#INDvsENG: સ્ટુઅર્ટ બ્રોડ પર ફરીથી ‘દેશી માર’, બુમરાહે મચાવી એવી ધમાલ ચાહકોને યુવરાજની યાદ આવી ગઈ

જો તમને વર્ષ 2007માં યોજાયેલ ટી-20 વર્લ્ડ કપ યાદ હોય તો તમે યુવરાજ સિંહ (Yuvraj Singh) ની ધમાકેદાર ઇનિંગ્સને ભૂલ્યા નહીં હોય. તેણે ઈંગ્લેન્ડના ઝડપી બોલર સ્ટુઅર્ટ બ્રોડ (Stuart Broad) ની એક જ ઓવરમાં છ છગ્ગા ફટકારીને ઈતિહાસ રચ્યો હતો. ડરબનમાં તેની તોફાની ઇનિંગ્સે આખી દુનિયામાં ખળભળાટ મચાવ્યો હતો.આ વાત આજથી લગભગ 14 વર્ષ પહેલાની હતી, પરંતુ તેની એક ઝલક ફરી એકવાર જોવા મળી છે. આ વખતે માત્ર બેટ્સમેન બદલાયા છે, બોલર છે. આ વખતે ભારતના ફાસ્ટ બોલર જસપ્રીત બુમરાહે (Jasprit Bumrah) ધમાલ મચાવી છે.

બુમરાહે બ્રોડની એક ઓવરમાં 35 રન બનાવ્યા છે અને તે પણ ટેસ્ટ ક્રિકેટમાં. વાસ્તવમાં ટીમ ઈન્ડિયા ઈંગ્લેન્ડ સામે પાંચ મેચની ટેસ્ટ સીરીઝની છેલ્લી મેચ રમી રહી છે. આ દરમિયાન બ્રોડ ઈંગ્લેન્ડ તરફથી 84મી ઓવર લાવ્યો હતો, પરંતુ આ ઓવરમાં બુમરાહે તેના બોલને એવી રીતે ફટકાર્યા કે લોકોને યુવરાજ સિંહ યાદ આવી ગયો. કદાચ સ્ટુઅર્ટ બ્રોડે પણ તેને યાદ કર્યો હશે.

બુમરાહે બ્રોડના બોલ પર આ ધોલાઈ કરીને ટેસ્ટ ક્રિકેટમાં એક ઈતિહાસ રચ્યો હતો. બુમરાહે અત્યાર સુધી ટેસ્ટ ક્રિકેટમાં એક ઓવરમાં એટલા રન બનાવ્યા છે જેટલો વિશ્વનો કોઈ બેટ્સમેન બનાવી શક્યો નથી. આ એક વર્લ્ડ રેકોર્ડ છે. હવે સોશિયલ મીડિયા પર પણ બુમરાહ દ્વારા બ્રોડની આ ધમાલ જોઈને લોકો પાગલ થઈ રહ્યા છે અને વિવિધ પ્રકારની પ્રતિક્રિયાઓ આપી રહ્યા છે. કેટલાક કહી રહ્યા છે કે બુમરાહે યુવરાજ સિંહની યાદ અપાવી છે, તો કેટલાક ફની મીમ્સ શેર કરીને લોકોને હસાવી રહ્યા છે.