IPL 2021: રાજસ્થાન સામેની મેચમાં એમએસ ધોનીએ કેપ્ટનશીપને લઇને નોંઘાવી આ મહત્વની સિદ્ધી, વિરાટ કોહલી પણ છે ક્યાંય પાછળ
મહેન્દ્ર સિંહ ધોની (MS Dhoni) ની ગણતરી IPL ના સૌથી સફળ કેપ્ટનોમાં થાય છે. તેમની કેપ્ટનશીપમાં ચેન્નઈ સુપર કિંગ્સે ત્રણ વખત આઈપીએલનો ખિતાબ જીત્યો છે.
મહેન્દ્ર સિંહ ધોની (MS Dhoni) ની ગણતરી વિશ્વના મહાન કેપ્ટનોમાં થાય છે. ભારતે તેની કેપ્ટનશીપમાં ત્રણ આઈસીસી ટ્રોફી જીતી હતી. આઈપીએલમાં પણ માહીએ પોતાની કેપ્ટન્સી સંભાળી અને ચેન્નાઈ સુપર કિંગ્સને ત્રણ વખત આઈપીએલ વિજેતા બનાવ્યુ છે. તેમની કેપ્ટનશિપ હેઠળ, જ્યારે પણ ચેન્નાઇએ લીગમાં પગ મૂક્યો, એકવાર સિવાય, તેઓ દર વખતે પ્લેઓફમાં પહોંચ્યા છે. ધોનીએ ઘણા રેકોર્ડ પોતાના નામે કર્યા છે. શનિવારે જ્યારે તે IPL 2021 માં રાજસ્થાન રોયલ્સ (Rajasthan Royals) સામે આવ્યો ત્યારે તેણે બીજો રેકોર્ડ પોતાના નામે કર્યો. જાણો તે રેકોર્ડ શું છે.
ધોની IPL માં 200 મેચમાં કેપ્ટન બનનાર પ્રથમ ખેલાડી બની ગયો છે. તે આજે IPL માં 200 મી મેચમાં કેપ્ટન તરીકે ઉતરી રહ્યો છે. ચેન્નાઇ ઉપરાંત ધોનીએ આઇપીએલમાં એક સીઝન માટે રાઇઝિંગ પુણે સુપરજાયન્ટ્સનું નેતૃત્વ પણ કર્યું હતું. તે એવો કેપ્ટન છે જેણે આઈપીએલમાં સૌથી વધુ કેપ્ટનશીપ કરી છે, અને આ મામલે તેની નજીક કોઈ નથી.
ધોનીની કેપ્ટનશીપ હેઠળ ચેન્નાઈએ 2010, 2011 અને 2018 માં આઈપીએલ ટ્રોફી જીતી છે. આ સિવાય તે પાંચ વખત રનર અપ રહી છે. 2008 માં તેણીએ ફાઇનલ રમી હતી પરંતુ તે જીતી શકી નહોતી. તે 2012, 2013 માં રનર-અપ પણ રહી હતી. તેની ટીમ 2015 માં ફરીથી ખિતાબ ચૂકી ગઈ હતી, તે 2019 માં પણ ખિતાબ જીતી શક્યા નહીં.
જો આઈપીએલમાં ધોનીના કેપ્ટનશીપમાં 199 મેચનો રેકોર્ડ જોઈએ તો તેણે 119 મેચ જીતી છે જ્યારે 79 મેચમાં તેને હારનો સામનો કરવો પડ્યો છે. ત્યાં એક મેચ અનિર્ણીત રહી છે.
ધોની બાદ વિરાટ કોહલી (Virat Kohli) એ ખેલાડીઓની યાદીમાં બીજું નામ છે. જેણે IPL માં બીજો એવો ક્રિકેટર છે, કે સૌથી વધુ મેચમાં કેપ્ટનશિપ કરી છે. કોહલીએ રોયલ ચેલેન્જર્સ બેંગ્લોર (RCB) ની કેપ્ટનશીપ કરી છે. તેણે અત્યાર સુધીમાં 136 મેચમાં કેપ્ટનશિપ કરી છે. તેના પછી કોલકાતા નાઈટ રાઈડર્સ (KKR) ના ભૂતપૂર્વ કેપ્ટન ગૌતમ ગંભીર છે, જેમણે 129 મેચમાં કેપ્ટનશિપ કરી છે.
રાજસ્થાન રોયલ્સ સામે ચેન્નાઇ સુપર કિંગ્સની ટીમે 189 રનનો સ્કોર ખડક્યો હતો. તેમના ઓપનર ઋતુરાજ ગાયકવાડે (Ruturaj Gaikwad) શતક ફટકાર્યુ હતુ, જ્યારે રવિન્દ્ર જાડેજા (Ravindra Jadeja) એ આક્રમક રમત રમી હતી.