બેંગલૂરૂમાં ઓસ્ટ્રેલિયાએ ટોસ જીતી બોલિંગ પસંદ કરી, ભારત પહેલા કરશે બેટિંગ

પાંચ મેચની T20 શ્રેણીમાં ભારતીય ટીમ પહેલેથી જ 3-1થી આગળ છે અને શ્રેણી જીતી લીધી છે. સિરીઝની છેલ્લી મેચ બેંગલુરુમાં શરૂ થશે. અંતિમ મેચમાં ઓસ્ટ્રેલિયન કેપ્ટન મેથ્યુ વેડે ટોસ જીતી પહેલા બોલિંગ કરવાનો નિર્ણય લીધો હતો અને ભારતને પહેલા બેટિંગ કરવાનું આમંત્રણ આપ્યું હતું.

બંને ટીમોએ પ્લેઈંગ 11માં એક ફેરફાર કર્યો

અંતિમ મેચની ટીમમાં બંને ટીમમ એક-એક ફેરફાર જોવા મળ્યા છે. ટીમ ઈન્ડિયાએ પ્લેઈંગ 11માં એક ફેરફાર કર્યો છે. દીપક ચહરની જગ્યાએ અર્શદીપ સિંહને ટીમમાં જગ્યા મળી છે. ઓસ્ટ્રેલિયાએ પોતાની ટીમમાં એક ફેરફાર કર્યો છે. ક્રિસ ગ્રીનની જગ્યાએ નાથન એલિસને પ્લેઈંગ 11માં સામેલ કરવામાં આવ્યો છે.

બંને ટીમો જીતવા પ્રયાસ કરશે

ભારત અને ઓસ્ટ્રેલિયા વચ્ચે પાંચ મેચની T20 શ્રેણીની છેલ્લી મેચ બેંગલુરુના એમ ચિન્નાસ્વામી સ્ટેડિયમમાં રમાઈ રહી છે. ટીમ ઈન્ડિયા પહેલા જ ત્રણ મેચ જીતીને સિરીઝ પોતાના નામે કરી ચૂકી છે. આ શ્રેણીમાં યજમાન ટીમ હાલમાં 3-1થી આગળ છે. આજે ઓસ્ટ્રેલિયન ટીમ સિરીઝની છેલ્લી મેચ જીતીને હારના માર્જીનને ઘટાડવા માંગશે. ઓસ્ટ્રેલિયન ટીમ ભારત પ્રવાસને જીત સાથે સમાપ્ત કરવાનો પ્રયાસ કરશે.

બંને ટીમની પ્લેઈંગ 11

ઓસ્ટ્રેલિયા પ્લેઈંગ 11

ટ્રેવિસ હેડ, જોશ ફિલિપ, બેન મેકડર્મોટ, એરોન હાર્ડી, ટિમ ડેવિડ, મેથ્યુ શોર્ટ, મેથ્યુ વેડ (કેપ્ટન અને વિકેટ કીપર), બેન દ્વારશુઈસ, નાથન એલિસ, જેસન બેહરેનડોર્ફ, તનવીર સંઘા

ટીમ ઈન્ડિયા પ્લેઈંગ 11

યશસ્વી જયસ્વાલ, ઋતુરાજ ગાયકવાડ, શ્રેયસ અય્યર, સૂર્યકુમાર યાદવ (કેપ્ટન), રિંકુ સિંહ, જીતેશ શર્મા (વિકેટ કીપર), અક્ષર પટેલ, રવિ બિશ્નોઈ, આવેશ ખાન, મુકેશ કુમાર, અર્શદીપ સિંહ

આ પણ વાંચો: પુરુષ પહેલા મહિલા ક્રિકેટર્સનું ભાવિ થશે નક્કી, જાણો ફ્રેન્ચાઈઝી, ખેલાડીઓની બેઝ પ્રાઈઝ અને પર્સની સંપૂર્ણ માહિતી