલી દીધો. બાંગ્લાદેશનો સ્કોર 40 ઓવરમાં 196 રન છે.

મેચ પર ભારતની પકડ વધુ મજબૂત બની છે. બાંગ્લાદેશની પાંચમી વિકેટ પડી છે. શાર્દુલે તોહિદને પેવેલિયન પરત મોકલી દીધો. બાંગ્લાદેશનો સ્કોર 37.2 ઓવરમાં 179 રન છે.

31 થી 40 ઓવરમાં નક્કી થશે કે બાંગ્લાદેશ ચાર આંચકામાંથી કેટલું બહાર નીકળી શકે છે. 36 ઓવરની રમત પૂર્ણ થઈ ગઈ છે. બાંગ્લાદેશનો સ્કોર 171 રન છે.

છત્તીસગઢ ચૂંટણીના પ્રથમ તબક્કા માટે ભાજપે 40 પ્રચારકોની યાદી જાહેર કરી છે. પીએમ નરેન્દ્ર મોદી, બીજેપી ચીફ જેપી નડ્ડા, રક્ષા મંત્રી રાજનાથ સિંહ, ગૃહ મંત્રી અમિત શાહ અને અન્ય લોકો પ્રચાર કરશે.

રહીમ બાંગ્લાદેશને મેચમાં પરત લાવવાનો પ્રયાસ કરી રહ્યો છે. બાંગ્લાદેશના 150 રન પૂરા થઈ ગયા છે. 33 ઓવર બાદ બાંગ્લાદેશનો સ્કોર ચાર વિકેટના નુકસાન પર 164 રન છે.

બાંગ્લાદેશે 32 ઓવરમાં ચાર વિકેટ ગુમાવીને 156 રન બનાવ્યા છે. હાલમાં તૌહિદ હૃદયોય અને મશફિકુર રહીમ ક્રિઝ પર છે.

બાંગ્લાદેશની ચાર વિકેટ પડી ગઈ છે. જાડેજાએ બીજી વિકેટ પણ લીધી છે. લિટને 66 રન બનાવ્યા હતા. બાંગ્લાદેશનો સ્કોર 31 ઓવરમાં ચાર વિકેટના નુકસાન પર 149 રન છે.

બાંગ્લાદેશની ચાર વિકેટ પડી ગઈ છે. જાડેજાએ બીજી વિકેટ પણ લીધી છે. ખતરનાક દેખાઈ રહેલ લિટન દાસ મોટો શોટ મારવા માટે પેવેલિયન પરત ફરી રહ્યો છે. લિટને 66 રન બનાવ્યા હતા. બાંગ્લાદેશનો સ્કોર 27.4 ઓવરમાં ચાર વિકેટના નુકસાન પર 137 રન છે.

સ્પિનરો બાદ ટીમ ઈન્ડિયાના ફાસ્ટ બોલરોએ પણ પોતાનું કૌશલ્ય દેખાડી રહ્યા છે. મોહમ્મદ સિરાજે મહેંદી હસન મિરાજને કેએલ રાહુલના હાથે કેચ કરાવ્યો હતો. 150 પહેલા ટીમને ત્રીજો આંચકો લાગ્યો છે.

બાંગ્લાદેશને 20મી ઓવરમાં 110ના સ્કોર પર બીજો ઝટકો લાગ્યો હતો. રવિન્દ્ર જાડેજાએ કેપ્ટન નઝમુલ હુસૈન શાંતોને LBW આઉટ કર્યો હતો. તે 17 બોલમાં આઠ રન બનાવી શક્યો હતો. 20 ઓવર પછી બાંગ્લાદેશનો સ્કોર બે વિકેટે 110 રન છે. હાલમાં લિટન દાસ 48 રન અને મેહદી હસન મિરાજ ક્રિઝ પર છે.

હસનની વિકેટ પડ્યા બાદ ભારતે વાપસી કરી છે. 18 ઓવર પછી બાંગ્લાદેશનો સ્કોર એક વિકેટના નુકસાને 104 રન છે. જાડેજા અને કુલદીપે રનની ગતિ પર કાબૂ રાખ્યો હતો. જોકે, ભારતે ટૂંક સમયમાં વધુ એક કે બે વિકેટ લેવાની જરૂર છે.

ઓપનિંગમાં સારી ભાગીદારીના કારણે બાંગ્લાદેશની ટીમે 18મી ઓવરમાં 100નો આંકડો પાર કરી લીધો છે. લિટન દાસ 50ની નજીક છે,

બાંગ્લાદેશને પહેલો ફટકો 15મી ઓવરમાં 93 રનના સ્કોર પર લાગ્યો હતો. કુલદીપ યાદવે તનજીદ હસનને એલબીડબ્લ્યુ આઉટ કર્યો હતો. તે 43 બોલમાં પાંચ ચોગ્ગા અને ત્રણ છગ્ગાની મદદથી 51 રન બનાવીને આઉટ થયો હતો. 15 ઓવર પછી બાંગ્લાદેશનો સ્કોર એક વિકેટે 94 રન છે. હાલમાં કેપ્ટન નઝમુલ હસન શાંતો અને લિટન દાસ ક્રિઝ પર છે.

કુલદીપ યાદવે ભારતીય ટીમને પ્રથમ સફળતા અપાવી છે. તેણે બાંગ્લાદેશી ઓપનર તંજીદ હસન (51)ને અડધી સદી ફટકારીને આઉટ કર્યો હતો.

બાંગ્લાદેશના ઓપનરો ટીમ ઈન્ડિયા પર સંપૂર્ણ રીતે વર્ચસ્વ ધરાવતા હોય તેવું લાગી રહ્યું છે. તનઝીમ તેની અડધી સદીની નજીક છે જ્યારે લિટન તેને સપોર્ટ કરી રહ્યો છે. બાંગ્લાદેશનો સ્કોર 80/0 છે.

બાંગ્લાદેશે 12 ઓવર પછી એકપણ વિકેટ ગુમાવ્યા વિના 72 રન બનાવી લીધા છે. હાલમાં તંજીદ હસન 35 બોલમાં 42 રન અને લિટન દાસ 37 બોલમાં 28 રન બનાવીને બેટિંગ કરી રહ્યો છે. ભારતીય બોલરો વિકેટ લેવા માટે સંઘર્ષ કરી રહ્યા હોય તેવું લાગી રહ્યું છે.

બાંગ્લાદેશના ઓપનરોએ ભારતીય બોલરો પર નિશાન સાધ્યું છે. શાર્દુલ ઠાકુરની પ્રથમ ઓવરમાં 16 રન આવ્યા હતા. 10 ઓવર પછી બાંગ્લાદેશનો સ્કોર કોઈ પણ નુકશાન વિના 63 રન છે.

હાર્દિક પંડ્યા મેદાનની બહાર ગયો છે. બોલિંગ કરતી વખતે હાર્દિક પંડ્યા ઈજાગ્રસ્ત થયો હતો. ભારત માટે આ મોટો ઝટકો છે. 8.3 ઓવર પછી બાંગ્લાદેશનો સ્કોર કોઈ પણ નુકશાન વિના 45 રન છે.

બોલિંગ કરતી વખતે હાર્દિક પંડ્યા ઈજાગ્રસ્ત થયો હતો. લિટન દાસના શોટને પગ વડે રોકવાનો પ્રયાસ કરતી વખતે ઈજા થઈ છે. હાલમાં ફિઝિયો મેદાનમાં છે.

બાંગ્લાદેશની ઈનિંગની 8મી ઓવરમાં મોહમ્મદ સિરાજ સામે તનજીદ અહેમદે બે ચોગ્ગા ફટકાર્યા હતા. બાંગ્લાદેશનો સ્કોર 37/0

બાંગ્લાદેશે 6 ઓવર પછી એકપણ વિકેટ ગુમાવ્યા વિના 19 રન બનાવી લીધા છે. લિટન દાસ અને તંજીદ હસન ક્રિઝ પર હાજર છે.

4 ઓવરની રમત પૂરી થઈ. બાંગ્લાદેશનો સ્કોર 6 રન છે. લિટન દાસ (0), તનજીદ હસન (6) વિકેટ પર છે.

બાંગ્લાદેશના ઓપનર લિટન દાસ અને તંજીદ હસન ક્રિઝ પર છે. 3 ઓવર પછી બાંગ્લાદેશનો સ્કોર કોઈ વિકેટ ગુમાવ્યા વિના 6 રન છે. ભારત માટે બુમરાહે પહેલી ઓવર અને સિરાજે બીજી ઓવર નાખી.

બાંગ્લાદેશનો નિયમિત કેપ્ટન શાકિબ અલ હસન ઈજાના કારણે ભારત સામેની મેચ રમી રહ્યો નથી. તેમની જગ્યાએ નઝમુલ હુસૈન કેપ્ટનશીપ કરી રહ્યો છે. બાંગ્લાદેશની ટીમમાં વધુ એક ફેરફાર કરવામાં આવ્યો છે. તસ્કીન અહેમદની જગ્યાએ હસન મહમૂદ રમી રહ્યો છે.

બાંગ્લાદેશની ટીમે બેટિંગ શરૂ કરી દીધી છે. જસપ્રીત બુમરાહ પ્રથમ ઓવર ફેંકી રહ્યો છે. બાંગ્લાદેશ તરફથી લિટન દાસ અને તંજીદ હસન ઓપનિંગ કરી રહ્યા છે.

India Vs Bangladesh Cricket Match live score :

ભારતની પ્લેઈંગ 11 :

શુભમન ગિલ, રોહિત શર્મા (કેપ્ટન), વિરાટ કોહલી, શ્રેયસ અય્યર, કેએલ રાહુલ, હાર્દિક પંડ્યા, રવીન્દ્ર જાડેજા, શાર્દુલ ઠાકુર, જસપ્રીત બુમરાહ, કુલદીપ યાદવ, મોહમ્મદ સિરાજ.

Ind Vs Ban live score :

બાંગ્લાદેશની પ્લેઈંગ 11 :

લિટ્ટન દાસ, તન્ઝીદ હસન, નજમુલ હુસેન શાંતો (કેપ્ટન), મેહિદી હસન મિરાઝ, તોહીદ હ્રિદોય, મુશફિકુર રહીમ (વિકેટકીપર), મહમુદુલ્લાહ, નસુમ અહેમદ, હસન મહમૂદ, મુસ્તફિઝુર રહેમાન, શૌરીફુલ ઇસ્લામ.

India Vs Bangladesh Cricket Match live score : ભારત અને બાંગ્લાદેશ વચ્ચે પુણેમાં વર્લ્ડ કપનો મુકાબલો 2 વાગ્યે શરૂ થશે. મેચ પહેલા બંને ટીમના કપ્તાનો વચ્ચે ટોસ યોજાયો હતો. જેમાં બાંગ્લાદેશે ટોસ જીતી પહેલા બેટિંગ પસંદ કરી હતી. ટીમ ઈન્ડિયા પહેલા બોલિંગ કરશે. શાકિબ આજની મેચમાં નહીં રમે.

India Vs Bangladesh live score : ભારત અને બાંગ્લાદેશ વચ્ચે પુણેમાં વર્લ્ડ કપનો મુકાબલો 2 વાગ્યે શરૂ થશે. એ પહેલા બંને ટીમના કપ્તાનો વચ્ચે ટોસ યોજાશે. 1:30 વાગ્યે ટોસ થશે.

Ind Vs Ban live score : ભારત અને બાંગ્લાદેશ વચ્ચેના ODI ક્રિકેટના આંકડા ટીમ ઈન્ડિયાની તરફેણમાં છે, પરંતુ છેલ્લી 4 મેચોમાં બાંગ્લાદેશના ખેલાડીઓ સારા ફોર્મમાં દેખાઈ રહ્યા છે. આ પહેલા બંને ટીમો એશિયા કપમાં ટકરાઈ હતી જ્યાં બાંગ્લાદેશે ટીમ ઈન્ડિયાને હરાવ્યું હતું. આ સિવાય છેલ્લા છ મુકાબલામાં બાંગ્લાદેશ ભારતને ત્રણ વાર હરાવી ચૂક્યું છે, એવામાં બાંગ્લાદેશની ટીમને હલકામાં લેવું ટીમ ઈન્ડિયાને ભારે પડી શકે છે.

India Vs Bangladesh ICC Match live score : ટીમની બોલિંગ અત્યારે કોઈ પણ પ્રકારની મુશ્કેલીમાં હોય તેવું લાગતું નથી. વર્લ્ડ કપમાં મોહમ્મદ સિરાજ પર વર્ચસ્વ જમાવી રહ્યો છે. આવી સ્થિતિમાં મોહમ્મદ શમીને રાહ જોવી પડી શકે છે. સૌથી મોટો સવાલ એ છે કે શાર્દુલ ઠાકુર અને રવિચંદ્રન અશ્વિન વચ્ચે કોને તક મળશે? આ પિચ પર સ્પિનરોને વધારે મદદ મળતી નથી, તેથી શાર્દુલને ટીમમાં તક મળી શકે છે.

Ind Vs Ban World Cup 2023 live score : પુણેની પિચ હાઈ સ્કોરિંગ છે અને 8 ઈનિંગ્સમાં 300થી વધુનો સ્કોર બન્યો છે. આ પીચ પર પહેલા બેટિંગ કરીને 300થી વધુ સ્કોર કરવાથી જીતની શક્યતા વધી જાય છે. અહીં પ્રથમ બેટિંગ કરનાર ટીમે 4 મેચ જીતી છે.

Ind Vs Ban Match live score: પુણે સ્ટેડિયમના રેકોર્ડની વાત કરીએ તો, ટીમ ઈન્ડિયાએ અહીં 7 વનડે રમી છે જેમાંથી 4માં જીત મેળવી છે, જ્યારે 3માં હારનો સામનો કરવો પડ્યો છે.

India Vs Bangladesh live score: વર્લ્ડ કપ 2023ની યજમાન ટીમ અને ટ્રોફી જીતવાની સૌથી મોટી દાવેદાર ટીમ ઈન્ડિયા સતત ત્રણ જીત સાથે ટૂર્નામેન્ટમાં શાનદાર શરૂઆત કરી છે. ટીમ ઈન્ડિયા ઓસ્ટ્રેલિયા, અફઘાનિસ્તાન અને પાકિસ્તાનને હરાવી ચૂકી છે અને હવે તેમની સામે બાંગ્લાદેશ છે, જેની સામે સામાન્ય રીતે ટીમ ઈન્ડિયા જીતની દાવેદાર હશે.

Ind Vs Ban live score : આજે પુણેમાં ભારત અને બાંગ્લાદેશ વચ્ચે વર્લ્ડ કપનો મુકાબલો. 2 વાગ્યે મેચ શરૂ થશે. 1:30 વાગ્યે ટોસ યોજાશે. બંને ટીમો જીત મેળવવા પ્રયાસ કરશે. પુણેમાં બંને ટીમનો રેકોર્ડ સારો છે, એવામાં બંને ટીમો વચ્ચે મજેદાર ટક્કર જોવા મળશે.